ચેન્નાઈનાં ચેપોકમાં અશ્વિનનાં બોલ પર છક્કો માર્યા બાદ જો રુટ પગમાં દુખાવાને લીધે મેદાનમાં ઢળી પડ્યો હતો. ત્યારબાદ કોહલી તેની પાસે ગયો અને સ્ટ્રેચિંગ કરવા લાગ્યો.
બીસીસીઆઈએ તેના ટ્વીટર એકાઉન્ટ પર ધોની-કોહલીનો ફોટો શેર કર્યો
જો રુટે તેની 100મી ટેસ્ટ મેચમાં સેન્ચ્યુરી લગાવી
કોહલીએ જો રુટના જમણા પગની સ્ટ્રેચિંગ કરી આપી
બીસીસીઆઈને ધોનીની યાદ આવી
ભારત અને ઈંગ્લેન્ડ વચ્ચે ચાર ટેસ્ટ મેચની સિરીઝનો પહેલો મુકાબલો ચેન્નાઈનાં એમએ ચિદંબરમ સ્ટેડિયમ ખાતે રમાઈ રહ્યો છે. મેચનાં પહેલા દિવસે શુક્રવારે વિરાટ કોહલીએ એક દિલ જીતી લેવાનું કામ કરી દીધું હતું. કોહલીએ જો રુટની સ્ટ્રેચિંગ કરાવી તેનાં પર ભારતીય ક્રિકેટ બોર્ડને મહેન્દ્ર સિંહ ધોનીની યાદ આવી ગઈ હતી. બીસીસીઆઈએ તેનાં ટ્વીટર એકાઉન્ટ પર કોહલી અને ધોનીની જુદી જુદી તસવીરો શેર કરી હતી.
કોહલી બન્યો રુટનો ફિઝિયો
ટેસ્ટ મેચનાં પહેલા દિવસે ઈંગ્લેન્ડનાં કેપ્ટન જો રુટે શાનદાર બેટીંગ કરી. તેણે તેની ટેસ્ટ કરિયરની 20મી અને સતત ત્રીજી સેન્ચ્યુરી લગાવી હતી. આ તેની 100મી ટેસ્ટ મેચ પણ હતી. મેચ દરમિયાન રુટનાં જમણા પગમાં ખેંચ આવતા તે દુખાવાને લીધે જમીન પર પડ્યો હતો. તેવામાં વિરાટ કોહલીએ ત્યાં પહોચીને ફિઝિયોની જેમ રુટની મદદ કરી હતી. ક્રિકેટ ફેન્સને વિરાટનું આ કામ ખૂબ પસંદ આવ્યું હતું.
કોહલીએ ધોનીની યાદ અપાવી
બીસીસીઆઈને કોહલીનાં આ વ્યવહારથી ટીમ ઇન્ડિયાનાં પૂર્વ કેપ્ટન મહેન્દ્રસિંહ ધોનીની યાદ આવી ગઈ. તેમણે ધોની અને કોહલીનો એક મીક્સ વીડિયો તૈયાર કર્યો. બોર્ડે તેની લિંક તેમનાં ટ્વીટર એકાઉન્ટ પર શેર કરી. ધોનીનો વીડિયો 6 વર્ષ જુનો છે જેમાં 2015માં મુંબઈમાં રમાયેલ મેચમાં ધોનીએ દક્ષિણ આફ્રિકાનાં બેટ્સમેન ફાફ ડુપ્લેસિસની સ્ટ્રેચિંગ કરી હતી.
છક્કો મારી રુટ મેદાનમાં ઢળી પડ્યો
ચેન્નાઈનાં ચેપોકમાં રુટ પણ અશ્વીનનાં બોલ પર છક્કો માર્યા બાદ મેદાનમાં ઢળી પડ્યો હતો. ત્યારબાદ કોહલી તેની પાસે ગયો અને તેની સ્ટ્રેચિંગ કરી આપી. મેચ દરમિયાન કોહલી અને રુટ ઘણી વખત વાતચીત કરતા જોવા મળ્યા હતા.