તમે ધ્યાનમાં લીધું હોય તો તમારું પેટ ભરેલું હશે છતાં પણ બટાકાની ચિપ્સ જોઇને તમારું મન લલચાઇ જાય છે. ત્યારે આપણે કોઇ કારણ વગર સતત એક પછી એક ખાધા જ કરીએ છીએ. તો આજે જાણો આવું કેમ થાય છે. શા માટે આપણે બટાકાના ચિપ્સ જોઇને રહી નથી શકતાં અને એક બાદ એક ખાધા જ કરીએ છીએ.
અમેરિકન કેમિકલક સોસાયટીએ Hedonic hyperphagia નામની એક ટર્મ ડેવલપ કરી છે. જે તમામ વ્યક્તિઓમાં જોવા મળે છે. જેનાથી વજન વધારો પણ થાય છે. બટાકાની ચિપ્સ આપણને જે રીતે ભૂખ ના લાગી હોય તો પણ ખાધા કરીએ છીએ તેની સાથે જોડાયેલ છે.
એક સર્વે અનુસાર બટાકાની ચિપ્સ જોતા જ મન લલચાઇ જાય છે. તેમ જ મોંઢામાં પાણી આવી જાય છે અને આપણને ખાવાનું મન થઇ જાય છે.
રિસર્ચ અનુસાર આપણું મગજ તમામ પ્રવૃતિઓ ડેટા સાચવતું હોય છે. જ્યારે ફૂડની વાત કરીએ તો બટાકાની ચિપ્સ જોતા જ આપણું મગજ તે ખાવા તરફ દોરી જાય છે. તેમજ અચાનક જ પેટમાં ભૂખ લાગી જાય છે.
જો કે કેટલાક લોકો એવા હોય છે જે મનથી નક્કી જ કરી દે છે કે એમને ચિપ્સ ખાવી જ નથી અને અન્ય એવા પણ લોકો છે જેઓને આ પ્રકારની બટાકાની ચિપ્સનો સ્વાદ પસંદ નથી તેવા કેસમાં તેઓ ચિપ્સ ખાતા નથી.