ગુજરાતમાં વરસાદની શરૂઆત થઇ ગઇ છે અને રાજ્યના અનેક જિલ્લામાં વરસાદ વરસી રહ્યો છે. ત્યારે આજે પણ રાજ્યના અનેક જિલ્લામાં હળવાથી મધ્યમ વરસાદની આગાહી કરવામાં આવી છે.
ગુજરાતમાં આજે સારા વરસાદની આગાહી
ઉત્તર ગુજરાતમાં પડી શકે છે ભારે વરસાદ
અમદાવાદમાં હળવાથી મધ્યમ વરસાદની આગાહી
હવામાન વિભાગનું માનીયે તો આજે ગાંધીનગર, મહેસાણા અને પાટણમાં વરસાદ પડશે. બનાસકાંઠા, અરવલ્લી, મહીસાગર અને પંચમહાલમાં પણ વરસાદી માહોલ રહેશે. જ્યારે અમદાવાદમાં હળવાથી મધ્યમ વરસાદની આગાહી કરવામાં આવી છે.
આવતીકાલથી રાજ્યમાં વરસાદનું જોર ઘટશે
તો ભાવનગર, અમરેલી, દ્વારકા અને પોરબંદરમાં પણ હળવો વરસાદ રહેશે. હવામાન વિભાગનું કહેવું છે કે બુધવારથી રાજ્યમાં વરસાદનું જોર ઘટશે. મહત્વનું છે કે રાજ્યમાં અત્યાર સુધી 29 ટકા જેટલો વરસાદ વરસી ચૂક્યો છે. શરૂઆતમાં જ સારા વરસાદને કારણે ધરતીપુત્રોમાં પણ આનંદની લાગણી જોવા મળી રહી છે. તો ગુજરાતમાં સરેરાશ 29 ટકા જેટલો વરસાદ થયો હોવાનું અનુમાન હવામાન વિભાગ દ્વારા વ્યક્ત કરવામાં આવ્યું છે.
જૂનના અંત સુધીમાં સમગ્ર ગુજરાતમાં ચોમાસુ
આ તરફ 16 થી 18 જૂન દરમિયાન દરિયાકાંઠાના વિસ્તારોમાં વરસાદ પડવાની સંભાવનાઓ સેવવામાં આવી રહી છે કચ્છને બાદ કરતા જૂનના અંત સુધીમાં સમગ્ર ગુજરાતમાં ચોમાસુ બેસી જશે તેવું હવામાન વિભાગના સુત્રએ જણઆવ્યું છે તો સાથે દરિયા કિનારે વરસાતા માછીમારોને દરિયો ન ખેડવાની સૂચના પણ અપાઈ છે.