તમારા કામનું / પોસ્ટ ઓફિસની આ સ્કીમમાં પૈસા લગાવ્યા તો ભરવો પડશે ટેક્સ, જાણો કઈ સ્કીમ છે ટેક્સ ફ્રી

• રોકાણ માટે પોસ્ટ પસંદગીનો વિકલ્પ 
• ટેક્સ બેનિફિટ્સ માટે રોકાણ કરતા પહેલા જાણી લેજો 
• આ સ્કીમમાં નથી મળતા ટેક્સ બેનિફિટ્સ 

નાની બચત યોજનામાં રોકાણ કરવા માટે લોકો પોસ્ટ ઓફિસ પસંદ કરે છે. રોકાણકારોમાં કેટલીક ગેરસમજ છે કે જો તમે પોસ્ટ ઓફિસમાં રોકાણ કરો છો તો તમારે તેના પર ટેક્સ ચૂકવવો પડશે નહીં. એટલે કે લોકોને લાગે છે કે પોસ્ટ ઓફિસની સ્કીમ ટેક્સ ફ્રી છે. રોકાણ કરતા પહેલા, તમારે જાણવું જોઈએ કે તે ટેક્સ બેનિફિટ્સ આપતી યોજનાઓ સંપૂર્ણપણે ટેક્સ ફ્રી છે કે નહીં. પોસ્ટ ઓફિસની ઘણી યોજનાઓ પર મળતું વ્યાજ અથવા વળતર કરમુક્ત નથી.  

આવકવેરામાં EEE શ્રેણી શું છે?
આવકવેરામાં EEE કેટેગરીનો અર્થ એવો થાય છે કે આવી સ્કીમ પર રોકાણ, વ્યાજ/વળતર અને પાકતી મુદત પર ટેક્સ લાગતો નથી. પરંતુ તમને જણાવી દઈએ કે પોસ્ટ ઓફિસની ઘણી યોજનાઓ ટેક્સ ફ્રી નથી. 

પોસ્ટ ઓફિસની ઘણી યોજનાઓ પર વ્યાજ/ રિટર્ન પર ટેક્સ (TDS) નથી લાગતો. આવી સ્થિતિમાં લોકોને લાગે છે કે આ ટેક્સ ફ્રી સ્કીમ છે. જોકે ટેક્સપેયર્સને પોતાના આવક રિટક્ન જમા કરતી વખતે અન્ય સ્ત્રોતથી થતી આવકની જાણકારી આપવાની હોય છે. 

પોસ્ટ ઓફિસ બચત ખાતું
પોસ્ટ ઓફિસ બચત ખાતામાં જમા કરવામાં આવેલી મુડી પર ન તો ટેક્સ સેવિંગ બેનિફિટ્સ છે અને ન તો વ્યાજ ટેક્સ ફ્રી છે.

પોસ્ટ ઓફિસ ફિક્સ ડિપોઝિટ
પોસ્ટ ઓફિસમાં 5 વર્ષની ડિપોઝિટ પર કરવામાં આવેલા રોકાણ પર કલમ 80સી હેઠળ 1.5 લાખ રૂપિયા સુધીનું ટેક્સ સેવિંગ બેનિફિટ મળે છે. જોકે ઓછા સમય માટે કરવામાં આવેલા ઈનવેસ્ટમેન્ટ પર કોઈ ટેક્સ બેનિફિટ્સ નથી. તેના પર મળતું વ્યાજ પણ ટેક્સ ફ્રી નથી. 

કિસાન વિકાસ પત્ર (KVP)
જો તમે KVPમાં રોકાણ કરો છો તો આ યોજના પર કોઈ ટેક્સ બેનિફિટ્સ નથી અને ન તો કમાયેલ વ્યાજ પર ટેક્સ છુટ મળે છે.

નેશનલ સેવિંગ્સ સર્ટિફિકેટ (NSC)
સેક્શન 80C હેઠળ નેશનલ સેવિંગ્સ સર્ટિફિકેટમાં રોકાણ કરીને રોકાણકારોને નાણાકીય વર્ષમાં રૂ. 1.5 લાખ સુધીનો ટેક્સ બેનિફિટ મળે છે. જો કે આ યોજનામાંથી વ્યાજની આવક પર ટેક્સ લાગે છે.

વરિષ્ઠ નાગરિક બચત યોજના (SCSS)
વરિષ્ઠ નાગરિક પોસ્ટ ઓફિસની સ્કીમ SCSSમાં રોકાણ કરીને નાણાકીય વર્ષમાં કલમ 80C હેઠળ રૂ. 1.5 લાખ સુધીનો ટેક્સ બેનિફિટ મેળવી શકે છે.