શુભમન ગિલ અને સારાના અફેરને લઈને ચાહકોએ મજાક ઉડાવી હોવાના વીડિયો સામે આવ્યો
બેટ્સમેન શુભમન ગિલ સાથેના અફેરને લઈને ચર્ચા
સારાનું નામ લઈને ચાહકોએ શુભમનની કરી મજાક
વિરાટ કોહલીએ પણ પ્રતિક્રિયા આપી
હાલમાં બોલિવૂડ એક્ટ્રેસ સારા અલી ખાન ભારતીય ક્રિકેટ ટીમના સ્ટાર બેટ્સમેન શુભમન ગિલ સાથેના અફેરને લઈને ચર્ચામાં છે. બંને સ્ટાર્સ ઘણી વખત સાથે જોવા મળ્યા છે. હવે સોશિયલ મીડિયા પર કેટલાક વીડિયો જોરદાર વાયરલ થઈ રહ્યા છે, જેમાં શુભમન ગિલના ચાહકો સ્ટેડિયમમાં સારા અલી ખાનના નામ લઈ શુભમનની મજાક ઉડાવી રહ્યા છે. આ સાથે જ વિરાટ કોહલી પણ આ તકે મસ્તી કરવાનું ચૂકતો નથી.
સારાનું નામ લઈને ચાહકોએ શુભમનની કરી મજાક
ઈન્દોરના હોલકર સ્ટેડિયમમાં ન્યૂઝીલેન્ડ સામેની ભારતની મેચ દરમિયાન એક વીડિયો સામે આવ્યો છે. તેમાં જોઈ શકાય છે કે શુભમન ગિલને સ્ટેડિયમમાં જોઈને તેના ચાહકો સારા અલી ખાનના નામની બૂમો પાડી રહ્યા છે. તેઓ જોરથી 'હમારી ભાભી કૈસે હો, સારા ભાભી જૈસી હો' ના નારા લગાવી રહ્યા છે. શુભમન ગિલના ફેન્સના આ શબ્દો સાંભળીને વિરાટ કોહલીએ પણ પ્રતિક્રિયા આપી છે. તે સ્મિત કરે છે અને તેને ચાલુ રાખવા ચાહકોને ઈશારા કરે છે.
"સારા કા સારા સચ બોલ રહા હું"
સારાને ડેટ કરવા પર શુભમને આ પ્રતિક્રિયા આપી હતી.થોડા સમય પહેલા શુભમન ગિલ સોનમ બાજવાના ટોક શોમાં પહોંચ્યો હતો, જ્યાં તેણે સારા અલી ખાનને ડેટ કરવાના સવાલ પર પ્રતિક્રિયા આપી હતી. શોમાં સોનમે શુભમનને પૂછ્યું કે બોલિવૂડની સૌથી ફિટ અભિનેત્રી કોણ છે? તો જવાબમાં તેણે સારા અલી ખાનનું નામ લીધું. આ પછી સોનમે પૂછ્યું શું તમે સારાને ડેટ કરી રહ્યાં છો ? તો શુભમને કહ્યું, કદાચ. આ પછી સોનમ પંજાબીમાં પૂછે છે, 'સારા કા સારા સચ બોલો પ્લીઝ'. આના જવાબમાં શુભમન ગિલ કહે છે, 'સારા કા સારા સચ બોલ રહા હું.'
સારા અલી ખાનનું વર્ક ફ્રન્ટ
સારા અલી ખાન ફિલ્મ અતરંગી રેમાં જોવા મળી હતી. જેમાં તેણે અક્ષય કુમાર અને સાઉથ સ્ટાર ધનુષ સાથે સ્ક્રીન શેર કરી હતી. આનંદ એલ. રાય દ્વારા નિર્દેશિત આ ફિલ્મમાં સારાના અભિનયના ખૂબ વખાણ થયા હતા. તાજેતરમાં સારાની વેબ સિરીઝ એ વતન મેરે વતનનું ટીઝર રિલીઝ થયું હતું. જેમાં તે ફ્રીડમ ફાઈટરના પાત્રમાં જોવા મળી હતી. આ સીરીઝ એમેઝોન પ્રાઇમ વિડિયો પર સ્ટ્રીમ થશે. આ સિવાય સારા પાસે લક્ષ્મણ ઉતેકરની અનટાઈટલ ફિલ્મ છે, જેમાં તેની સાથે વિકી કૌશલ જોવા મળશે.