એવું ઘણીવાર બને છે કે, તમે લાંબા સમયથી ટ્રેનની ટિકિટ ખરીદી લીધી હોય, પરંતુ મુસાફરી દરમિયાન ટિકિટ ઉતાવળમાં ખોવાઈ જાય તો તમારો સંપૂર્ણ ધ્યાન TTE ઉપર રહેશે. તમને સતત ડર લાગ્યા કરશે કે TTE તમને પકડી ના લે, નહીં તો ભારે દંડ ચૂકવવો પડી જશે, પરંતુ ટેન્શન લેવાની જરૂર નથી, જો તમે ટિકિટ ખરીદી હોય અને તે ખોવાઈ જાય તો તેના માટે પણ રેલ્વેએ અલગ-અલગ નિયમ બનાવ્યા છે. પણ આ નિયમો વિશે જાણકારી ન હોવા પર જ્યારે ટિકિટ ચેક કરવા TTE આવે ત્યારે તે ફાયદો ઉઠાવી લે છે. તો જાણો શું કરવું.
રેલ્વેના કેટલાક નિયમો જાણવા જરૂરી
રેલ્વે મુસાફરોને આપે છે અનેક સુવિધા
ટિકિટ ખોવાઈ જાય તો કરી લો આ કામ
નવી ટિકિટ જારી કરી શકે છે TTE
જો તમારી ટિકિટ ખોવાઈ ગઈ છે અને તમારા મોબાઇલમાં ટિકિટ બતાવવાની સુવિધા નથી, તો તમે 50 રૂપિયા દંડ આપીને નવી ટિકિટ મેળવી શકો છો. ટિકિટ ખોવાઈ જવાના કિસ્સામાં તાત્કાલિક TTEનો સંપર્ક કરો અને તેને નવી ટિકિટ જારી કરવા માટે કહો. તેના પર TTE અમુક ચાર્જ લઈને નવી ટિકિટ જારી કરી શકે છે.
પ્લેટફોર્મ ટિકિટ તમારી મદદ કરશે
જો તમારી પાસે પ્લેટફોર્મ ટિકિટ છે અને કોઈ કારણસર તમને ટ્રેનમાં મુસાફરી કરવી પડે તો આ ટિકિટ તમારા માટે ખૂબ જ ઉપયોગી સાબિત થશે. આવી સ્થિતિમાં ટ્રેનમાં હાજર TTEનો સંપર્ક કરવો જોઈએ અને જ્યાં સુધી મુસાફરી કરવી હોય ત્યાં સુધી તમે ટિકિટ જારી કરાવી શકો છો. આવી સ્થિતિમાં TTE ટિકિટના ભાડાની સાથે પેનલ્ટી લઈ તમને ટિકિટ જારી કરી શકે છે. પ્લેટફોર્મ ટિકિટના આધારે TTE એ જ સ્ટેશનથી ટિકિટ બનાવશે જ્યાંથી તમે પ્લેટફોર્મની ટિકિટ લીધી છે. ઘણી વખત TTE ટ્રેનની આખી મુસાફરી માટે ટિકિટ બનાવે છે.
આ નિયમો પણ છે
આ રીતે રેલ્વે તેના મુસાફરોને અનેક પ્રકારની સુવિધાઓ આપે છે, જેની માહિતી રાખવી જોઈએ. જેથી TTEને પેનલ્ટી ચૂકવવાથી બચી શકાય છે. જો કોઈ કારણોસર તમારે નિર્ધારિત સ્ટેશનથી આગળની યાત્રા ચાલુ રાખવી હોય તો તમારી ટિકિટ આગળના સ્ટેશન સુધી લંબાવી શકાય છે. આ માટે અલગથી નજીવી ફી ભરવાની રહેશે. જો તમે ટ્રેન ચૂકી ગયા છો, તો તમે તેને મુસાફરીના સમયની અંદર ટિકિટ વિન્ડોમાં પાછી આપી અને ટિકિટના પૈસાનો અમુક રિફન્ડ પણ મેળવી શકો છો.