જો તમે પીવા માટે બોટલના પાણીનો ઉપયોગ કરો છો તો સાવધાન થઇ જાઓ. તમે જે પાણીનો ઉપયોગ કરી રહ્યા છો તેમાં પ્લાસ્ટિકના કણ હોઇ શકે છે. દુનિયાભરમાંથી લેવામાં આવેલા બોટલના પાણીના 90% સેમ્પલમાં પ્લાસ્ટિકના કણ મળી આવ્યા છે.
ન્યૂયોર્કની સ્ટેટ યૂનિવર્સિટીના રિસર્ચર્સમાં 9 દેશોમાં વેચવામાં આવી રહેલી 11 બ્રાન્ડ્સમાં 250 બોટલોનો ટેસ્ટ કરવામાં આવ્યો હતો. ભારતના સિવાય ચીન અમેરિકા બ્રાઝિલ ઇન્ડોનેશિયા કેન્યા લેબનાન મેક્સિકો અને થાઇલેન્ડના બોટલના પાણીના સેમ્પલની તપાસ કરવામાં આવી હતી.
1 લીટર પાણીમાં પ્લાસ્ટિકના કેટલા કણ?
એક્વા- ઈન્ડોનેશિયા- 4713
એક્વાફિના-અમેરિકા ભારત- 1295
બિસ્લેરી- ભારત- 5230
ડાસાની-અમેરિકા કેન્યા- 335
ઈપ્યૂરા- મેક્સિકો- 2267
ઈવ્લૈન- ફ્રાન્સ- 256
ગીઑસટાઈના- જર્મની- 5160
મિનાલ્બા- બ્રાઝીલ- 863
નેસ્લે પ્યોર લાઈફ- અમેરિકા થાઈલેન્ડ- 10390
સન પેલેગ્રીનો- ઈટલી- 74
વાહાહા- ચીન- 731
આંકડા પરથી સામે આવે છે કે અમેરિકા અને થાઇલેન્ડમાં વેચાતા બોટલબંધ પાણી નેસ્લે પ્યોર લાઈફમાં સૌથી વધારે પ્લાસ્ટિકનું પ્રમાણ જોવા મળ્યું. ત્યારપછી બીજા ક્રમાંકે ભારતની કંપની બિસ્લેરી આે છે જેમાં 1 લીટર પાણીમાં 5230 પ્લાસ્ટિકના કણ મળી આવ્યા.
રિસર્ચર્સનું માનવું છે કે બોટલ્ડ વોટરમાં આ પ્રદૂષણ પેકેજિંગ દરમિયાન વધે છે. પ્લાસ્ટિકના જે કણો મળી આવ્યા છે તેમાં પૉલીપ્રોપાઈલીન નાયલૉન અને પૉલીઈથાઈલીન ટેરેપથાલેટ શામેલ છે. આ દરેકનો ઉપયોગ બોટલનું ઢાંકણું બનાવવામાં થાય છે.
નળનું પાણી વધારે સુરક્ષિત:
એક પૂર્વ સ્ટડીમાં બતાવવામાં આવ્યું કે નળનું પાણી બોટલવાળા પાણીથી વધારે સુરક્ષિત છે. 1 લિટર પાણીની બોટલમાં સરેરાશ 10.4 માઈક્રોપ્લાસ્ટિકના કણ હોય છે. આ નળના પાણીમાંથી મળી આતા માઈક્રોપ્લાસ્ટિકના કણ કરતા બમણા હોય છે.