રિલાયન્સ અનિલ ધીરૂભાઈ અંબાણી ગ્રુપના ચેરમેન અનિલ અંબાણીના મોટા દીકરા જય અનમોલ 20 ફેબ્રુઆરીએ લગ્નના બંધનમાં બંધાઈ ગયા છે. તેમણે પોતાની મંગેતર કૃશા શાહ સાથે લગ્ન કર્યા છે. બંનેની તમામ તસ્વીરો અત્યારે ઈન્ટરનેટ પર વાયરલ થઇ રહી છે.
અનિલ અંબાણીના મોટા દીકરા જય અનમોલે પ્રભુતામાં પગલા માડ્યા
જય અનમોલે મંગેતર કૃશા શાહ સાથે કર્યા લગ્ન
બંનેની તમામ તસ્વીરો અત્યારે ઈન્ટરનેટ પર થઇ વાયરલ
અનિલ અંબાણીના બે દીકરા
જય અનમોલ અને કૃશાના આ લગ્ન અનિલ અંબાણીના મુંબઈના બાંદ્રા સ્થિત હિલ આવાસ પર થયા. પાલી હિલને બોલીવુડ સેલિબ્રિટીઓના નામથી ઓળખવામાં આવે છે. અહીં સુનીલ દત્તથી લઇને દિલીપ કુમારના ઘર છે. અનિલ અંબાણીના બે દીકરા છે. જય અનમોલ મોટો અને જય અંશુલ નાનો છે. જય અનમોલની લગ્નની જાણકારી ટીના અંબાણીએ 31 ડિસેમ્બરે પોતાના ઈન્સ્ટાગ્રામ એકાઉન્ટ પર આપી હતી. કૃશાની સાથે અનમોલની તસ્વીરો પણ તેમાં હતી. જેમાં તેમણે લખ્યું હતુ કે તમને પ્રકાશ, પ્યાર, આશા અને ખુશીની શુભેચ્છાઓ.
અનમોલની ગર્લફ્રેન્ડ રહી છે કૃશા
આ લગ્નનો એક વીડિયો પણ વાયરલ થઇ રહ્યો છે. જેમાં અનમોલે બ્રાઉન કલરની શેરવાની પહેરી છે. પોતાના પરિવારની સાથે તેઓ નાચી રહ્યાં છે. અમુક જાનૈયાઓએ તેમાં કાળા રંગની કસ્ટમાઈજ્ડ ટી-શર્ટ પહેરી હતી. જેના પર નો શીપ ઇન માય સર્કલ લખ્યું હતુ. અનમોલ અને કૃશાની સગાઈ ડિસેમ્બર 2021માં થઇ હતી. ત્યારબાદ 18 ફેબ્રુઆરી 2022ના રોજ મહેંદી સેરેમનીની સાથે તેમની પ્રિ-વેડિંગ સેરેમની શરૂ થઇ. પોતાની મહેંદી સેરેમનીમાં કૃશા જ્યાં મલ્ટીકલરના લેંઘામાં સુંદર લાગી રહી હતી. તો ઑફ વ્હાઈટ કુર્તા-પાયજામામાં અનમોલ પણ હેન્ડસમ લાગી રહ્યો હતો.