IPL 2023 Auction / રિક્ષાચાલકના દીકરાને ખરીદવા IPLની ટીમોએ કરી પડાપડી, 20 લાખની બેઝ પ્રાઇસ સામે જુઓ કેટલા મળ્યા

• IPLની 16મી સિઝનની હરાજીમાં મુકેશ કુમાર પર પૈસાનો વરસાદ
• 20 લાખની બેઝ પ્રાઇસ વાળા ખેલાડીને 5.50 કરોડ રૂપિયામાં ખરીદ્યો
• કઇંક આવું રહ્યું છે મુકેશનું કરિયર 

ઈન્ડિયન પ્રીમિયર લીગ 2023ની મીની હરાજી શુક્રવારે એટલે કે ગઇકાલે 23 ડિસેમ્બર 2022 કોચીમાં થઈ હતી. એ મીની હરાજીમાં 10 ટીમોએ કુલ 405 ખેલાડીઓ પર બોલી લગાવી હતી, જેમાંથી માત્ર 80 ખેલાડીઓ વેચાયા હતા. ઘણા વિદેશી ખેલાડીઓ એવા હતા જેમને કમાણીના તમામ રેકોર્ડ તોડી નાખ્યા હતા અને તેની સામે કેટલાક ભારતીય ખેલાડીઓ પણ એવા છે જેમના પર કરોડો રૂપિયાનો વરસાદ થયો હતો. ઈંગ્લેન્ડના સેમ કુરન, બેન સ્ટોક્સ, હેરી બ્રુક, ઓસ્ટ્રેલિયાના કેમરન ગ્રીન, ભારતના મયંક અગ્રવાલ અને અન્ય ઘણા ખેલાડીઓ આ વર્ષના સૌથી મોંઘા ખેલાડીઓમાં સામેલ થયા છે તો એ સામે ઘણા મોટા નામ એવા હતા જેમને કોઈ ખરીદદાર મળી શક્યું ન હતું. 

𝐊𝐨𝐬𝐡𝐢𝐬𝐡 𝐤𝐚𝐫𝐧𝐞 𝐰𝐚𝐚𝐥𝐨𝐧 𝐤𝐢 𝐡𝐚𝐚𝐫 𝐧𝐚𝐡𝐢 𝐡𝐨𝐭𝐢 💙

Stuff of dreams 🙌🏼#YehHaiNayiDilli #IPL2023Auction #TATAIPLAuction #IPL2023 pic.twitter.com/VNUEq0sLpa

— Delhi Capitals (@DelhiCapitals) December 24, 2022

20 લાખની બેઝ પ્રાઇસ વાળા મુકેશ કુમારને 5.50 કરોડ રૂપિયામાં ખરીદ્યો
ઈન્ડિયન પ્રીમિયર લીગ (IPL)ની 16મી સિઝનની આ હરાજીમાં ગોપાલગંજના મુકેશ કુમાર પર પણ પૈસાનો વરસાદ થયો છે. જણાવી દઈએ કે બંગાળ તરફથી ડોમેસ્ટિક ક્રિકેટ રમી રહેલા ફાસ્ટ બોલર મુકેશ કુમારને દિલ્હી કેપિટલ્સે 5.50 કરોડ રૂપિયામાં ખરીદ્યો છે તેની બેઝ પ્રાઇસ 20 લાખ રૂપિયા હતી.પહેલી વખત આઈપીએલમાં રમવા માટે તૈયાર થયેલા મુકેશને ખરીદવા માટે દિલ્હી કેપિટલ્સ અને પંજાબ કિંગ્સ વચ્ચે લાંબી બોલીની લડાઈ ચાલી હતી અને અંતે દિલ્હી આ ખેલાડીને તેમની સાથે જોડવામાં સફળ રહ્યું હતું. 

કોણ છે મુકેશ કુમાર? 
મુકેશ વિશે વાત કરી તો તેઓ બિહારના ગોપાલગંજ જિલ્લામાંથી રહે છે અને તેનું ગામ ખૂબ જ પછાત વિસ્તારમાં આવે છે. એક રિપોર્ટમાં સામે આવ્યું હતું કે શરૂઆતથી જ મુકેશ ક્રિકેટ રમવામાં ખૂબ જ સારો હતો પણ બિહારની કોઈ ટીમ રણજીનો ભાગ ન હોવાને કારણે તેના માટે આગળનો રસ્તો પસંદ કરવો ખૂબ જ મુશ્કેલ હતું. જણાવી દઈએ કે મુકેશના પિતા કોલકાતામાં રહેતા હતા ત્યારે ટેક્સી ચલાવતા હતા અને એ માટે જ મુકેશે ત્યાં જવાનું જોખમ લીધું હતું. સખત મહેનત કરીને મુકેશે બંગાળની ટીમમાં પોતાનું સ્થાન બનાવ્યું અને સ્થાનિક ક્રિકેટ રમવાનું શરૂ કર્યું. આ પછી મુકેશને ઈન્ડિયા-એ ટીમમાં સ્થાન મળ્યું અને આ વર્ષે તેને ભારતીય ટીમમાં પણ સામેલ કરવામાં આવ્યો છે. 

Rilee, the #QilaKotla dressing room is waiting for you to join and make even more memories in the #CapitalsUniverse 💙

Welcome to the DC family 🥹 #YehHaiNayiDilli #TATAIPLAuction #IPL2023 #IPL2023Auction #DelhiCapitals | @Rileerr pic.twitter.com/597FKLyWdR

— Delhi Capitals (@DelhiCapitals) December 23, 2022

કઇંક આવું રહ્યું છે મુકેશનું કરિયર 
29 વર્ષના મુકેશ 2015થી ડોમેસ્ટિક ક્રિકેટ રમી રહ્યો છે પણ અત્યાર સુધી તેને IPLમાં રમવાની તક મળી નહતી. જણાવી દઈએ કે મુકેશે અત્યાર સુધી રમાયેલી 33 ફર્સ્ટ ક્લાસ મેચોમાં 123 વિકેટ લીધી છે અને એ દરમિયાન તેણે છ વખત એક ઇનિંગમાં પાંચ કે તેથી વધુ વિકેટ લીધી હોવાનો પણ રેકોર્ડ બનાવ્યો છે. મુકેશે 24 લિસ્ટ-એ અને 23 ટી-20 મેચ પણ રમી છે અને લિસ્ટ-એમાં તેને 26 વિકેટ લીધી છે જેમાં 71 રનમાં ત્રણ વિકેટ લેવી તેનું સર્વશ્રેષ્ઠ પ્રદર્શન રહ્યું છે. આ સાથે જ T20માં 25 વિકેટ લીધી છે અને તેની ઈકોનોમી 7.20 રહી છે.