આજકાલ લોકોનું જીવન ઈએમઆઈ પર આધારિત થઇ ગયું છે ત્યારે તમને કેટલી લોન મળશે એ તમારા સિબિલ પર આધારિત છે તો ચાલો જાણીએ શું છે સિબિલ સ્કોર
લોન લેતા પહેલા તમારો સિબિલ સ્કોર જાણો
સારો સિબિલ સ્કોર તમને ઓછા વ્યાજ અને મોટી રકમ ઉપલબ્ધ કરાવશે
સિબિલ પોઈન્ટ 750 થી ઉપર સારો માનવામાં આવે છે
લોન માટે સારો સિબિલ સ્કોર જરૂરી
આજકાલ લોકો પોતાની જરૂરિયાતો પૂરી કરવા માટે પર્સનલ લોનનો સહારો લે છે. તમને પર્સનલ લોન મળશે કે નહીં તે તમારા CIBIL સ્કોર પર મહદઅંશે નિર્ભર કરે છે. સારો સિબિલ સ્કોર તમારી લોન મંજૂર થવાની સંભાવનામાં વધારો કરે છે. સારા સિબિલ સ્કોરથી ઓછા વ્યાજ દરે લોન શક્ય છે.
750 કે તેથી વધુનો સિબિલ સ્કોર સારો કહેવાય
સિબિલ સ્કોર 300 થી 900 પોઇન્ટની વચ્ચે હોય છે જો સ્કોર 750 પોઇન્ટ અથવા તેનાથી વધુ હોય તો લોન મેળવવી સરળ છે. સિબિલ સ્કોર જેટલો સારો તેટલો લોન મેળવવામાં સરળતા રહે છે. સિબિલ સ્કોર 24 મહિનાના ક્રેડિટ ઇતિહાસનો બનેલો છે. ક્રેડિટ ઇન્ફોર્મેશન બ્યુરો લિમિટેડ એકમાત્ર એવી એજન્સી છે જે ભારતમાં સિબિલ સ્કોર્સ આપે છે.
તમે તમારી સિબિલને કેવી રીતે જાણી શકો છો ?
સ્ટેપ 1: સિબિલ વેબસાઇટ www.cibil.com મુલાકાત લો.
સ્ટેપ 2: હોમ પેજ પર તમારો ફ્રી સિબિલ સ્કોર મેળવવા પર ક્લિક કરો.
સ્ટેપ 3: તમારું નામ, ઇમેઇલ આઇડી દાખલ કરો અને પાસવર્ડ બનાવો. આ પછી, તમારા આઈડી પ્રૂફ (પાસપોર્ટ નંબર, પાન કાર્ડ નંબર, આધાર કાર્ડ અથવા મતદાર આઈડી નંબર) પસંદ કરો. ત્યારબાદ તમારો પિન કોડ, જન્મ તારીખ અને ફોન નંબર નાખો.
સ્ટેપ 4- બધી માહિતી આપ્યા બાદ સ્વીકારો અને કન્ફર્મ કરો પર ક્લિક કરો.
સ્ટેપ 5- તમારા ફોનમાં મળેલ વન ટાઇમ પાસવર્ડ (ઓટીપી) દાખલ કરો અને રિપોર્ટ પર ક્લિક કરો.
સ્ટેપ 6- 'તમારું નોમિનેશન સફળ રહ્યું છે', તમને આ મેસેજ મળશે. પછી વેબસાઇટના ડેશબોર્ડ પર જાઓ.
સ્ટેપ 7- તમારો સિબિલ સ્કોર તમારી સામે જોવા મળશે.
વેબસાઇટ પર આવતા પોપ-અપ્સ પર ક્લિક કરશો નહીં.
સિબિલ સ્કોર શેના પર આધારિત છે ?
30 ટકા સિબિલ સ્કોર એ વાત પર નિર્ભર કરે છે કે તમે લોન સમયસર ચૂકવી રહ્યા છો કે નહીં. 25 ટકા સુરક્ષિત અથવા અસુરક્ષિત લોન પર, 25 ટકા ક્રેડિટ એક્સપોઝર પર અને 20 ટકા લોનના ઉપયોગ પર નિર્ભર કરે છે.
આ કારણોસર, સિબિલ સ્કોર નબળો પડી શકે છે.
- જો તમે બેંકમાંથી લોન લીધી છે અને તેને સમયસર ચૂકવતા નથી, તો તે તમારા ક્રેડિટ સ્કોરને બગાડશે અથવા નીચે લાવશે.
- જો તમારી પાસે ક્રેડિટ કાર્ડ છે અને તમે તેનું બિલ સમયસર ભરતા નથી, તો તેની વિપરીત અસર તમારા ક્રેડિટ સ્કોર પર પડશે.
- જો તમે તમારા બેંક ખાતામાં મિનિમમ બેલેન્સ ન રાખો અથવા માઇનસમાં બેલેન્સ રાખો છો તો તમારો ક્રેડિટ સ્કોર પણ નબળો પડે છે.