ફીટ બોડી માટે મગજનું ફીટ હોવું પણ જરૂરી છે. તો જાણો એવા ક્યા ક્યા ખાદ્યપદાર્થો છે, જેને ડાયેટમાં સામેલ કરવાથી બ્રેન શાર્પ બને છે.
ફીટ બોડી માટે ફીટ બ્રેન પણ જરૂરી
બ્રેન જ આપે છે બોડીને કમાન્ડ
હેલ્ધી ડાયેટથી બ્રેન થઇ શકે છે શાર્પ
ફીટ બોડી માટે મગજનું ફીટ હોવું પણ જરૂરી છે, કેમકે તમારું મગજ જ કોઈપણ કાર્ય કરવા માટે તમારા બોડીને કમાંડ આપે છે. જો તમે પણ મગજને હેલ્ધી રાખશો તો તમારું બોડી પણ ફીટ રહેશે. ઘણા લોકો મગજને શાર્પ કરવા માટે તમામ પ્રકારના ઉપાયો અપનાવે છે, પરંતુ તેઓ પોતાની લાઈફસ્ટાઈલ પર ધ્યાન આપતા નથી. જો પોષકતત્વોથી ભરપૂર ડાયેટ નહીં લેવામાં આવે, તો તમારું મગજ નબળું પડતું જશે અને જો તમે હેલ્ધી ડાયેટ ફોલો કરશો, તો તમારું મગજ શાર્પ બનશે . તો આવો જાણીએ એવા ક્યા ક્યા ફૂડસ છે, જે તમારે તમારા ડાયેટમાં સામેલ કરવા જોઈએ.
સવારે પી શકો છો કોફી
કોફી પણ તમે સવારે નાસ્તા સાથે લઇ શકો છો. તેમાં ઘણી માત્રામાં કેફીન અને એંટીઓક્સીડંટ હોય છે, જેથી તમારા મગજનાં સ્વાસ્થ્યને ઘણા ફાયદા મળે છે. એટલું જ નહીં, તેનાથી મગજ અલર્ટ પણ થાય છે અને તમે વધારે ધ્યાન કેન્દ્રિત કરી શકો છો.
હળદરનું સેવન વધારે રાખો
હળદર વિષે તો બધા જાણે છે. તે માત્ર બીમારીઓ ઓછી કરવામાં જ ઉપયોગી નથી, પરંતુ મગજને શાર્પ પણ કરે છે. તે બ્રેન સેલ્સને મજબૂત કરવામાં પણ મદદરૂપ છે. આ સાથે જ હળદરનાં સેવનહી યાદશક્તિ પણ વધે છે.
રોજ ખાઓ ઈંડા
ઈંડામાં ભરપૂર માત્રામાં પ્રોટીન હોય છે. તેમાં વિટામિન બી 6 અને બી 12 પણ હોય છે. નાસ્તામાં ઈંડા લેવાથી તમારા આખા શરીરનું સ્વાસ્થ્ય સુધરી જાય છે. ,મગજને સવારે સવારે બૂસ્ટ કરવા માટે ઈંડા ખૂબ જ ઉપયોગી છે.
સંતરા પણ છે ફાયદાકારક
સંતરાને પણ તમે તમારા ડાયેટમાં સામેલ કરી શકો છો. રોજ દિવસમાં એક સંતરું ખાઈ શકાય છે. સંતરામાં વિટામિન સી ભરપૂર માત્રામાં હોય છે. વિટામિન સી એકેવું પોષકતત્વ છે, જે મગજની કોશિકાઓને નુકસાન પહોંચાડનાર ફ્રી રેડિકલ્સથી દૂર રાખે છે.
અખરોટ અને બદામ
અખરોટ અને બદામ જેવા માવા બ્રેન પાવરને બૂસ્ટ કરવા માટે ઓળખાય છે. તે મગજને નુકસાન પહોંચાડનાર સેલ્સ સાથે લડે છે, બ્રેન હેલ્થને વધારે છે. સાથે જ તમે બ્રોકલી પણ તમારા ડાયેટમાં સામેલ કરી શકો છો. આમ કરવાથી પણ તમારું બ્રેન શાર્પ બનશે.