આંતરરાષ્ટ્રીય ક્રિકેટમાં વિરાટ કોહલીનુ કંગાળ પ્રદર્શન યથાવત છે. ઈંગ્લેન્ડ સામે ટેસ્ટ મેચની પહેલી ઈનિંગમાં પણ કોહલી કશુ ખાસ ઉકાળી શક્યા નથી અને માત્ર 11 રન બનાવીને આઉટ થયા. ઈંગ્લેન્ડના યુવા ફાસ્ટ બોલર મેટી પૉટ્સે તેમને બોલ્ડ કર્યો.
આંતરરાષ્ટ્રીય ક્રિકેટમાં વિરાટ કોહલીનુ કંગાળ પ્રદર્શન યથાવત
ઈંગ્લેન્ડ સામે ટેસ્ટ મેચની પહેલી ઈનિંગમાં માત્ર 11 રન બનાવી થયા આઉટ
ઈંગ્લેન્ડના યુવા ફાસ્ટ બોલર મેટી પૉટ્સે કોહલીને બોલ્ડ કર્યો
કોહલીનું મનોબળ તુટ્યુ અને કરી અચાનક ભૂલ
આ ઈનિંગમાં પણ વિરાટ આઉટ થયા પહેલા આક્રમક ઈનિંગમાં જોવા મળ્યા હતા. પરંતુ અચાનક તેમનુ મનોબળ તુટ્યુ અને તેઓ ભૂલ કરી બેઠા. આઉટ થયા બાદ વિરાટ કોહલી ખૂબ નિરાશ જોવા મળ્યાં અને તેમણે જે પ્રતિક્રિયા આપી તેનો વીડિયો સોશિયલ મીડિયામાં ઝડપથી વાયરલ થયો છે. વિરાટે આ ઈનિંગમાં 19 બોલ રમ્યા અને બે ચોગ્ગાની મદદથી 11 રન બનાવ્યાં. ત્યારબાદ મેટી પૉટ્સના એક બોલમાં આઉટ થયા. પૉટ્સનો બોલ ઑફ સ્ટમ્પની ઘણો બહાર હતો. પરંતુ અંદર આવી રહ્યો હતો. એવામાં વિરાટ રક્ષાત્મક શૉટ રમવા માટે બોલન નજીક પહોંચ્યા અને અંતિમ સમયમાં તેમણે આ શો છોડવાનો નિર્ણય કર્યો. જો કે, ત્યાં સુધી મોડુ થયુ હતુ અને બોલ તેના બેટ પર વાગીને સીધા સ્ટમ્પમાં અડી.
કોહલી આઉટ થયા બાદ ભારતીય ટીમ મુશ્કેલીમાં આવી
પૉટ્સની બોલમાં આઉટ થયા બાદ વિરાટે સ્ટમ્પ બાજુ જોયુ. સ્ટમ્પ પરની ગિલ્લીઓ જોઇને કોહલી નિરાશ થયો. તેમને ખબર હતી કે તેઓ આ બોલને રમતા કે છોડી દેતા તેઓ નિશ્ચિત રીતે આઉટ થઇ જતા. પરંતુ ડબલ માનસિકતાને પગલે તેની વિકેટ ગઇ છે. વિરાટ આઉટ થયા બાદ ભારતીય ટીમમાં મુશ્કેલી આવી ગઇ હતી. તેમને આ વાત ખબર હતી કે રોહિતની ગેરહાજરી અને પૂજારા આઉટ થયા બાદ રન બનાવવાની જવાબદારી તેમના ઉપર છે, પરંતુ તેઓ આઉટ થયા છે.
પેવેલિયનમાં પાછા આવતા પહેલા વિરાટે નિરાશાભર્યા અંદાજમાં બોલર તરફ જોયુ અને મેદાનમાંથી બહાર નિકળી ગયા. હવે વિરાટનો આ વીડિયો સોશિયલ મીડિયામાં વાયરલ થયો છે. વિરાટે હાલની શ્રેણીમાં 229 રન બનાવ્યાં છે. તેમણે પાંચ ટેસ્ટની આઠ ઈનિંગમાં બે અર્ધસદી ફટકારી છે. આ પ્રદર્શન તેની પ્રતિષ્ઠાને અનુરૂપ ન હતુ. હવે કોહલી એજબેસ્ટન ટેસ્ટની બીજી ઈનિંગમાં સદી મારીને શ્રેણીનો અંત શાનદાર રીતે કરવા માંગે છે. તેઓ આંતરરાષ્ટ્રીય ક્રિકેટમાં 74 ઈનિંગથી સદી ફટકારી શક્યા નથી.