સિનેમામાં માત્ર 16 વર્ષની ઉંમરમાં જ પોતાની પહેલી ફિલ્મથી એક આગવી ઓળખ બનાવનાર ડિમ્પલ કાપડિયા પહેલી એવી એક્ટ્રેસ છે જેણે જણાવ્યુ કે, ''લગ્ન અને બાળકો કોઇ પણ એક્ટ્રેસની સફળતા માટે નડતરરૂપ નથી.''
એક્ટ્રેસ ડિમ્પલ કાપડિયા પોતાના જીવનમા 60 વર્ષ પૂરા કર્યા પછી પણ નવા કેરેક્ટર્સને લઇને ઉત્સાહિત રહે છે અને ત્યાં સુધી કે જરૂર પડે તો તેના માટે ઑડિશન પણ આપવા માટે નથી અચકાતા. હિંદી સિનેમાની બૉબી આજે 62 વર્ષ થયા છે. જાણીએ તેમના વિશે કેટલીક અજાણી વાતો...
ગુજરાતના જાણીતા વેપારીના દિકરી:
ડિમ્પલ કાપડિયાનો જન્મ 8 જૂન 1957ના એક ગુજરાતી પરિવારમાં થયો, તેમના પિતા ચુન્નીભાઇ કાપડિયા મુંબઇના એક જાણીતા ઉદ્યોગપતિ હતા, ડિમ્પલની દેખરેખ પણ સારા વાતાવરણમાં થઇ. ચુન્નીભાઇ ફિલ્મી દુનિયાના ઘણા લોકો સાથે સંબંધ રાખતા તેના કારણે સ્ટાર્સનુ તેમના ઘરે આવવા-જવાનું રહેતુ. શૌમેન રાજ કપૂરે પણ ડિમ્પલને તેમના ઘરે જ જોઇ.
15 વર્ષની ઉંમરમાં હિરોઇન:
રાજ કપૂરે મેરા નામ જોકર બનાવી જે રિલીઝના સમયે સુપરફ્લોપ રહી, જેના કારણે તેમનો બંગ્લો, ઑફિસ વેચવા મૂકવા પડે તેવી સ્થિતિમાં આવી ગયા, ત્યારે તેમને યુવાનો માટે ફિલ્મ બનાવી 'બૉબી', ફિલ્મનો હીરો તો ઘરમાં જ હતો પરંતુ હીરોઇન માટે રાજ કપૂરની ઇચ્છા ડિમ્પલને લેવાની હતી. ડિમ્પલ કાપડિયાના પિતા ચુન્નીભાઇ સાથે વાત કરી તેઓ બહુ વિંનતી પછી માન્યા. માત્ર 15 વર્ષની ઉંમરમાં ડિમ્પલે ફિલ્મ બૉબી માટે કામ કર્યુ. ઋષિ કપૂર સાથે કરેલી પહેલી ફિલ્મ બૉબી માટે ડિમ્પલને ફિલ્મફેર બેસ્ટ એક્ટર ફિમેલનો એવોર્ડ મળ્યો.
પહેલી રિલીઝ પહેલા જ લગ્ન:
ડિમ્પલ કાપડિયા તે દિવસોમાં ઇન્ડસ્ટ્રીના અને કાકાના નામથી ફેમસ એવા રાજેશ ખન્નાની ફેન હતી. ફિલ્મ બૉબી દરમિયાન ડિમ્પલના ઋષિ કપૂર સાથેના સંબંધોને લઇને ચર્ચા થઇ હતી. આ દરમિયાન રાજેશ ખન્ના અને અંજૂ મહેન્દ્રના બ્રેકઅપના સમાચાર સામે આવ્યા. આ પછી બૉબીના સેટ પર રાજેશ ખન્નાની મુલાકાત ડિમ્પલ કાપડિયાની સાથે થઇ. રાજેશ ખન્નાએ ડિમ્પલને લગ્ન માટે પ્રપોઝ કર્યુ. 1973માં માત્ર 16 વર્ષની ઉંમરમાં ડિમ્પલે લગ્ન કર્યા પોતાનાથી 15 વર્ષ મોટા રાજેશ ખન્ના સાથે. લગ્ન પછી ડિમ્પલે ફિલ્મ બૉબીની બાકી રહેલી શૂટિંગ પૂરી કરી.
લગ્નના થોડા વર્ષોમાં થયા અલગ:
લગ્ન પછી રાજેશ ખન્નાના કહેવા પર ડિમ્પલ કાપડિયાએ ફિલ્મો માટે કામ કરવાનું બંધ કરી દીધુ. આ પછી ડિમ્પલે 2 દિકરી ટ્વિકંલ અને રિન્કીને જન્મ આપ્યો. રાજેશ ખન્નાએ જ્યારે ડિમ્પલને વધારે રોકવાનો પ્રયત્ન કર્યો તો તેમના લગ્ન વધારે દિવસો સુધી ના ચાલ્યા. લગ્નના થોડા વર્ષો પછી 1982માં અલગ થવાનો નિર્ણય કર્યો. ડિમ્પલ પોતાની બંને દિકરીઓ ટ્વિંકલ અને રિન્કી સાથે રાજેશ ખન્નાથી અલગ થઇ ગયા.
સ્વતંત્રતા માટે થયા અલગ:
રાજેશ ખન્નાથી ડિમ્પલ કાપડિયા અલગ થવાનું કારણ વ્યકિતગત સ્વતંત્રતા હતી. અલગ થયા પછી એક ઇન્ટરવ્યૂ દરમિયાન હુ અને મારી દિકરી કોઇ એવા માહોલમાં નથી રહી શકતા જ્યાં વિચારોની સ્વતંત્રતા ના હોય.
પરત ફરતા જ સુપરહિટ ફિલ્મ આપી:
રાજેશ ખન્નાથી અલગ થયા પછી ડિમ્પલ ફરી એક વખત ફિલ્મોમાં આવ્યા. 1985માં ડિમ્પલ ફિલ્મ સાગર ફરી એક વખત ઋષિ કપૂર સાથે જોવા મળ્યા. આ ફિલ્મમાં ડિમ્પલ એક અલગ અવતારમાં જોવા મળ્યા, બિકીની પહેરી હતી. આ ફિલ્મ પછી ડિમ્પલની પાસે જાંબાઝ, દ્રષ્ટિ, ઇન્સાફ, રામ લખન અને પ્રહાર જેવી ફિલ્મોમાં કામ કર્યુ.
એક અનોખી પ્રેમ કથા:
મોટા સ્ક્રિન પર પરત ફર્યા પછી ડિમ્પલની સરખામણી શ્રીદેવી, જયપ્રદા અને હેમા માલિની જેવી એક્ટ્રેસ સાથે થવા લાગી. આ વચ્ચે ડિમ્પલ કાપડિયાએ સની દેઓલ સાથે આગ કી ગોલા, મંજિલ મંજિલ, ગુનાહ અને અર્જૂન જેવી ઘણી ફિલ્મો કરી. ડિમ્પલ અને સની બંને પરણેલા હતા પરંતુ બંને એક નવી પ્રેમ કથા લખી દીધી. સની દેઓલની ફિલ્મોના લોકેશન પર ડિમ્પલ કાપડિયા રહેતા. જોકે બંને એક સમયે એકબીજાથી અલગ થઇ ગયા અને ક્યારેય પ્રેમને સાર્વજનિક ના કર્યો.
એવોર્ડ પણ ઘણા મળ્યા:
70ના દાયકાથી ડિમ્પલને ઘણા ફિલ્મફેર અને નેશનલ એવોર્ડ મળ્યા. ડિમ્પલને પોતાની પહેલી ફિલ્મ બૉબી માટે ફિલ્મફેર બેસ્ટ એક્ટરનો એવોર્ડ મળ્યો. 1985 ફિલ્મ સાગર માટે ડિમ્પલને ફિલ્મફેર બેસ્ટ એક્ટર ફિમેલનો એવોર્ડ મળ્યો. 1993માં ફિલ્મ રૂદાલીના ફરી ફિલ્મફેર બેસ્ટ એક્ટર ફિમેલનો એવોર્ડ મળ્યો. 1994માં આવેલી ફિલ્મ ક્રાતિવીર માટે ફિલ્મફેમ બેસ્ટ સપોર્ટિંગ એક્ટર ફિમેલનો એવોર્ડ મળ્યો. આ સાથે જ ફિલ્મ રૂદાલી માટે બેસ્ટ એક્ટ્રેસનો નેશનલ એવોર્ડ મળ્યો.