રશિયાએ યુક્રેન પર જે શક્તિશાળી હાઈપરસોનિક મિસાઈલો છોડી, જાણો તે મિલાઈલ શું છે અને તેને લગતી તમામ માહિતી
રશિયાએ યુક્રેન પર છોડી શક્તિશાળી હાઈપરસોનિક મિસાઈલો
અમેરિકાએ વધારી હાઈપરસોનિક મિસાઈલની માંગ
ક્યા ક્યા દેશ પાસે છે હાઈપરસોનિક મિસાઈલ?
રશિયાએ યુક્રેન પર છોડી શક્તિશાળી હાઈપરસોનિક મિસાઈલો
રશિયાએ યુક્રેન પર બે દિવસની અંદર પોતાની બે શક્તિશાળી હાઈપરસોનિક મિસાઈલો છોડી. પહેલી કિન્ઝાલ, જેને ડેગર પણ કહેવાય છે. બીજી કેલિબર ક્રૂઝ મિસાઈલ. હવે તમે વિચારી રહ્યા હશો કે ક્રૂઝ મિસાઈલને હાઈપરસોનિક કેમ કહેવાય છે. તો જાણો વિગતવાર.
અમેરિકાએ વધારી હાઈપરસોનિક મિસાઈલની માંગ
અમેરિકા અમુક વર્ષો પહેલા હાઈપરસોનિક હથીયારોનાં વિકાસનાં મામલામાં રશિયાથી પાછળ પડી રહ્યું હતું. પછી તેણે ઝડપ રાખતા હથીયારો વિકસિત કર્યા અને આજે પણ આ હથીયારો વિકસિત કરી રહ્યું છે. પરંતુ રશિયાએ તો બતાવી દીધું કે તેની પાસે હાઇપરસોનિક મિસાઈલ છે અને તેણે તેનો પ્રયોગ યુક્રેન પર કર્યો.
શું ઈચ્છે છે અમેરિકા?
અમેરિકી સેના હવે એવા હાઈપરસોનિક હથીયારોનાં વિકાસમાં લાગેલ છે, જે લોન્ચ થશે બેલીસ્ટીક મિસાઈલની ગતિથી પરંતુ ટારગેટને હીટ કરતા પહેલા તે અવાજની ગતિથી સાત આઠ ગણી વધારે ગતિ મેળવીને હાઈપરસોનિક થઇ જાય. ત્યાર બાદ સીધા દુશ્મનને ટારગેટ કરી નષ્ટ કરી દે. આવું તકનીકી પરીક્ષણ અમેરિકા નૌસેનાનાં જમવોલ્ટ ક્લાસ ડેસ્ટ્રોયર્સમાં કરવામાં આવી રહ્યું છે. ટેનીસીથી ડેમોક્રેટ અમેરિકી સાંસદ જિમ કૂપર કહે છે કે અમેરિકા આ ટેકનીકનાં મામલામાં ફેલ થઇ રહ્યું છે. તેના 10 હજાર લોકો 1980થી આ પ્રોજેક્ટ પર કામ કરી રહ્યા છે. મને લાગે છે કે યુક્રેન પર રશિયાનાં હુમલા પેન્ટાગનનાં હાઈપરસોનિક હથીયારોનાં બજેટ સાથે પણ જોડાય છે.
હાઈપરસોનિક મિસાઈલ એટલે શું?
હાઈપરસોનિક મિસાઈલ એ હથિયારો છે, જે ધ્વનિની ગતિથી પાં ગણી વધારે ગતિમાં ચાલે. સાધારણ ભાષામાં આ મિસાઈલની ગતિ 6100કિલોમીટર પ્રતિ કલાક હોય છે. તેમની ગતિ અને દિશામાં ફેરફાર કરવાની ક્ષમતા એટલી શક્તિશાળી હોય છે કે તેને ટ્રેક કરવી કે પછાડવી અઘરી હોય છે.
શું બધી મિસાઈલ હાઈપરસોનિક હોય છે?
સામાન્ય રીતે, ક્રૂઝ મિસાઈલ કે બેલીસ્ટીક મિસાઈલની ગતિ ઘણી વધારે હોય છે. પરંતુ તેની નક્કી દિશા અને યાત્રા માર્ગને કારણે તેને ટ્રેક કરી શકાય છે. તેને પછાડી શકાય છે. જો તેમની ગતિ ધ્વનિની ગતિ કરતા પાંચ ગણી વધારે એટલે કે 6100 કિલોમીટર પ્રતિ કલાક કરવામાં આવે અને સાથે જ સ્વતઃ દિશા બદલવા લાયક યંત્ર લગાવવામાં આવે. તો તે હાઈપરસોનિક હથિયારમાં બદલાઈ જાય છે. તેને ટ્રેક કરવી કે પછાડવી અઘરી પડી જાય છે.
રશિયાનો દાવો - તેમની પાસે છે અત્યાધુનિક મિસાઈલ સિસ્ટમ
રશિયાનો આ દાવો છે કે તેમની પાસે એવી બેલીસ્ટીક મિસાઈલ છે, જેનાં પર હાઈપરસોનિક ગ્લાઈડ વેહીકલ્સ અને હાઈપરસોનિક ક્રૂઝ મિસાઈલ લગાવી શકાય છે. એટલે કે બેલીસ્ટીક મિસાઈલની રેંજ અને તાકાત મળ્યા બાદ હાઈપરસોનિક મિસાઈલનું કોમ્બિનેશન અત્યંત ખતરનાક બની જાય છે.
ક્યા ક્યા દેશ પાસે છે હાઈપરસોનિક મિસાઈલ?
હાઈપરસોનિક મિસાઈલ અમેરિકા, રશિયા અને ચીન પાસે છે. કહેવામાં આવે છે કે ઉત્તર કોરિયા પણ આ પ્રકારની મિસાઈલ વિકસિત કરવા લાગ્યું છે. ભારત પણ આવી મિસાઈલને વિકસિત કરવામાં લાગેલ છે.
ભારત પાસે હાઈપરસોનિક હથિયાર છે કે નહી?
ભારત હાઈપરસોનિક હથિયાર બનાવી રહ્યું છે અને તેનું પરીક્ષણ પણ કરી ચુક્યું છે. DRDOએ માનવરહિત સ્ક્રેમજેટનું હાઈપરસોનિક સ્પીડ ફ્લાઈટનું સફળ પરીક્ષણ વર્ષ 2020માં કર્યું હતું. તેને એચએસટીડીવી કહે છે. હાઈપરસોનિક સ્પીડ ફ્લાઈટ આતે માનવરહિત સ્ક્રેમજેટ પ્રદર્શન વિમાન છે. જે વિમાન 6126થી 12251 કિલોમીટર પ્રતિ કલાકની સ્પીડમાં ઉડે, તેને હાઈપરસોનિક વિમાન કહે છે.
ભારત પાસે પણ છે કેલીબર મિસાઈલ
ભારત પાસે પણ કેલીબર મિસાઈલ છે. જેને ભારતીય નૌસેનાએ પોતાના કિલો ક્લાસ સબમરીનમાં લગાવી રાખી છે.
બ્રહ્મોસ - 2 હાઈપરસોનિક મિસાઈલ પણ થઇ રહી છે તૈયાર
રશિયા અને ભારત મળીને બ્રહ્મોસ - 2 હાઈપરસોનિક મિસાઈલ બનાવી રહ્યા છે. આમાં તે જ સ્ક્રેમજેટ એંજીન લગાવવામાં આવશે, જે તેને શાનદાર ગતિ અને ગ્લાઈડ કરવાની ક્ષમતા પ્રદાન કરશે. આ મિસાઈલની રેંજ વધારેમાં વધાર 600 કિલોમીટર હશે પરંતુ તેની ગતિ ખૂબ જ વધારે હશે. આવું માનવામાં આવી રહ્યું છે કે આ મિસાઈલ આવતા વર્ષ સુધીમાં બની જશે.
ચીન પણ વિકસિત કરી રહ્યું છે હાઈપરસોનિક હથિયાર
બની શકે છે કે ચીને પોતાના નવા હાઈપરસોનિક હથિયાર DF-ZFનું પરીક્ષણ હાલમાં જ કર્યું હોય પરંતુ આ વિષે દુનિયાને જાણકારી ન આપી હોય. આ હથિયાર 61૭૩ કિલોમીટર પ્રતિ કલાકથી લઈને 12,360 કિલોમીટર પ્રતિ કલાકની ગતિ હાસલ કરવાની ક્ષમતા રાખે છે. આ ગ્લાઈડરની જેમ જ છે, જે પારંપરિક અને પરમાણુ હથિયાર લઇ જવામાં સક્ષમ છે. આ હથિયાર પહેલા સીધા અંતરિક્ષ તરફ જાય છે, પછી ટારગેટ સુધી પહોંચતા પહેલા ધરતીનાં ગુરુત્વાકર્ષણનો ઉપયોગ કરીને ઝડપથી નીચે આવે છે. ત્યાર બાદ ઘણી નીચી ઉડાન ભરતા એટલે કે ગ્લાઈડ કરતા કરતા હુમલો કરે છે.