તમારા કામનું / ઉનાળામાં આ વસ્તુઓનું સેવન કરશો તો થઇ જશો 'કુલ', અનેક સમસ્યાઓથી પણ મળશે છૂટકારો

• ઉનાળાની ગરમીમાં હાઈડ્રેટ રહેવું જરૂરી 
• ઠંડી તાસીરવાળા ખોરાકનું કરો સેવન 
• ફ્રીઝને બદલે માટલાનું પાણી પીવો 

ઉનાળા એ તો શક્ય નથી કે તમે ઘરની બહાર જ ન નીકળો, કોઈને કોઈ કામથી બહાર તો જવું જ પડે. ઓફિસ હોય કે બજાર, આખા દિવસમાં કોઈક કામ તો આવી જ જાય. આવામાં સૌથી વધારે જરૂરી હોય છે કે તમે ખુદને હાઈડ્રેટ રાખો કેમકે ગરમી માત્ર બહારથી જ નુકસાન નથી પહોંચાડતી, પણ શરીરને અંદરથી પણ નુકસાન પહોંચાડે છે. આવામાં અમે તમને જણાવવા જઈ રહ્યા છીએ કે ક્યા ફૂડ્સની મદદથી તમે ગરમીનાં નુકસાનોથી તમારા શરીરને બચાવી શકશો. 

ગરમીમાં રાહત મેળવવા માટે કરો આ ફૂડ્સનું સેવન 

બેસ્ટ બોડી કુલીંગ ફૂડ્સ 
ગરમીમાં ઠંડી તાસીરવાળી વસ્તુઓનું સેવન કરવું જોઈએ, જે તમારા પેટને ઠંડક પહોંચાડે છે અને જેનાથી તમને હીટબર્નની સમસ્યાઓનો સામનો કરવો પડતો નથી. 

દૂધી અને કોળુ

દૂધી અને કોળુ, જેવા શાકમાં પાણીની માત્રા વધારે હોય છે. આ સ્વાસ્થ્ય માટે ખૂબ જ ફાયદાકારક શાકભાજી છે અને પેટને રીલેક્સ કરે છે અને ગરમી પણ ઓછી કરે છે. આ શાકભાજી ડાઈજેશનમાં પણ મદદ કરે છે અને પાચન તંત્રને મજબૂત બનાવે છે. આ શાકભાજી ખાવાથી ભૂખ પણ વધે છે. 

જવ અને ગમ કટિરા

ગમ કટિરા શરીરમાં હાજર ગરમીને નિયંત્રિત રાખવામાં મદદ કરે છે. જવ તમારા શરીરને ઠંડક પહોંચાડે છે અં એતેનો સ્વાદ પણ ઘણો સારો હોય છે. 

માટલાનું પાણી 

ફ્રિઝનાં પાણી કરતા  ઉનાળામાં માટલાનું પાણી પીવાથી ઘણા નુકસાનોથી બચી શકાય છે. માટલાનું પાણી તમારા ડાઈજેશન પર પણ અસર કરે છે. સાથે જ હીસ્ટ્રોક પણ ઓછો કરે છે. માટલાના પાણીથી ઘણા વિટામિન અને મીનરલ્સ પણ આપણને મળે છે. 

ડુંગળી 

ભોજન સમયે કાચી ડુંગળી ખાવી ઘણી ફાયદાકારક રહે છે. આ તમારા શરીરને ઠંડક આપે છે. આ એક એન્ટીએલર્જેનનાં રૂપમાં કામ કરે છે. તમે પોતાના સલાડમાં ડુંગળી, મૂળો અને ગાજર જેવી વસ્તુઓને જરૂર સામેલ કરો. 

આ ખોરાકને પણ કરો ડાયેટમાં સામેલ 

આ ઉપરાંત, તમે તડબૂચ, છાશ, દહીંને પણ પોતાના ડાયેટમાં સામેલ કરી  શકો છો. આ બધું તમારા શરીરને ઠંડક આપે છે. આ ઉપરાંત, તમે લીંબૂ પાણીનું પણ સેવન કરી શકો છો, જે દરેક પ્રકારે તમારા માટે ફાયદાકારક છે.