રહસ્યમય / કોડીનારના બોડવા પંચાયતના મહિલા સદસ્યની હત્યા, દિકરાને છેલ્લો આ મેસેજ કર્યો હતો

• કોડીનારના બોડવા ગ્રામપંચાયતના સદસ્યની હત્યા 
• નંદુબેન રાઠોડ ગઇ કાલ સાંજથી હતા ગાયબ
• સવારે ગામ નજીકના ખેતરમાંથી મળી આવ્યો મૃતદેહ 

ગીર સોમનાથના કોડીનારના બોડવા ગ્રામપંચાયતના મહિલા સદસ્યની હત્યાની ઘટના સામે આવી છે. નંદુબેન રાઠોડ ગઈકાલ સાંજથી કામે ગયા હતા. જે બાદથી જ ગાયબ હતા. બાદમાં વહેલી સવારે ગામ નજીકના ખેતરમાંથી નંદુબેનનો મૃતદેહ મળી આવ્યો હતો. મૃતક નંદુબેનના મૃતદેહ પર છરીના ઘા મળી આવતા અનેક તર્ક-વિતર્ક સર્જાયા છે. પોલીસને પણ ઘટનાની જાણ થતા તાબડતોડ ઘટનાસ્થળે પહોંચી વધુ તપાસ હાથ ધરી હતી.

બોડવા ગામના સરપંચના મુજબ ગ્રામપંચાયતમાં સદસ્ય તરીકે ફરજ બજાવતા નંદુબેન ગત સાંજે મજૂરોને ઘરે મજૂરી ચૂકવવા ગયા હતા. પરંતુ રાત સુધી ઘરે ન આવતા શોધખોળ હાથ ધરી હતી. રાત્રે 10 કલાકે ગામના સીસીટીવી ફૂટેજ ચેક કરતા સાંજે 7 પછી તેમનું લોકેશન મળ્યું નહોતું. આખરે મૃતકના મોબાઈલમાંથી તેમના દીકરાને મેસેજ આવ્યો કે મને બચાવી લ્યો, રાતભર શોધખોળ બાદ ભાળ ન મળી અને આખરે વહેલી સવારે તેમનો મૃતદેહ ગામની નજીક એક ખેતરમાંથી મળી આવ્યો.

ડીવાયએસપી સહિતની ટીમો બોડવા પહોંચી હતી. અને મૃતદેહનું પંચનામું કરી PMમાં ખસેડવા તજવીજ હાથ ધરી હતી. સાથે ડીવાયએસપીના કેહવા મુજબ નદુબેન રાત્રે લાપતા થયા હતા. જે બાદથી પોલીસે તપાસ હાથ ધરી છે. 

બોડવા ગ્રામપંચાયતના સદસ્યની ચપ્પુંના ઘા મારી ઘાતકી હત્યા કરવામાં આવી છે. પરંતુ નવાઈની વાત એ છે કે, મહિલા સદસ્યને લખતા આવડતું નહોતું. આમ છતાં તેમણે મોત પહેલા ફોનમાંથી ગુજરાતી ટાઈપિંગવાળો મેસેજ 5 લોકોના નામ સાથે બચાવો લખેલો મેસેજ ફોરવર્ડ થયો. તેમજ મૃતકની લાશની આસપાસ લોહી ન જોવા મળ્યું અને તેમના ચપ્પલ 100 મીટર દૂર જોવા મળ્યા હતા.