ગજબ / હવે એક સાથે 10 ડિવાઈસમાં ચાલશે WhatsApp, જાણો કોણ લઈ શકશે આ સર્વિસનો લાભ

• વોટ્સએપ લાવી રહ્યું ધાંસુ ફિચર
• એક સાથે 10 ડિવાઈઝ પર ચાલશે વોટ્સએપ
• જાણો ડિટેઈલ્સ 

તમે ઇન્સ્ટન્ટ મેસેજિંગ એપ વોટ્સએપથી સારી રીતે પરિચિત હશો. આ લોકપ્રિય એપ તમને લગભગ દરેક સ્માર્ટફોનમાં જોવા મળશે. તેની લોકપ્રિયતાનું કારણ તેમાં હાજર તમામ ફીચર્સ અને તેની ફ્રી સર્વિસ છે. એટલે કે લોકો પૈસા ચૂકવ્યા વિના તેનો ઉપયોગ કરે છે. 

પરંતુ તાજેતરમાં મેટાની માલિકીની આ કંપનીએ WhatsApp પ્રીમિયમ સેવાની જાહેરાત કરી છે. તે ટૂંક સમયમાં લોન્ચ થવાની તૈયારીમાં છે. આ પેઇડ સર્વિસ હશે. આવી સ્થિતિમાં આ અંગે લોકોના મનમાં અનેક સવાલો ઉઠી રહ્યા છે. આજે અમે તમને આ સાથે જોડાયેલા દરેક સવાલના જવાબ આપીશું.

શું છે whatsapp પ્રીમિયમ? 
વ્હોટ્સએપ પ્રીમિયમ બિઝનેસ સાથે સંકળાયેલા લોકો અથવા વિવિધ કંપનીઓ અને સંસ્થાઓ માટે સભ્યપદ આધારિત સેવા છે. જેમાં યુઝર્સે બિઝનેસ એકાઉન્ટ્સમાં વેનિટી URL, પહેલા કરતા વધુ લિંક કરેલ ડિવાઈઝ જેવી વધારાની સુવિધાઓ મળશે. જો કે તેના લોન્ચિંગ અંગેની સ્થિતિ પણ સ્પષ્ટ નથી. પરંતુ એવી અટકળો છે કે તે આગામી 2 થી 3 મહિનામાં રિલીઝ થઈ શકે છે.

Whatsapp પ્રીમિયમમાં શું હશે ખાસ?
તમને જણાવી દઈએ કે મેટાએ પોતે હજુ સુધી આ સર્વિસનું અનાવરણ કર્યું નથી અને ન તો તેનાથી સંબંધિત વધુ માહિતી શેર કરી છે. આ બધા છતાં અલગ-અલગ રિપોર્ટ્સમાં તેની ખાસિયત જણાવવામાં આવી રહી છે. એક મીડિયા રિપોર્ટ અનુસાર, આમાં યુઝર્સને એવા ઘણા ખાસ ફીચર્સ મળશે, જેનાથી તેમને ઘણો ફાયદો થશે. 

10 ડિવાઈઝ એક સાથે કરી શકાશે લિંક
આમ કો હવે તમે WhatsApp ના નોર્મલ વર્ઝનને પણ 4 ડિવાઈઝમાં ચલાવી શકો છો, પરંતુ પ્રીમિયમ સેવામાં તમે 10 વધારાના ડિવાઈઝ  એડ કરવાનો વિકલ્પ મેળવી શકો છો. આનાથી ઘણા લોકો કંપનીના પેજને મોનિટર કરી શકશે. 

વેનિટી URL
WhatsApp પ્રીમિયમમાં યુઝર્સને વેનિટી URLની સુવિધા પણ મળી શકે છે. એટલે કે તેના યુઝર્સને તેમના બિઝનેસ માટે કસ્ટમ લિંક્સ જનરેટ કરવાનો વિકલ્પ મળશે. 

whatsapp પ્રીમિયમ વેનિટી url
નિષ્ણાતોના મતે જ્યારે યુઝર્સ વેનિટી URL બનાવે છે ત્યારે તેનો બિઝનેસ ફોન નંબર જાહેર હોય છે. જ્યારે ગ્રાહકો WhatsApp દ્વારા તમારો સંપર્ક કરશે ત્યારે પણ તેઓ ફોન નંબર જોશે. જો કે, બિઝનેસના નામ સાથે નાની કસ્ટમ URL બનાવવાથી તે વધુ સારી બને છે.