સ્પોર્ટ્સ / ટી-20માં આ 'વિરાટ રેકોર્ડ'ની નજીક છે કોહલી, કોઇ ભારતીય ખેલાડી નથી કરી શક્યું આ કમાલ

• વિરાટ કોહલી બનાવશે રેકોર્ડ
• કોઇ ભારતીય નથી કરી શક્યુ કમાલ
• IPL 2021માં બનાવી લેશે વિરાટ રેકોર્ડ

IPL 2021માં વિરાટ કોહલી 10,000 રન પૂરા કરશે. હવે આ રેકોર્ડ બનાવવામાં માત્ર 269 રન જ બાકી છે અને આજ સુધી કોઇ ભારતીય ખેલાડી આ રેકોર્ડ બનાવી શક્યો નથી. 

દુનિયામાં માત્ર 3 ક્રિકેટર બનાવી શક્યા છે આ રેકોર્ડ 
આખી દુનિયામાં માત્ર 3 ખેલાડી જ એવા છે જે આ રોકોર્ડ બનાવી શક્યા છે. સૌથી પહેલા વેસ્ટઇન્ડિઝનો વિસ્ફોટક બેટ્સમેન ક્રિસ ગેલ છે કે જેણે 13720 રન બનાવ્યા છે. જેમાં 22 શતક અને 86 અર્ધશતક છે. ગેલ બાદ કીરોન પોલાર્ડનું નામ આવે છે. તેણે 10629 રન બનાવ્યા હતા. ત્રીજા નંબર પર પાકિસ્તાનના શોએબ મલિક છે. જેણે 10488 રન સાથે ત્રીજા નંબર પર આવે છે. 

IPLમાં કોહલી આ રેકોર્ડ નજીક 
વિરાટ કોહલીના નામે હાલ ટી-20 ક્રિકેટમાં 9731 રન છે. આ સિવાય મુંબઇના કેપ્ટન રોહિત શર્માએ 9065 રન બનાવ્યા છે. હવે વિરાટ કોહલી આ રેકોર્ડ કેટલી મેચમાં બનાવી શકે છે તે જોવુ રહ્યું. 

ભારતીય સુકાની વિરાટ કોહલીએ પુણેના મહારાષ્ટ્ર ક્રિકેટ એસોસિએશન સ્ટેડિયમમાં ઇંગ્લેન્ડ સામેની વનડે સિરીઝની પહેલી જ મેચમાં મંગળવારે પોતાની 61મી ફિફ્ટી ફટકારી હતી, જે તેના T20ના ફોર્મમાં હોવાની સાબિતી આપે છે.

વન ડેમાં પણ દાખવ્યું T20નું ફોર્મ  

કોહલીએ 50 બોલમાં પોતાનું અર્ધશતક લગાવ્યું હતું, જેમાં છ બાઉન્ડ્રી ફટકારી હતી, જે આ ફોર્મેટમાં તેના બેટથી નીકળેલી 6૧ મી ફિફ્ટી અને 104મી વાર પચાસ પ્લસનો સ્કોર છે, અને આ વખતે તેણે દક્ષિણ આફ્રિકાના મહાન ક્રિકેટર જેક કાલિસ જેણે 328  મેચમાં 103 વાર ફિફ્ટી પ્લસનો સ્કોર બનાવ્યો હતોનો રેકોર્ડ તોડી નાખ્યો છે. આ ફોર્મેટમાં હવે માત્ર સચિન તેંડુલકર 145 ફિફ્ટી પ્લસ સ્કોર, કુમાર સંગાકારા 118 વાર ફિફ્ટી પ્લસ સ્કોર અને રિકી પોન્ટિંગના 112 ફિફ્ટી પ્લસ સ્કોર જ હવે કોહલીની આગળ છે, નોંધનીય છે કે આ બધાની  પછી કોહલી આ લિસ્ટમાં ચોથા ક્રમે છે અને તેનાથી આગળના ત્રણેય ક્રિકેટરો નિવૃત્ત થઈ ચૂક્યા છે, જ્યારે કે કોહલી હજુ તેની કારકિર્દીમાં આગળ વધી રહ્યો છે.

આ ફિફ્ટી, કોહલીની ક્રિકેટના બધા જ ફોર્મેટમાંની ઈંગ્લેન્ડ સામે ફટકારાયેલી કુલ 27મી ફિફ્ટી છે, હવે શ્રેણીમાં પણ સચિન તેંડુલકર જ તેનાથી આગળ છે. ઈંગ્લેન્ડ વિરુદ્ધ તેના 12 વનડે ફિફ્ટી પ્લસ સ્કોર સાથે આ યાદીમાં અગ્રેસર રહેલ સચિન પછી કોહલી 11 ફિફ્ટી પ્લસની સાથે રાહુલ દ્રવિડની સાથે છે.