ધર્મ / જાણો કોણ છે લાફિંગ બુદ્ધા અને ભગવાન બુદ્ધ સાથે શું છે સંબંધ

લાફિંગ એટલે કે હસવું એક એવો સકારાત્મક ભાવ છે જે વ્યક્તિના આંતરિક રૂપથી સમૃદ્ધિશાળી હોવાનું વ્યક્ત કરે છે. જો આધ્યાત્મિક સંદર્ભમાં જોવામાં આવે તો જ્યારે આપણએ આત્મસ્વરૂપમાં સ્થિત હોઇએ છીએ તો થોડુંક હસવું આપણાં સંપૂર્ણ અસ્તિત્વથી પરિલક્ષિત હોય છે. આપણું હૃદય ગદગદ થઇ જાય છે. 

વાસ્તવમાં હસવું મનુષ્ટની પ્રકૃતિ છે. આજ સુધી તમે કોઇ પશુ-પક્ષીને હસતા જોયા હશે નહીં. વાસ્તવમાં થોડુંક હસવાનું ઇશ્વરીય આનંદની એવી અભિવ્યક્તિ છે, જે આપણા અસ્તિત્વમાં એટલે કે મનુષ્યના અસ્તિત્વમાં બીજ રૂપથી છે. 

હસવું એક એવી કિંમતી ભેટ છે, જે કુદરતે માત્ર મનુષ્યને આપી છે. હસતો ચહેરો જોઇને હસવું આવી જાય છે કારણ કે હસવાનું સંક્રામક હોય છે. 

જાપાનમાં એક ઝેન ભિક્ષુ હતા- હોતેઇ. ઝેન બૌદ્ધ ધર્મના મહાયાન શાખાનો એક સંપ્રદાય છે, ઝેનનો શાબ્દિક અર્થ થાય છે ધ્યાન. 

જાપાનમાં ભગવાન બુદ્ધના શિષ્ય હતા હોતેઇ. એ ખૂબ જ અલમસ્ત સ્વભાવના ભિક્ષુક હત. એ જે પણ કાર્યને કરતાં એમાં એ પૂરી રીતે ડૂબી જતા હતા. જાપાનમાં એવી માન્યતા છે કે એક વખત હોતેઇ મેડિટેશન કરતા કરતાં એટલા રોમાંચિત થઇ ગયા કે ધ્યાનાવસ્થામાં જોરજોરથી હસવા લાગ્યા. આ અદ્ધુત ઘટના બાદ લોકો લાફિંગ બુદ્ધાના નામથી સંબોધિત કરવા લાગ્યા. 

હરવું-ફરવું, લોકોને હસાવવા અને ખુશી વ્યક્ત કરવી લાફિંગ બુદ્ધાનો ધ્યેય બની ગયો. ચીનમાં લાફિંગ બુદ્ધાને પુતાઇના નામથી પણ ઓળખવામાં આવે છે. ચીનના લોકો એમને એક ભિક્ષુકની નજરથી જોવે છે, જે એક હાથમાં ધન-ધાન્યનો થેલો લઇને ચહેરા પર જોરજોરથી હસતા મોટું પેટ અને બેડોળ શરીર દેખાડીને દરેકને હસાવતા સકારાત્મક ઊર્જા આપે છે.