તમને ખબર છે? / કોઈ પણ ઠગ કે ફ્રોડને '420' જ કેમ કહેવામાં આવે છે? તેની પાછળ છે રસપ્રદ કહાની

• 420 નંબર ખૂબ જ કુખ્યાત 
• ફ્રોડને 420 જ કેમ કહેવામાં આવે છે? 
• જાણો તેના પાછળ શું છે કારણ? 

જો કોઈ તમને 420 કહે છે તો વિચિત્ર લાગે છે. જ્યારે કોઈને ઠગ કહેવો હોય તો તેને 420 કહવામાં આવે છે. સામાન્ય ભાષામાં, 420 નંબર ખૂબ જ કુખ્યાત છે. વાસ્તવમાં, 420 એવા લોકો સાથે સંકળાયેલું છે જેઓ ઠગ છે અથવા છેતરપિંડી દ્વારા પોતાનું કામ કરાવે છે. પરંતુ, શું તમે ક્યારેય વિચાર્યું છે કે ઠગ માટે 420 શા માટે કહેવામાં આવે છે? અને 420 નહીં પણ 421 કે 520 શા માટે નથી કહેતા...

420 દંડ સંહિતાની કલમ છે
તમને જણાવી દઈએ કે આ માત્ર એક નંબર નથી, પરંતુ તેનું કાયદાકીય અસ્તિત્વ છે. વાસ્તવમાં, નંબર 420 એ ભારતીય દંડ સંહિતાની કલમ છે.

Cheating સાથે જોડાયેલો છે 420 નંબર
આ કલમ એવી વ્યક્તિ સાથે જોડવામાં આવે છે જે અન્ય વ્યક્તિને છેતરે છે. અપ્રમાણિકતા સાથે સંકળાયેલો છે. બીજાની મિલ્કત પણ છેતરપિંડીથી લઈ લે છે. 420 નંબર અંગ્રેજી શબ્દ cheating સાથે જોડાયેલો છે.

સજાને પાત્ર ગુનો છે 420 
આનાથી સ્પષ્ટ થાય છે કે 420 નંબર કપટ, અપ્રમાણિકતા અને કપટ સાથે જોડાયેલો છે. તેના આધારે ભારતના કાયદામાં કલમ 420નું વ્યાપક સ્વરૂપ રાખવામાં આવ્યું છે. આ કલમના પરિણામ વિશે જણાવવામાં આવ્યું છે. સજાની પણ જોગવાઈ છે. કોઈપણ વ્યક્તિ જે છેતરપિંડી કરે છે, છેતરે છે, અપ્રમાણિકપણે ફેરફાર કરે છે, નાશ કરે છે અથવા અન્ય કોઈ વ્યક્તિની કિંમતી વસ્તુ અથવા મિલકતના આ કાર્યમાં અન્ય કોઈ વ્યક્તિને મદદ કરે છે, તેમના પર કલમ 420 લગાવવામાં આવે છે. સાથે સજાને પાત્ર પણ હોય છે. 

420ને થઈ શકે છે આ સજા 
જ્યારે કોઈ વ્યક્તિ પોતાના સ્વાર્થ માટે, અન્ય વ્યક્તિ સાથે છેતરપિંડી કરે છે, તેની મિલકત અથવા કિંમતી વસ્તુ પોતાના નામે કરે છે, બનાવટી સહી કરે છે, આર્થિક અથવા માનસિક દબાણ હેઠળ બીજાની મિલકત લે છે, તો તેની સામે કલમ 420 લાગુ કરવામાં આવી છે. આ ગુના હેઠળ મહત્તમ 7 વર્ષની સજાની જોગવાઈ છે. આ સાથે આર્થિક સજા પણ થઈ શકે છે, જેમાં દંડ ફટકારવાની જોગવાઈ છે.