છેલ્લા એક મહિનાથી ન્યાયની માગ સાથે આંદોલન કરવામાં આવી રહ્યું છે. LRDની પરીક્ષામાં અન્યાયને મુદ્દે માલધારી સમાજ આંદોલન કરીને ન્યાયની માગ કરી રહ્યાં છે. ત્યારે હવે આ મહિલા આંદોલનને કોળી સમાજે પણ ટેકો આપ્યો છે.
LRD ભરતીની મેરિટ પ્રક્રિયામાં વિવાદનો મામલો
મહિલા આંદોલનને કોળી સમાજનો ટેકો
કોળી સમાજનું પ્રતિનિધિમંડળ ગાંધીનગર પહોંચ્યું
LRD ભરતી મેરિટ પ્રક્રિયામાં વિવાદ મામલે મહિલા આંદોલનને કોળી સમાજે ટેકો આપ્યા બાદ કોળી સમાજનું પ્રતિનિધીમંડળ ગાંધીનગર પહોંચ્યું અને મહિલા ઉમેદવારો સાથે મુલાકાત કરી હતી. ચંદ્રવદન પીઠવાલા, ઋત્વીજ મકવાણા સહિતના આગેવાનોએ મહિલાઓ સાથે મુલાકાત કરી હતી. પ્રતિનિધિ મંડળનો આક્ષેપ છે કે OBC સમાજને અન્યાય થયો છે.
મહત્વનું છે કે, ગાંધીનગરમાં LRD બહેનો એક મહિનાથી આંદોલન કરી રહી છે. આંદોલનકારી મહીલા ઉમેદવારોઓ સાથે માલધારી સમાજના આગેવાનો પણ ઉપવાસમાં જોડાયા છે. છેલ્લા કેટલાય દિવસથી આંદોલન બાદ પણ ઉકેલ ન આવતા આંદોલનકારીઓમાં રોષ જોવા મળી રહ્યો છે.
મહિલા ઉમેદવારો કેમ કરી રહી છે વિરોધ?
ઠરાવમાં સુધારણા અંગે કેબિનેટમાં નિર્ણય લેવાઇ શકે છે. 1 ઓગસ્ટ 2018ના ઠરાવ સામે મહિલાઓએ વાંધો ઉઠાવ્યો છે. પરિપત્રમાં સવાલ નંબર 12 અને 13 વિવાદનું કારણ બન્યું છે. પરિપત્ર સંપૂર્ણ મહિલા અનામત વિશે જ સ્પષ્ટતા કરે છે. મેરિટના ધોરણે પસંદ થાય તો મહિલાઓને અનામત ન મળી ગણાય આ પરિપત્રનો વિવાદ છે. જેને લઇને છેલ્લા કેટલાય દિવસથી SC/ST અને OBC મહિલા ઉમેદવારો ધરણા કરી રહી છે. ઠરાવના કારણે મહિલાઓની પસંદગી નહીં થયાનો દાવો કરવામાં આવ્યો છે. આ આંદોલનને ભાજપના સાંસદો અને ધારાસભ્યોએ પણ ટેકો છે. તો મુખ્યમંત્રીએ પણ પરિપત્રનો રિવ્યુ કરવાનું આદેશ આપ્યા હતા.