ગુજરાત વિધાનસભામાં કોળી-ઠાકોર સમાજ માટે કોંગી ધારાસભ્યએ કર્યો અનામતનો હુંકાર
ગુજરાતમાં ફરીએકવાર અનામતની માગ
અનામત માટે જરુર પડે તો લડત પણ કરીશું-બળદેવજી ઠાકોર
જાતિ- જ્ઞાતિ ને ભડકાવવાનું કામ કોંગ્રેસ કરે છે-જીતુ વાઘાણી
ગુજરાતમાં ફરી એકવાર અનામતની માંગ ઉઠી છે. કલોલના કોંગ્રેસના ધારાસભ્યએ વિધાનસભામાં કોળી ઠોકર અંગે અવાજ ઉઠાવ્યો. તેઓએ નિવેદન આપતા એક ઉદાહરણ રજૂ કર્યુ કે ડિંગુચાનો પરિવાર વિદેશમાં મૃત્યુ પામ્યો જે સાબિત કરે છે કે ગુજરાતમાં રોજગારી નથી. ગુજરાતમાં 1.20 કરોડની કોળી-ઠાકોર સમાજની વસતી છે. 27 ટકા ઓબીસી સમાજમાં 80 ટકા કોળી-ઠાકોર સમાજના લોકો છે તેમ છતાં બજેટમાં માત્ર 1 કરોડ અને 10 લાખ જ ફાળવવામાં આવ્યા.
'ઠાકોર સમાજને અનામત માટે કરીશું લડત'
કોંગ્રેસના ધારાસભ્ય બળદેવજી ઠાકોરે કોળી સમાજને અનામત આપવા અંગે પણ વિધાનસભામાં મુદ્દો ઉઠાવ્યો. તેઓએ જણાવ્યું કે ઠાકોર સમાજને 20 ટકા અનામત આપવાની જરુર પડશે તો લડત પણ કરીશું. જો કે સાથે એવો પણ આક્ષેપ કર્યો હતો કે સરકારમાં પણ અનામત જેવી સ્થિતિ છે.ST, SC, OBCના મિત્રોને મંત્રીમંડળમાં સારૂ સ્થાન નથી મળ્યું.
કોળી-ઠાકોર સમાજ ભાજપની નીતિ સમજી ગયા છે- ઋત્વિક મકવાણા
કોળી અને ઠાકોર સમાજની વસતીને ધ્યાને રાખીને રાજ્ય સરકારે ફાળવેલા બજેટથી અસંતુષ્ટ બળદેવજી ઠાકોરે અનામતની માગ કરી હતી. જેને અખિલ ભારતીય કોળી સમાજે સમર્થન આપ્યુ હતું. ઋત્વિક મકવાણાએ નિવેદન આપતા જણાવ્યું કે ઠાકોર અને કોળી વિકાસ નિગમને ભાજપ અન્યાય કરે છે. જરુર પડ્યે અમે રસ્તા પર ઉતરીને આંદોલન કરીશું. કોળી-ઠાકોર સમાજ હવે ભાજપની નીતિને સમજી ગયા છે. હવે કોળી અને ઠાકોર સમાજ મળી આંદોલન ચલાવશે તેમ ઋત્વિજ મકવાણાએ નિવેદન આપ્યુ હતું.
ભડકાવવાનું કામ કોંગ્રેસનું- જીતુ વાઘાણી
જરાત કોંગ્રેસના ધારાસભ્ય બળદેવજી ઠાકોરે હુંકાર કર્યો છે કે, ઠાકોર સમાજને 20 ટકા અનામત અપાવવાની માંગ માટે જરૂર પડશે તો લડત પણ કરીશું અને આંદોલન પણ કરીશું. કોંગ્રેસ ધારાસભ્ય બળદેવજી ઠાકોરે 20 ટકા અનામતની માંગ કરતાં રાજકારણ ગરમાયું છે. ભાજપના પ્રવક્તા જીતુ વાઘાણીએ નિવેદન આપતા જણાવ્યું કે જાતિ-જ્ઞાતિને ભડકાવાનું કામ કોંગ્રેસ કરે છે. સાથે કોંગ્રેસને સવાલ પણ પૂછ્યો કે OBCને બંધારણીય દરજ્જો આપવાનું કામ કેમ કોંગ્રેસે નહોતું કર્યું? PMમોદી સરકારે ઓબીસી પંચને બંધારણીય દરજ્જો અપાવ્યો. અને ઓછા બજેટ ફાળવણી અંગે પણ જણાવ્યું કે ગુજરાત સરકારે તમામ સમાજને સમાવતું બજેટ આપ્યું છે. કોંગ્રેસે 2017માં પણ આવા જ પ્રયત્નો કર્યા તા જે નિષ્ફળ રહ્યા હતા.