કિંગ કોહલીએ ત્રણ વર્ષ પછી ટેસ્ટ મેચમાં સદી ફટકારતા, વિરાટ કોહલીએ અદભુત રિએક્શન આપતા તેમના ફેન્સમાં ખુશી જોવા મળી રહી છે.
અમદાવાદ ટેસ્ટ મેચમાં વિરાટ કોહલીએ સદી ફટકારી.
ત્રણ વર્ષ પછી ટેસ્ટ કરિઅરમાં સદી મારી.
સદી ફટકાર્યા બાદ કોહલીએ આપ્યું અદભુત રિએક્શન.
ભારત અને ઓસ્ટ્રેલિયા વચ્ચે ચોથી અને અંતિમ ટેસ્ટ મેચ અમદાવાદમાં રમવામાં આવી રહી છે. ભારતીય ટીમ આ ટેસ્ટ સીરિઝમાં 2-1થી આગળ છે. આ અંતિમ ટેસ્ટ મેચમાં વિરાટ કોહલીએ શાનદાર સદી ફટકારી છે. વિરાટ કોહલીએ 241 બોલમાં સદી ફટકારી છે. લગભગ 3 વર્ષ પછી વિરાટ કોહલીએ ટેસ્ટ મેચમાં સદી ફટકારી છે. વિરાટ કોહલી અગાઉ 15 ઈનિંગમાં અડધી સદી પણ ફટકારી શક્યા નહોતા.
વિરાટ કોહલીએ અલગ અંદાજમાં ખુશી વ્યક્ત કરી
વિરાટ કોહલીએ માત્ર 5 ચોગ્ગા લગાવીને આ સદી પૂરી કરી છે, સૌથી વધુ સ્ટ્રાઈક રોટેટ કરીને રન કર્યા છે. વિરાટ કોહલીએ ટેસ્ટ કરિઅરની 28મી સદી અને આંતરરાષ્ટ્રીય ક્રિકેટમાં 75મી સદી ફટકારી છે. આંતરરાષ્ટ્રીય ક્રિકેટમાં સૌથી વધુ સદી ફટકારનાર ખેલાડીઓમાં પૂર્વ ભારતીય કેપ્ટન વિરાટ કોહલી બીજા નંબર પર છે. લગભગ ત્રણ વર્ષ પછી ટેસ્ટ મેચમાં સદી ફટકાર્યા બાદ વિરાટ કોહલીએ ખૂબ જ અલગ અંદાજમાં ખુશી વ્યક્ત કરી હતી, જે જોઈને તેમના ફેન્સ દંગ રહી ગયા હતા. હંમેશા સદી ફટકાર્યા બાદ વિરાટ કોહલી આક્રમક અંદાજમાં ખુશી વ્યક્ત કરે છે. આ વખતે સદી ફટકાર્યા પછી એક વિરાટ કોહલીના ચહેરા પર એક સામાન્ય સ્માઈલ જોવા મળી હતી અને ખૂબ જ વિનમ્ર અંદાજમાં દર્શકો અને સાથે ખેલાડીઓના અભિવાદનનો સ્વીકાર કર્યો હતા.
વિરાટ કોહલીનો આ અંદાજ જોઈને સોશિયલ મીડિયા યૂઝર્સ અલગ અલગ પોસ્ટ શેર કરી રહ્યા છે. એક સોશિયલ મીડિયા યૂઝરે કમેન્ટ કરી હતી કે, ‘ધ રોરિંગ સેલિબ્રેશન’, ‘1025 દિવસ બાદ આ ક્ષણ જોવા મળી’, ‘બો ડાઉન’, ‘વ્હોટ અ મોમેન્ટ’, ‘કિંગ કોહલી’ જેવી કમેન્ટ કરવામાં આવી રહી છે. વિરાટ કોહલીએ આ વર્ષે શ્રીલંકા સામેની વન ડે મેચમાં શાનદાર સદી ફટકારી હતી, તો છેલ્લી વન ડે મેચમાં 166 રન ફટકારીને અણનમ રહ્યા હતા.
વર્લ્ડ ટેસ્ટ ચેમ્પિયનશિપની ફાઈનલની દૃષ્ટિએ ભારતીય ટીમ માટે આ મેચ મહત્વપૂર્ણ છે. જો ભારત આ મેચ જીતશે તો તે WTC ફાઇનલમાં જગ્યા નિશ્ચિત કરી લેશે. ઓસ્ટ્રેલિયા WTC ફાઈનલ માટે અગાઉ જ ક્વોલિફાઈ થઈ ગયું છે. ભારત અને શ્રીલંકાની ટીમો અત્યારે ફાઈનલની રેસમાં છે તથા અન્ય ટીમો આ લિસ્ટમાંથી બહાર થઈ ગઈ છે.