IPL-2023ના મિની ઓક્શનની તારીખ નજીક છે. ઓક્શન લિસ્ટમાં કુલ 405 નામ સામે આવ્યા છે. તેમાં ઘણા નામ એવા છે જેના વિશે દરેક લોકો નથી જાણતા. તેમાંથી જ એક નામ 15 વર્ષના અલ્લાહ મોહમ્મદનું છે. જે અફગાનિસ્તાનના સ્પિનર છે.
IPL-2023ના મિની ઓક્શનની તારીખ નજીક
ઓક્શન લિસ્ટમાં કુલ 405 નામ
એક નામ 15 વર્ષના અલ્લાહ મોહમ્મદનું
ફીફા વર્લ્ડ કપ 2022ના ખુમાર વચ્ચે ક્રિકેટ ફેન્સ માટે એક શાનદાર અપડેટ સામે આવી છે. ઈન્ડિયન પ્રીમિયર લીગ-2023 માટે મિની ઓક્શન આ મહિને એટલે કે 23 ડિસેમ્બરે થવા જઈ રહ્યું છે. બુધવારે દરેક ખેલાડીની લિસ્ટ સામે આવી છે જેનું નામ ઓક્શનમાં શામેલ છે. તેમાં એક ચોંકાવનારૂ નામ સામે આવ્યું સાથે જ એક નામ એવું પણ છે જેના પર દરેકની નજર છે.
15 વર્ષના અલ્લાહ મોહમ્મદનું નામ IPL ઓક્શનમાં
અફગાનિસ્તાનના 15 વર્ષના અલ્લાહ મોહમ્મદે IPL ઓક્શનમાં પોતાનું નામ આપ્યું છે. જેની બેસ પ્રાઈઝ 20 લાખ રૂપિયા છે. જ્યારથી તેની નામ સામે આવ્યું છે સોશિયલ મીડિયા પર તેના નામનો બઝ બનેલો છે અને લોકો જાણવા ઈચ્છે છે કે આખરે આટલી નાની ઉંમરમાં આ ખેલાડી આઈપીએલમાં દિગ્ગજો સામે શું કમાલ કરશે.
કોણ છે અલ્લાહ મોહમ્મદ?
ફક્ત 15 વર્ષના અલ્લાહ મોહમ્મદનો જન્મ 15 જુલાઈ 2007એ અફઘાનિસ્તાનમાં થયો હતો. અલ્લાહ મોહમ્મદ આ વર્ષે આઈપીએલ ઓક્શનમાં શામેલ થનાર સૌથી યુવા ખેલાડી છે. તેમણે બિગ બેશ લીગમાં પણ પોતાનું નામ આપ્યું હતું પરંતુ તેને કોઈ ખરીદનાર ન મળ્યું.
ઓફ સ્પિનર છે અલ્લાહ મોહમ્મદ
6 ફૂટ 2 ઈંચ લાંબા અલ્લાહ મોહમ્મદ ઓફ સ્પિનર છે જે પોતાની ફિરકીથી વિરોધી ટીમના છક્કા છોડાવી દેવાના ઈરાદે IPLમાં આવી રહ્યો છે. અફઘાનિસ્તાનના જુરમત વિસ્તારથી આવનાર અલ્લાહ મોહમ્મદે ફાસ્ટ બોલર તરીકે પોતાનું કરિયર શરૂ કર્યું હતું પરંતુ હવે તે સ્પિનર બની ગયો છે.
રવિચંદ્રન અશ્વિનને માને છે હિરો
અલ્લાહ મોહમ્મદે જણાવ્યું કે તેણે ટેનિસ બોલથી ક્રિકેટ રમવાની શરૂઆત કરી હતી. ત્યાર બાદ તે સ્પિન બોલિંગ કરવા લાગ્યો ત્યારે તેનું એક્શન પણ સારૂ હતું. હવે તે પ્રોફેશનલ ક્રિકેટ રમી રહ્યો છે. અફઘાનિસ્તાનનો આ યુવા સ્પિનર ટીમ ઈન્ડિયાના લેજેન્ડ રવિચંદ્રન અશ્વિનને પોતાનો હિરો માને છે.
23 ડિસેમ્બરકે છે IPLનું મિની ઓક્શન
તમને જણાવી દઈએ કે IPL-2023નું મિની ઓક્શન આ વખતે 23 ડિસેમ્બરે કોચિમાં થઈ રહ્યું છે. કુલ 405 ખેલાડીઓના નામ આ વખતે ઓક્શનમાં આપવામાં આવ્યા છે. તેમાંથી કુલ 87 ખેલાડીઓને ટીમો ખરીદી શકશે. IPLની દસ ટીમોની નજર મોટા મોટા નામ પોતાની સાઈડ કરવા પર છે.