ઉપાય / ઉંઘમાંથી ઉઠ્યા બાદ થાક અનુભવાતો હોય તો ગૂગલના CEO સુંદર પિચાઈની આ ટેકનીકને અપનાવી લો

• સુંદર પિચાઈ ખુદને રીલેક્સ કરવા માટે શું કરે છે?
• શું છે NSDR ટેકનીક?
• આ છે સુંદર પિચાઈનો ફિટનેસ મંત્ર 

​​​​​​​સુંદર પિચાઈ ખુદને રીલેક્સ કરવા માટે શું કરે છે?

આજકાલના ભાગદોડ ભરેલ આ જીવનમાં શાંતિ મળવી અત્યંત જરૂરી છે. લોકો કામ બાદ આવીને થાકેલા હોવાને કારણે સુઈ જાય છે પરંતુ શાંતિ નથી મળી શકતી. મોટેભાગે લોકો સુઈને ઉઠ્યા બાદ પણ થાક અનુભવે છે. શાંતિ મેળવવા માટે લોકો અલગ અલગ ઉપાયો કરે છે, કોઈ ગીતો સાંભળીને ફ્રેશ ફિલ કરે છે તો કોઈ યોગા-મેડીટેશનનાં માધ્યમથી મગજને શાંત કરવાની કોશિશ કરે છે. આવમાં આજે અમે તમને ગૂગલ તથા આલ્ફાબેટનાં સીઈઓ સુંદર પિચાઈ વિષે જણાવવા જઈ રહ્યા છીએ. હાલમાં જ તેમણે આપેલા એક ઇન્ટરવ્યૂમાં તેમણે જણાવ્યું કે તેઓ ખુદને રીલેક્સ કરવા માટે શું કરે છે. ખુદને રીલેક્સ કરવા માટેની સુંદર પિચાઈની આ ટેકનીક તમારા કામમાં પણ આવી શકે છે. તેઓ કહે છે કે તેઓ નોન સ્લીપ ડીપ રેસ્ટ ટેકનીક ફોલો કરે છે. આવો જાણીએ આ ટેકનીક વિષે. 

શું છે NSDR ટેકનીક?
આ ટેકનીક માટે જમીન પર આંખ બંધ કરીને સુવું પડે છે. ત્યાર બાદ પોતાના શરીર અને હાથપગને રીલેક્સ કરો. પછી કોઇપણ એક વસ્તુ પર પોતાનું ધ્યાન કેન્દ્રિત કરો. તમે ખુલ્લા આકાશ કે પછી અંધારિયા રૂમ વિષે વિચારી શકો છો. આ દરમિયાન, તમે પોતાની બ્રિધ તથા શરીરનાં અલગ અલગ હિસ્સામાં થનાર સેન્સેશન પર ધ્યાન આપો. સુંદર પિચાઈ જણાવે છે કે મને મેડીટેશન ખૂબ જ અઘરું લાગે છે, તો હું યૂ ટ્યુબ પર NSDR વીડિયો મુકીને રીલેક્સ થાઉં છુ. NSDRનાં માધ્યમથી તમને ડીપ રેસ્ટ મળે છે જે સામાન્ય રીતે સુવાથી નથી મળતો. 

આ છે સુંદર પિચાઈનો ફિટનેસ મંત્ર 
સુંદર પિચાઈ જણાવે છે કે તે રોજ 6 થી 7 કલાકની ઊંઘ લે છે, જ્યાર બાદ તેઓ સવારે 6:45 અથવા 7:30 વાગ્યે ઉઠે છે. સુંદર પિચાઈ ગયા 15 વર્ષથી એક જ પ્રકારનો નાસ્તો કરે છે અને તે છે એગ ટોસ્ટ અને ગરમાગરમ ચા. નાસ્તા દરમિયાન, ન્યૂઝ વંચાવા એ સુંદર પિચાઈનાં મહત્વપૂર્ણ કાર્યોમાંનું એક છે.