ટીમ ઇન્ડિયાનો કેપ્ટન વિરાટ કોહલીનું કાઉન્ટી રમવાનું સપનું માત્ર સપનું જ બની રહી જઇ શકે છે. વિરાટની ફિટનેસને લઇને જે ચર્ચા થઇ રહી છે જેના પરથી સ્પષ્ટ લાગી રહ્યુ છે કે સરે માટેની કાઉન્ટી રમવાનું સપનું સાકાર નહી થઇ શકે. IPL 11ના પ્લે ઑફમાં જગ્યા નહી બનાવારી ટીમ RCBના કેપ્ટન વિટાટ કોહલી સ્લિપ ડિસ્કની પરેશાનીનો સામનો કરી રહ્યો છે. મેડિકલ રિપોર્ટ્સ અનુસાર વિરાટને કાઉન્ટી ક્રિકેટ રમવાનો મૌકો ગુમાવો પડી શકે છે અને સાથે જ ઇંગ્લેન્ડના પ્રવાસમાંથી બહાર થવું પડી શકે છે.
ગત 12 મહિનાથી સતત ક્રિકેટ રમી રહેલા વિરાટ કોહલી સ્લિપ ડિસ્કને લઇને ડૉક્ટરી સલાહ માટે બુધવારે હોસ્પિટલ ગયો હતો.જ્યાં તેને જાણીતા ડૉક્ટર પાસે ચેકઅપ કરાવ્યું. સૂત્રોનુસાર મેડિકલ રિપોર્ટમાં તેમની સ્પાઇનલ નર્વ્સમાં નુકસાન બતાવવામાં આવ્યું છે.
ડૉક્ટરોએ તેણે કાઉન્ટી ક્રિકેટ નહી રમવાની સલાહ આપી છે. જોકે ડૉક્ટરોએ આ માટેનું ઑપરેશન કરવાનું સ્પષ્ટ ઇન્કાર કર્યો છે. રિપોર્ટ્સ અનુસાર વિરાટે ડૉક્ટરની મુલાકાત પછી કાઉન્ટી ક્લબ સરેને નહી રમવાની માટે સૂચિત પણ કરી દીધું છે. જોકે આ વિશે ભારતીય ક્રિકેટ કંટ્રોલ બોર્ડ (BCCI) અને વિરાટની તરફથી કોઇ નિવેદન આવ્યું નથી.
ઉલ્લેખનીય છે કે વિરાટ કોહલીએ અફધાનિસ્તાન ટેસ્ટની જગ્યાએ કાઉન્ટી ક્રિકેટને મહત્વ આપ્યુ હતુ જેનાથી ઇંગ્લેન્ડ પ્રવાસમાં તેને મદદ મળી શકે છે. 2014માં વિરાટ ઇંગ્લેન્ડના પ્રવાસ પર જેમ્સ એન્ડરસનની બૉલની સામે 5 ટેસ્ટ મેચમાંમ 13.4ની એવરેજમાં માત્ર 134 રન જ બનાવી શક્યો હતો.