T20 વર્લ્ડ કપ 2022માં ટીમ ઈન્ડિયા 23 ઓક્ટોબરે પાકિસ્તાન સામે તેનો પહેલો મેચ રમશે. આ મેગા ટૂર્નામેન્ટની શરૂઆત પહેલા ભારતીય ટીમે બ્રિસ્બેનમાં બે વોર્મ-અપ મેચ રમવાની છે.
ટીમ ઈન્ડિયા 23 ઓક્ટોબરે પાકિસ્તાન સામે પહેલો મેચ રમશે
ભારતીય ટીમ આ બે મેચ માટે બ્રિસબેન પહોંચી ગઈ છે
BCCIએ વીડિયો શેર કરીને આ વિશે જાણકારી આપી
ICC T20 વર્લ્ડ કપ 2022 આજથી શરૂ થવા જઈ રહ્યો છે. ઓસ્ટ્રેલિયામાં રમાઈ રહેલ આ વર્લ્ડ કપમાં કુલ 16 ટીમો ભાગ લેવા જઈ રહી છે અને 16 ટીમોમાંથી કુલ 8 ટીમો એ સીધા જ ગ્રુપ-12 સ્ટેજ માટે ક્વોલિફાય કરી લીધું છે જ્યારે બાકીની 4 ટીમ ક્વોલિફિકેશન રાઉન્ડ જીતીને તેની જગ્યા વર્લ્ડ કપ મેચમાં નક્કી કરશે. T20 વર્લ્ડ કપ 2022માં ટીમ ઈન્ડિયા 23 ઓક્ટોબરે પાકિસ્તાન સામે તેનો પહેલો મેચ રમશે. આ મેગા ટૂર્નામેન્ટની શરૂઆત પહેલા ભારતીય ટીમે બ્રિસ્બેનમાં બે વોર્મ-અપ મેચ રમવાની છે. ભારતીય ટીમ આ બે મેચ માટે બ્રિસબેન પહોંચી ગઈ છે અને BCCIએ વીડિયો શેર કરીને આ વિશે જાણકારી આપી હતી.
એરપોર્ટ પર વિરાટ કોહલી, હાર્દિક પંડયા, ઋષભ પંત, દિનેશ કાર્તિક જએવા પ્લેયર્સ મસ્તી કરતાં નજર આવ્યા હતા. ભારતીય ટીમે ઓસ્ટ્રેલિયા સામે 17 અને ન્યુઝીલેન્ડ સામે 19 ઓક્ટોબરના રોજ પ્રેક્ટિસ મેચમાં ભાગ લેશે.
ભારતીય ટીમ રવિવારે ગાબામાં પહેલી પ્રેક્ટિસ સેશનમાં હિસ્સો લેશે અને બીજા દિવસે તે પ્રેક્ટિસ મેચમાં યજમાન ટીમ સામે ટકરાશે. રવિવારે પ્રેક્ટિસ સેશનમાં મોહમ્મદ શમી સહિત મોહમ્મદ સિરાજ અને શાર્દુલ ઠાકુર પણ ભાગ લઈ શકે એવી શક્યતા છે. ટીમમાં સ્ટેન્ડબાય તરીકે જોડાયેલા શાર્દુલ અને સિરાજ મોડી રાત્રે પંહોચશે અને શમી ત્યાં બ્રિસ્બેન પહોંચી ગયો છે.
ટૂર્નામેન્ટની શરૂઆત પહેલા જસપ્રિત બુમરાહનું ઈજાના કારણે બહાર થવું એ ટીમ ઈન્ડિયા માટે સૌથી મોટો ફટકો હતો એ વિશે આપણે બધા જાણીએ જ છીએ. પીઠની સમસ્યાને કારણે બુમરાહ ટૂર્નામેન્ટમાંથી બહાર થઈ ગયો છે. જસપ્રિત બુમરાહના સ્થાને BCCI એ મોહમ્મદ શમીને ટીમમાં સામેલ કર્યો છે પણ શમી એ ટી20 વર્લ્ડ કપ 2021 પછીથી કોઈ ટી20 ઈન્ટરનેશનલ મેચ નથી રમી. સિરાજ અને શાર્દુલની વાત કરીએ તો, તેમને અનુક્રમે શમી અને દીપક ચાહરના સ્થાને સ્ટેન્ડબાય પ્લેયર તરીકે રાખવામાં આવ્યા છે.