રાજનીતિ / રાજીનામા બાદ આ દિગ્ગજ સાંસદ ભાજપમાં જોડાય તેવી શક્યતા, ગુજરાતની આ બેઠક પરથી ચૂંટણી લડી શકે

• દિનેશ ત્રિવેદીના રાજીનામાથી મમતા દીદીને મોટો ફટકો
• ભાજપમાં જોડાય તો ગુજરાત બેઠક પરથી મોકલાઇ શકે છે રાજ્યસભામાં
• દિનેશ ત્રિવેદીના માતા-પિતા ગુજરાતી છે

ઉલ્લેખનીય છે કે, ગુજરાતમાં ખાલી પડેલી બે રાજ્યસભાની ચૂંટણીમાં ઉમેદવારીની છેલ્લી તારીખ 18મી ફેબ્રુઆરી છે . દિનેશ ત્રિવેદીને મમતા બેનર્જીની પાર્ટીએ એપ્રિલ-2020માં જ રાજ્યસભામાં મોકલ્યા હતા અને તેમનો કાર્યકાળ 2026માં પૂર્ણ થવાનો છે ત્યારે જો તેઓ ભાજપમાં જોડાય છે તો તેમને ગુજરાત બેઠક પરથી ભાજપ રાજ્યસભામાં મોકલી શકે છે.

 ગુજરાત બેઠક પરથી દિનેશ ત્રિવેદીને બનાવાઇ શકે છે ઉમેદવાર 

પહેલી માર્ચે ગુજરાતમાં બંન્ને બેઠકો માટે અલગ-અલગ મતદાન થવાનું છે અને જો કોંગ્રેસ પોતાનો ઉમેદવાર ઉભો નહીં રાખે તો બન્ને બેઠક ભાજપ જીતશે. રાજકીય સમીકરણો પ્રમાણે જોવામાં આવે તો એક બેઠક પર બળવંતસિંહ રાજપૂત અને શંભુપ્રસાદ ટુંડિયાનું નામ ચાલી રહ્યું છે પરંતુ જો દિનેશ ત્રિવેદી ભાજપમાં જોડાય તો એક બેઠક પર તેમની દાવેદારી પાક્કી માનવામાં આવી રહી છે. ત્યારે હવે જોવું જ રહ્યું કે, આગામી સમયમાં દિનેશ ત્રિવેદી શું નિર્ણય લે છો.

I am resigning from Rajya Sabha today. There is violence happening in my state. We cannot speak anything here: TMC Rajya Sabha MP Dinesh Trivedi pic.twitter.com/6xvEYtciwF

— ANI (@ANI) February 12, 2021

શું છે ગુજરાત કનેક્શન ?

દિનેશ ત્રિવેદી 2012માં UPA સરકારમાં કેન્દ્રીય રેલવે મંત્રી રહી ચૂક્યા છે અને 2016-17નો આઉટસ્ટેન્ડિંગ પાર્લામેન્ટરિયનનો એવોર્ડ જીતી ચૂક્યા છે. દિનેશ ત્રિવેદીનું ગુજરાત કનેક્શન પણ રહ્યું છે કારણ કે તેમના માતા-પિતા ગુજરાતી હતા. પિતા કન્ટ્રક્શન કંપનીમાં કામ કરવા માટે કોલકાતા રહ્યા અને દિનેશ ત્રિવેદીનું બાળપણ અને યુવાની કોલકાતામાં જ પસાર થયું છે.

TMCને મોટો ફટકો 

પશ્ચિમ બંગાળમાં વિધાનસભા ચૂંટણી પહેલા તૃણમુલ કોંગ્રેસ (TMC)ને વધુ એક ઝટકો લાગ્યો છે. તૃણમૂલ કોંગ્રેસે રાજ્યસભા સાંસદ અને પૂર્વ કેન્દ્રીય મંત્રી દિનેશ ત્રિવેદીએ આજે રાજ્યસભામાં બજેટ પર ચર્ચા દરમિયાન પોતાનું રાજીનામું જાહેર કર્યું. દિનેશ ત્રિવેદીએ જલ્દી જ ભારતીય જનતા પાર્ટીમાં સામેલ થાય તેવી અટકળો તેજ બની ગઇ છે. 

ભાજપમાં જોડાય તેવી વકી 

રાજ્યસભામાં બજેટ ચર્ચા દરમિયાન દિનેશ ત્રિવેદીએ કહ્યું કે ખરેખર તો આપણે જન્મભૂમિ માટે છીએ અને મારાથી એ જોઇ શકાતું નથી કે આપણે કરીએ તો શું કરીએ, એક પાર્ટીમાં છીએ તો સીમિત છે, પરંતુ હવે મને ગભરામણ જેવું લાગી રહ્યું છે, આપણે કાંઇ કરી શકતા નથી, બીજી તરફ અત્યાચાર થઇ રહ્યો છે, આજે મારી આત્મા કહી રહી છે કે રાજીનામું આપી દે અને બંગાળની જનતાની વચ્ચે જઇ રહો.

તૃણમુલ કોંગ્રેસ (TMC) નેતા દિનેશ ત્રિવેદીએ કહ્યું કે, હું આજે અહીં (રાજ્યસભા)માંથી રાજીનામું આપવા જઇ રહ્યો છું અને દેશ માટે, બંઘાળ માટે હંમેશા કામ કરતો રહ્યો છું અને કરતો રહીશ. જો કે એક અટકળ મુજબ દિનેશ ત્રિવેદી હવે તૃણમુલ કોંગ્રેસમાંથી રાજીનામું પણ આપી શકે છે. TMCમાંથી રાજીનામું આપ્યાં બાદ ભાજપમાં જોડાય તેવી શક્યતા છે.