લેજન્ડ ક્રિકેટર સચિન તેંડુલકરને પોતાનો ફ્રેન્ડ, ટીમમેટ, મેન્ટર અને આઇકોન ગણાવતા ટીમ ઇન્ડિયાના કેપ્ટન વિરાટ કોહલીએ ક્રિકેટફેનને અપીલ કરી છે, તેઓ લોરિયસ સ્પોર્ટિંગ મોમેન્ટ 2000-2020 એવોર્ડ્સ માટે સચિનને વોટ કરે.
ભારતે 2011માં મુંબઇમાં વર્લ્ડકપ જીત્યો હતો અને આજ ક્ષણને લોરિયસ સ્પોર્ટિંગ મોમેન્ટ તરીકે શોર્ટલિસ્ટ કરવામાં આવી છે.
વિરાટ કોહલીએ પોતાના ઑફિશ્યલ ટ્વિટર એકાઉન્ટ પરથી ટ્વિટ કરીને કહ્યુ કે, એક ફ્રેન્ડ, ટીમ મેટ, મેન્ટર અને આઇકોન. આવો આપણે સાથે મળીને સચિન પાજી માટે લોરિયસ સ્પોર્ટિંગ મોમેન્ટ 2000-2020 માટે વોટ કરીએ. ઉલ્લેખનીય છે કે, સચિનની તે ક્ષણે કેરિડ ઓન ધ સોલ્ડર્સ ઑફ ધ નેશનનું નામ આપવામાં આવ્યુ છે .
સચિન તેંડુલકરે 2011 માં મુંબઇના વાનખેડે સ્ટેડિયમમાં મહેન્દ્ર સિંહ ધોનીની આગેવાનીમાં વર્લ્ડકપ જીત્યો હતો. સચિને 6 વર્લ્ડકપમાં ભાગ લીધો હતો અને તેનો આ અંતિમ વર્લ્ડકપ હતો. વર્લ્ડ કપ જીત્યા પછી ટીમ ઇન્ડિયાના સાથી ખેલાડીઓએ તેને ખભા પર બેસાડીને ગ્રાઉન્ડનું ચક્કર લગાવ્યુ હતુ. વિરાટે પણ સચિનને ખભા પર બેસાડ્યો હતો, પછી તેણે કહ્યુ કે, સચિન 21 વર્ષ સુધી પોતાના ખભા પર સમગ્ર દેશની આશાઓને લઇને રમ્યો હતો અને તેને ખભા પર ઉચક્યો હતો.
લોરિયસ સ્પોર્ટિંગ મોમેન્ટ 2000-2020 માટે પબ્લિક વૉટિંગ કરવામાં આવ્યુ છે. જેથાની ફેન્સ પોતાના મનપસંદ વિનર નક્કી કરી શકે. વિજેતાની જાહેરાત 17 ફેબ્રુઆરીએ બર્લિનમાં યોજાનારા લોરિયસ વર્લ્ડ સ્પોર્ટ્સ એવોર્ડ્સ દરમિયાન કરવામાં આવશે.