કમરમાં દુખાવાની સમસ્યા આજકાલ એક સામાન્ય સમસ્યા બની ગઈ છે. જાણો એવા ક્યા ક્યા કારણો છે, જેથી આ તકલીફ ઉભી થાય છે.
કમરમાં દુખાવાની સમસ્યા આજકાલ એક સામાન્ય સમસ્યા બની ગઈ છે
ખરાબ લાઈફસ્ટાઈલને કારણે ઉભી થાય છે આ તકલીફ
એક્સરસાઈઝ ન કરવાથી પણ થાય છે કમરમાં દુખાવો
કમરમાં દુખાવો આમ તો ઘણા કારણોસર થઇ શકે છે, પરંતુ આજકાલ બદલતી લાઈફસ્ટાઈલને કારણે પણ કમરમાં દુખાવો થવા લાગે છે. ખરાબ લાઈફસ્ટાઈલ અને કસરત ન કરવાને કારણે મોટાભાગના યુવાઓને 30 વર્ષ પહેલા જ કમરમાં દુખાવાની ફરિયાદ રહે છે. જોકે આજે આપણે એ 4 મોટા કારણોની વાત કરશું, જેને કારણે તમારી કમરમાં દુખાવો થવા લાગે છે.
1. કસરતો ન કરવી
કમરમાં દુખાવાનું સૌથી મોટું કારણ છે એક્સરસાઈઝ ન કરવી. બીઝી લાઈફસ્ટાઈલમાં મોટાભાગનાં લોકો એક જ જગ્યા પર બેસીને કામ કરતા રહે છે, જેને કારણે તેમની કમરમાં દુખાવો શરુ થઇ જાય છે. આવામાં તમારા જીવનમાં થોડો સમય એક્સરસાઈઝ માટે કાઢો તો આગળ ચાલતા તકલીફ નહીં પડે.
2. કેલ્શિયમની ઉણપને કારણે થાય છે કમરમાં દુખાવો
આ ઉપરાંત, બોડીમાં કેલ્શિયમની ઉણપથી પણ કમરમાં દુખાવો શરુ થઇ જાય છે. જ્યારે તમારા શરીરમાં કેલ્શિયમની ઉણપ હોય છે, ત્યારે હાડકાઓ નબળા પાડવા લાગે છે અને કમરમાં દુખાવો શરુ થઇ જાય છે. આવામાં તમે તમારા ડાયેટમાં કેલ્શિયમયુક્ત આહાર સામેલ કરી શકો છો.
3. પાણીની અછતને કારણે થાય છે કમરમાં દુખાવો
આ ઉપરાંત પાણીની અછતને કારણે કમરમાં દુખાવો થવા માંડે છે. બધા જાણે છે કે બોડી માટે પાણી કેટલું જરૂરી છે. એટલા માટે વધારે પાણી પીવું જોઈએ, જેથી તમારૂ શરીર હાઈડ્રેટ રહે.
4. લાંબા સમય સુધી એક જ જગ્યાએ બેસીને કામ કરવું
જણાવી દઈએ કે એવા લોકો, જે એક જ જગ્યાએ બેસીને કામ કરે છે, તેમને પણ કમરમાં દુખાવાની તકલીફ ઉભી થઇ શકે છે. આથી જો બને તો કામ વચ્ચે થોડો બ્રેક લઈને ચાલવાની આદત પાડો.