મેષ
આ વર્ષે તમે શરૂઆત સારી કરશો. પ્રોફેશનલ મોરચે પ્રગતિની આશા રાખી શકો છો. આ વર્ષમાં તમે પોતાનાં કાર્યોમાં વધુ સ્થિરતા લાવવાનો પ્રયાસ કરશો. દેશાવર કાર્યો અને સંપર્કો શરૂઆતમાં વધશે. સંબંધોમાં તમે વધુ સારી રીતે આગળ વધશો. આ વર્ષમાં ખાસ કરીને મિત્રો સાથે સંપર્કો ઓછા રહે, પરંતુ જીવનસાથી અથવા પ્રિયપાત્ર સાથેની નિકટતા જળવાશે. એપ્રિલથી જુલાઈ દરમિયાન તમારી વાણીમાં કલાત્મકતા વધશે. સપ્ટેમ્બર મહિના પછી તમારી આવકમાં થોડી અનિશ્ચિતતા ઊભી થઈ શકે છે, માટે વર્ષના ઉત્તરાર્ધમાં તમારે નાણાકીય બાબતોમાં સાચવવું પડશે.
નાણાં અને આર્થિક બાબતો
પ્રારંભિક મહિનામાં આવક બાબતે થોડી ચિંતા રહે, પરંતુ આ સમય ખૂબ ટૂંકો છે. નવેમ્બરના અંતથી જ તમારી આર્થિક સ્થિતિમાં ઉન્નતિ આવશે. વર્ષના મધ્યમાં તમે એક કરતાં વધુ સ્રોતથી કમાણી કરો તેવી સંભાવના છે.
વ્યવસાય અને કારકિર્દી
આ વર્ષમાં ભાગીદારીનાં કાર્યોમાં ફાયદો થઈ શકે છે. નોકરિયાતોને પણ ઉન્નતિની સારી તકો મળે. જાન્યુઆરીથી તમારે કામકાજમાં થોડી મહેનત વધારવી પડશે, પરંતુ કોઈ મોટી પરેશાનીની શક્યતા ઓછી છે. નવું સાહસ ખેડવામાં આંધળી દોટ ના મૂકતા.
સ્વાસ્થ્ય
સ્વાસ્થ્ય બાબતે આ વર્ષમાં ખાવાપીવામાં નિયંત્રણ રાખશો તો ખાસ ચિંતાજનક સમય નથી. જાન્યુઆરી અને જૂન મહિનામાં ખાસ કરીને સ્નાયુઓમાં દુખાવો અથવા લોહીના પરિભ્રમણને લગતી ફરિયાદો થઈ શકે છે.
વૃષભ
વર્ષની શરૂઆત આપના માટે સામાન્ય રહે, પરંતુ જેમ સમય વીતશે તેમ સંજોગો તમારી તરફેણમાં આવશે. વ્યવસાયમાં ભાગીદારો સાથે બોલવામાં થોડું સાચવવું. ખાસ કરીને છેલ્લા બે મહિનામાં નવા કરાર ટાળવા. આ સમયમાં પ્રિયપાત્ર કે જીવનસાથી સાથેના વ્યવહારમાં પણ પરિવર્તન આવી શકે છે. એપ્રિલથી જુલાઈ દરમિયાન તમારા વિજાતીય સંબંધોમાં નિકટતા વધશે. આ સમયમાં પરિધાન, આભૂષણો, મોજશોખની ચીજો વગેરેમાં ખર્ચ-ખરીદીની શક્યતા છે.
નાણાં અને આર્થિક બાબતો
આર્થિક બાબતોમાં અત્યારે થોડા આયોજનપૂર્વક ચાલવું પડશે, કારણ કે મર્યાદિત આવકમાં વધુ ખર્ચને પહોંચી વળવાનું છે. છેલ્લા ચરણમાં તમારી સ્થિતિમાં સુધારો આવશે. ઓગસ્ટ પછી શક્ય હોય ત્યાં સુધી બીજાને ઉધાર આપવાનું ટાળજો.
વ્યવસાય અને કારકિર્દી
શરૂઆતનો સમય નોકરિયાતો માટે બહેતર ફળદાયી જણાઈ રહ્યો છે. જાન્યુઆરીના અંત પછી ખાસ કરીને આયાત-નિકાસનાં કાર્યો અથવા દૂરના અંતરનાં કાર્યોમાં વિલંબ થઈ શકે છે. કોમ્યુનિકેશન, સેલ્સ, શિક્ષણ વગેરેમાં સાચવવું પડશે અને ગ્રાહકોને સંભાળવા માટે વધુ પ્રયાસ કરવા પડશે.
સ્વાસ્થ્ય
આ વર્ષમાં તમારા સ્વાસ્થ્યમાં ચડાવ-ઉતારની શક્યતા વધુ રહેશે. ખાસ કરીને સપ્ટેમ્બર મહિના સુધી સ્વાસ્થ્ય બાબતે ગાફેલ ના રહેવું, અન્યથા કોઈ નાની સમસ્યા મોટું રૂપ લઈ શકે છે. માર્ચના અંત સુધી જંતુ કરડવાથી તકલીફ થાય અથવા મચ્છરજન્ય રોગ થાય તેવી શક્યતા રહેશે.
મિથુન
આ વર્ષ પોતાની જાત માટે બહુ આશાસ્પદ ના ગણી શકાય, કારણ કે તમે આર્થિક, કારકિર્દી, સંબંધો સહિત ઘણી બાબતમાં ખોટી ભ્રમણાઓ, બિનજરૂરી વિચારોમાં ડૂબેલા રહેવાથી વાસ્તવિક સ્થિતિનો ખ્યાલ નહીં આવે. આથી શક્ય હોય એટલી વધુ સ્પષ્ટતા અને પારદર્શકતા રાખવી. નવાં કાર્યોની શરૂઆત કરવામાં સારા-નરસા પાસાનો વિચાર કરવો. કામકાજના સ્થળે અથવા સરકારી વિભાગોમાં શક્ય હોય ત્યાં સુધી અધિકારી વર્ગ અને વગદાર લોકો સાથે દલીલબાજી ટાળવી. કાયદા વિરોધી કાર્યોથી દૂર રહેવું. વર્ષના મધ્યમાં તમે એશો-આરામના જીવન તરફ વધુ ખેંચાશો, જેમાં અતિશય ખર્ચની શક્યતા હોવાથી ખર્ચને અંકુશમાં રાખજો.
નાણાં અને આર્થિક બાબતો
આર્થિક બાબતે આ વર્ષમાં તમારી સ્થિતિ સતત બદલાશે, પરંતુ વ્યાપક વિચાર કરવામાં આવે તો આર્થિક લાભની તકો વધુ મળશે. શરૂઆતમાં અચાનક ધનપ્રાિપ્તના યોગ પણ બનશે. પરિવાર અને પ્રિયપાત્રની ખુશી માટે તમે કોઈ મોટી ખરીદીમાં ખર્ચ કરો તેવી સંભાવના છે.
વ્યવસાય અને કારકિર્દી
પ્રોફેશનલ મોરચે શરૂઆત થોડી ધીમી થશે. કામકાજ કે નોકરીમાં ફેરફારનું વિચારી રહ્યા હો તો તેને વધુ મહત્ત્વ ના આપશો, કારણ કે સ્થિતિ ભ્રામક હોઈ શકે છે.
સ્વાસ્થ્ય
સ્વાસ્થ્ય બાબતે શરૂઆત સારી છે, પરંતુ જાન્યુઆરી અને ફેબ્રુઆરી દરમિયાન થોડું સંભાળવું. ભોજનની અતિશયોક્તિ ટાળવી. માર્ચ મહિનાની આસપાસમાં પગના સ્નાયુઓ-સાંધામાં દુખાવા ઉપરાંત ગરમીજન્ય તકલીફ થઈ શકે છે.
કર્ક
આ વર્ષ સંઘર્ષની સાથે સુખદ અનુભવ કરાવનારું રહેશે. નોકરિયાતોના કામકાજ અથવા સ્થળમાં ફેરફાર થઈ શકે છે, પરંતુ તેનાથી લાંબા ગાળે ફાયદો થશે. અત્યાર સુધી પ્રોફેશનલ મોરચે આવતા વિલંબ અને કામના ભારણમાં જાન્યુઆરી પછી રાહત થશે. સંબંધો માટે સમય સારો છે, માટે એકબીજાનો સંગાથ માણી શકશો. વર્ષના મધ્ય ચરણમાં તમે પ્રેમસંબંધોમાં સૌથી વધુ મગ્ન રહેશો. ધાર્મિક બાબતોમાં ખર્ચની સંભાવના નકારી શકાય નહીં. સપ્ટેમ્બર મહિના સુધી શક્ય હોય તો બીજાને નાણાં ઉધાર આપવાં નહીં તેમજ ઉધારી કે દેવું કરવું નહીં. સ્વાસ્થ્ય સુખાકારીમાં ગાફેલ નહીં રહો તો એકંદરે સારી રીતે સમય પસાર થશે.
નાણાં અને આર્થિક બાબતો
આ વર્ષમાં તમારી આવકમાં વધારો થશે, પરંતુ ક્યાંય ઉધારી લેવાનું અથવા કોઈને ઉધાર આપવાનું ટાળજો. વર્ષના મધ્ય ચરણમાં પ્રિયપાત્ર, સંતાનો માટે ખર્ચ વધવાની શક્યતા છે. મ્યુચ્યુઅલ ફંડ, સોના-ચાંદી, સ્થાવર મિલકતો સહિત સુરક્ષિત રોકાણમાં અત્યારે નાણાં રોકી શકો છો.
વ્યવસાય અને કારકિર્દી
નોકરિયાતોને આ વર્ષમાં ફેરફારની શક્યતા રહેશે, માટે તેને સહર્ષ અપનાવવાની સલાહ છે, જેઓ નોકરી બદલવા માગે છે તેમના માટે તકો સામે આવશે. નોકરીમાં તમે બૌદ્ધિકતા અને તર્કશક્તિથી સારું પર્ફોર્મન્સ આપી શકશો.
સ્વાસ્થ્ય
સ્વાસ્થ્ય બાબતે આ વર્ષમાં સંભાળવાની જરૂર છે. જો બેદરકારી રાખશો તો નાની સમસ્યા પણ ગંભીર રૂપ લઈ શકે છે. ડાયાબિટીસ અને તેને લગતી ફરિયાદ વધી શકે છે. પાચન અથવા પેટને લગતી કોઈ પણ સમસ્યા વધી શકે છે. વર્ષાંતના ચરણમાં સંતાનપ્રાિપ્ત અથવા સંતાનના સ્વાસ્થ્યને લગતી ફરિયાદ તમને વધુ બેચેન કરી શકે છે.
સિંહ
આ વર્ષ તમારા માટે ઉત્સાહ અને ઉમંગ લઈને આવ્યું છે. છેલ્લા કેટલાક સમયથી તમે સંબંધોમાં નિરસતા અને અનિશ્ચિતતાનો સામનો કરી રહ્યા હશો તો શરૂઆતમાં થોડી રાહત મળશે અને જાન્યુઆરીના અંત પછી મોટા ભાગે તમે સુનિશ્ચિત થઈ જશો. આ વર્ષમાં તમે પોતાનાં કાર્યોમાંથી ઘણું નવું શીખશો. જીવનશૈલી વધુ ઉન્નત બનાવવા માટે પણ ખર્ચ થવાની શક્યતા છે. વ્યાવસાયિક હેતુથી પ્રોપર્ટી ખરીદવાનું શક્ય બની શકે છે. વર્ષના મધ્યમાં તમે કામકાજમાં નવીન વિચારશૈલી સાથે આગળ વધી શકશો. વિદ્યાર્થી જાતકોએ શરૂઆતમાં વધુ મહેનત કરવાની તૈયારી રાખવી પડશે. જાન્યુઆરી પછી તેમાં રાહત મળે, પરંતુ તે છતાંય તમારા માટે સાવ સરળ માર્ગ નથી. જાન્યુઆરીના અંત પછી સ્વાસ્થ્યને લગતી કેટલીક તકલીફો માથું ઊંચકી શકે છે. આ વર્ષમાં નિયમો અને કાયદા તૂટે તેવાં કોઈ પણ કાર્યોથી દૂર રહેવું.
નાણાં અને આર્થિક બાબતો
આર્થિક બાબતે આ વર્ષમાં બહુ ચિંતા જેવું નથી. તમે પ્રોપર્ટીમાં રોકાણ કરો તેવી પણ શક્યતા બનશે. વર્ષના મધ્યમાં હરવા-ફરવા સંબંધિત ખર્ચ થવાની શક્યતા છે. રોજિંદી આવકનાં સ્રોતમાં ફેબ્રુઆરીથી આવક થોડી ધીમી થાય, પરંતુ અન્ય માધ્યમથી થતા લાભ વધી જશે.
વ્યવસાય અને કારકિર્દી
પ્રોફેશનલ મોરચે આ વર્ષ પ્રગતિદાયક જણાઈ રહ્યું છે. નોકરિયાતોને સારી તકો મળી શકે છે, પરંતુ ખાસ કરીને ફેબ્રુઆરીથી વર્ષાંત સુધી થોડો પરિશ્રમ વધારવાની તૈયારી રાખવી. એપ્રિલથી જુલાઈના અંત સુધી કામકાજમાં નવીનતા અને નવી વિચારસરણી તમને સફળતાનાં શિખરો સર કરાવી શકે છે.
સ્વાસ્થ્ય
આ વર્ષની શરૂઆતમાં તમને સ્વાસ્થ્યને લગતી મોટી સમસ્યા જણાતી નથી, પરંતુ ફેબ્રુઆરીથી વર્ષાંત સુધી ઋતુગત બીમારીઓ સામે સંભાળવાની સલાહ છે. આ ઉપરાંત શારીરિક નબળાઈ, જૂનો રોગ ફરી થવો, ડાયાબિટીસ વગેરેની ફરિયાદો હોય તેમણે સાચવવું.
કન્યા
આ વર્ષ તમારા માટે કેટલીક સફળતા-આશાઓ સાથે આવ્યું છે. આર્થિક પ્રગતિની શક્યતા છે, પરંતુ પારિવારિક સંબંધોમાં સાચવવું પડશે. તમારે સંબંધો નિભાવવા માટે વધુ પ્રયાસ પણ કરવા પડશે. સામા પક્ષે કામકાજમાં થોડી હરીફાઈનો સામનો કરવાની તૈયારી રાખજો. પરિવારમાં કોઈ પણ વ્યક્તિ સાથે ચર્ચા કે વર્તનમાં ગેરસમજ ટાળવી પડશે. ફેબ્રુઆરી પછી પ્રેમસંબંધોમાં ગતિ થોડી ધીમી પડશે. વિવાહિતોને જાેકે ખાસ વાંધો નહીં આવે. વિદ્યાર્થી જાતકો શરૂઆત સારી કરશે. તમને અભ્યાસમાં રુચિ ઓછી હોવા છતાં અથવા થોડી અનિશ્ચિતતા લાગવા છતાં આગળ વધો, પરંતુ ફેબ્રુઆરીથી વર્ષાંત સુધીના સમયમાં વધુ પરિશ્રમ કરવો પડશે. સ્વાસ્થ્ય બાબતે આ વર્ષમાં ચિંતા જેવું નથી, પરંતુ કામનું ભારણ રહેવાથી કામની સાથે-સાથે પૂરતા આરામ-સંતુલિત ભોજનનો આગ્રહ રાખવો. મેડિટેશન-નિયમિત કસરત આપના માટે શ્રેષ્ઠ રહેશે.
નાણાં અને આર્થિક બાબતો
આર્થિક બાબતે આ વર્ષ આપના માટે બહેતર છે. જૂની આર્થિક પરેશાનીઓ અથવા લાંબા સમયથી વિલંબમાં પડેલી ઉઘરાણીઓ આ સમયમાં ઉકેલવાથી તમારી સ્થિતિ બહેતર થશે. જમીન-મિલકતને લગતાં કાર્યોમાંથી પણ તમને નાણાકીય ફાયદો થવાની શક્યતા છે.
વ્યવસાય અને કારકિર્દી
પ્રોફેશનલ મોરચે આ વર્ષની શરૂઆત એકંદરે સારી છે, પરંતુ આખા વર્ષ દરમિયાન તમારે હરીફો-સ્પર્ધાત્મક સ્થિતિનો સામનો કરવાની તૈયારી રાખવી પડશે. ખાસ કરી જાન્યુઆરીના અંત પછીના તબક્કામાં ઝડપથી કમાણી થતી હોય તેવા કામકાજમાં વિલંબ થઈ શકે છે.
સ્વાસ્થ્ય
આ વર્ષમાં આપની તંદુરસ્તી જળવાઈ રહેશે. શરૂઆતના ત્રણથી ચાર મહિનામાં શરદી-કફ, ઉધરસ-તાવ જેવી નાની-નાની સમસ્યાઓ પરેશાન કરી શકે છે, પરંતુ ફેબ્રુઆરી પછીના તબક્કામાં તેમાંથી પણ રાહત મળવાની શક્યતા છે.
તુલા
આ વર્ષમાં તમારી મહેનત રંગ લાવશે. કારકિર્દી, અભ્યાસ, આર્થિક ઉન્નતિ, સંબંધો, સમાજ સહિત કોઈ પણ ક્ષેત્રમાં અત્યાર સુધી આગળ વધવા માટે અથવા પોતાની નવી ઓળખ બનાવવા માટે જે પ્રયાસો કર્યા હોય તેનું અત્યારે ફળ મળી શકે છે. શરૂઆતના ચરણમાં કદાચ મુસાફરીમાં થોડી તકલીફ થઈ શકે છે, માટે પ્રવાસ ટાળવો. જાન્યુઆરીના અંત પછી સ્થિતિમાં બહેતર સુધારો આવશે. આર્થિક મોરચે ખાસ ચિંતા જેવું નથી. પ્રથમ મહિનામાં કેટલાક ખર્ચને બાદ કરતાં મોટા ભાગે આવક જળવાઈ રહેશે.
નાણાં અને આર્થિક બાબતો
આર્થિક બાબતે વર્ષની શરૂઆત સારી છે, પરંતુ ખાસ કરીને કોઈ પણ આર્થિક વ્યવહારમાં પારદર્શકતા રાખવી અને રોકાણ અથવા મોટી ખરીદીને લગતા નિર્ણયમાં સાચવવું.
વ્યવસાય અને કારકિર્દી
આ વર્ષમાં તમે કામકાજમાં વિસ્તરણ અને નવી શરૂઆતમાં સતર્ક રહેજો, જાેકે તમારાં વર્તમાન કાર્યોને સારી રીતે ટકાવી રાખવામાં વાંધો નહીં આવે. લાંબા અંતરના સ્થળે થતાં કાર્ય અથવા આયાત-નિકાસનાં કાર્યમાં સફળતા મળી શકે છે.
સ્વાસ્થ્ય
આ વર્ષમાં જો તમે નકારાત્મકતા દૂર રાખશો તો મોટા ભાગના સમયમાં સારું સ્વાસ્થ્ય માણી શકશો. જેમને વારંવાર મુસાફરી કરવી પડતી હોય તેમણે શરૂઆતના ત્રણ મહિના સાચવવું પડશે. ફેબ્રુઆરી પછીના તબક્કામાં ખાસ કરીને ભારે કફ, ઉધરસ, છાતીમાં સામાન્ય દુખાવો વગેરે થઈ શકે છે. એપ્રિલથી જુલાઈ દરમિયાન ત્વચાને લગતી ફરિયાદો અને એલર્જીની શક્યતા છે.
વૃશ્વિક
આ વર્ષમાં તમે મોટા ભાગની બાબતોમાં અધૂરાં કાર્યો પાર પાડીને રાહતનો શ્વાસ લેશો. અટકેલાં કાર્યોનો ઉકેલ આવવાથી તમને નવા આયોજન માટે દિશા સૂઝશે. તમને વારંવાર વૈભવી જીવન જીવવાનો તેમજ મોંઘી ચીજા લેવાનો શોખ થશે. નકારાત્મક તબક્કામાંથી તમે સારી દિશામાં આગળ વધશો, જેથી દરેક કાર્યોમાં અને જીવન પ્રત્યે આત્મવિશ્વાસ જાગશે, જોકે એક વાતનું ધ્યાન રાખજો કે તમારે અતિઆત્મવિશ્વાસમાં નથી આવવાનું, અન્યથા મુશ્કેલીમાં મુકાશો. છેલ્લા ત્રણ મહિનામાં ભાગીદારીનાં કાર્યોમાં સાચવજો.
નાણાં અને આર્થિક બાબતો
વર્ષની શરૂઆતમાં તમારા હાથમાં નાણાં રહેશે અને આર્થિક આયોજન સારી રીતે કરી શકશો, પરંતુ વ્યાપક ચિત્ર જોવામાં આવે તો અત્યારે તમારી આવકમાં અનિશ્ચિતતા વધુ રહેવાથી ખર્ચનું પૂર્વ આયોજન કરવાની ખાસ સલાહ છે.
વ્યવસાય અને કારકિર્દી
કારકિર્દીની દૃષ્ટિએ સમય સારો જણાઈ રહ્યો છે. તમે અધૂરાં કાર્યો પાર પાડીને નવી વિચારસરણી અને નવી દિશા સાથે પ્રગતિના નવા માર્ગ પર આગળ વધવાનું વિચારશો. જાન્યુઆરી સુધીનો તબક્કો તમને આર્થિક ખેંચતાણના કારણે થોડો પરેશાન કરશે.
સ્વાસ્થ્ય
આ વર્ષમાં શરૂઆતના બે મહિનામાં ઉતાવળે ઈજા ન થાય તેનું ધ્યાન રાખવું. તમારી ઊર્જાનો યોગ્ય દિશામાં ઉપયોગ કરશો તો ઉત્તમ ફળ મેળવી શકશો. નાક-કાન-ગળાને લગતી ફરિયાદ અથવા ખભાના સ્નાયુઓમાં દુખાવો, મોંને લગતી ફરિયાદ જાન્યુઆરીના અંત સુધી વધુ રહેશે.
ધન
આ વર્ષ આપના માટે મિશ્ર ફળદાયી જણાઈ રહ્યું છે. કહીં ખુશી કહીં ગમની સ્થિતિ હોવાથી તમારે દરેક મોરચે સંતુલન રાખીને આગળ વધવું પડશે. કામકાજમાં તમને ક્યાંક નિરસતા આવશે તો ક્યાંક થાક પણ લાગશે. સંબંધોમાં પણ એકબીજા પર વધુ વિશ્વાસ મૂકવો પડશે અને ક્યારેક નમતું જોખવાની નીતિ રાખવી પડશે. શરૂઆતમાં બિનજરૂરી અથવા મોજશોખ પાછળ ખર્ચની શક્યતા છે. ફેબ્રુઆરી મહિનાથી તમારી આવકની ગતિ ધીમી થાય અથવા જ્યાંથી નાણાં આવવાનાં હોય તેમાં વિલંબ થઈ શકે છે.
નાણાં અને આર્થિક બાબતો
આર્થિક બાબતે આ વર્ષની શરૂઆત સારી છે, પરંતુ બિનજરૂરી અને મોજશોખને લગતા ખર્ચ થશે. પૈતૃક મિલકતોથી થોડા લાભ મળવાની શક્યતા પણ છે. જાન્યુઆરી અને ફેબ્રુઆરીમાં કેટલાક અણધાર્યા ખર્ચ આવી શકે છે.
વ્યવસાય અને કારકિર્દી
પ્રોફેશનલ મોરચે આ સપ્તાહની શરૂઆતમાં તમે ઉત્સાહ સાથે આગળ વધશો અને કેટલાક મહત્ત્વનાં કાર્યો પાર પાડી શકો, પરંતુ નિર્ણય લેવામાં સાચવવું. આ ઉપરાંત આખું વર્ષ ભાગીદારીનાં કાર્ય અને ટીમવર્કમાં કામ થતું હોય તેવા પ્રોજેક્ટમાં બીજાના ભરોસે રહેવું નહીં.
સ્વાસ્થ્ય
સ્વાસ્થ્યની દૃષ્ટિએ આ વર્ષ સામાન્ય રહેશે. શરૂઆતમાં તમે ઊર્જાવાન રહેશો. જાન્યુઆરી મહિનાના અંતિમ ચરણમાં ખભામાં દુખાવો, ગરદનમાં સમસ્યા અથવા મોંને લગતી ફરિયાદ થઈ શકે છે.
મકર
મકર જાતકો માટે આ વર્ષ એકંદરે સારું રહેશે. તમને અવારનવાર પ્રગતિની તકો મળશે. પ્રોફેશનલ મોરચે તમે મોટા ટાર્ગેટ હાંસલ કરી શકશો. નોકરિયાતોને પણ ઉપરીઓ તરફથી બહેતર સહકાર મળે અને નવી તકો મળી શકે છે. અંગત જીવનમાં કેટલાક ચડાવ-ઉતાર રહેશે, પરંતુ સમાધાનકારી વલણ રાખવાથી તમે સંબંધોમાં સંતુલન જાળવી શકશો. કારકિર્દી બાબતે પરિવારના વડીલોનું માર્ગદર્શન લઈને તમે તેમનાં દિલ જીતી શકશો. પ્રોફેશનલ મોરચે માર્ચથી મે મહિના દરમિયાન સારી તક મળવાની આશા રાખી શકો છો.
નાણાં અને આર્થિક બાબતો
આ વર્ષમાં તમારી આર્થિક સ્થિતિ સારી રહેવાથી ખર્ચમાં પાછા નહીં પડો અને તમારી જીવનશૈલી પણ વધુ ઉન્નત થશે. એપ્રિલ અને મે દરમિયાન તમારી આર્થિક સ્થિતિ સામાન્ય રહેશે, માટે આ સમયમાં જો કોઈ ખર્ચનું આયોજન હોય તો અગાઉથી જોગવાઈ કરવી.
વ્યવસાય અને કારકિર્દી
આ વર્ષમાં વ્યવસાયમાં તમે મોટું આયોજન કરવાના બદલે વર્તમાન કાર્યોમાં તમારું સ્થાન વધુ મજબૂત બનાવવા પર ધ્યાન આપજાે, તેનાથી તમારી જાહેર પ્રતિષ્ઠા વધશે અને ક્લાયન્ટની જરૂરિયાતોને વધુ સારી રીતે પારખીને ભાવિ આયોજનનો તખ્તો તૈયાર કરી શકશો. નોકરિયાતોને પણ સારી તકો મળી શકે છે, જાેકે ત્યારે તમારા કામ પ્રત્યે સમર્પણ જાળવી રાખવું જરૂરી છે.
સ્વાસ્થ્ય
વર્ષની શરૂઆતમાં તમે સ્વાસ્થ્ય સુખાકારી માણી શકશો. સંતુલિત જીવનશૈલી તમને આખું વર્ષ સ્વસ્થ રાખશે, પરંતુ બદલાતી ઋતુની વિપરીત અસર ના પડે તે માટે શક્ય હોય ત્યાં સુધી મેડિટેશન, નિયમિત કસરત અને ખાવા-પીવાની આદતોમાં નિયમિતતા લાવવાની સલાહ છે. સપ્ટેમ્બર પછી એલર્જીની ફરિયાદ થઈ શકે છે.
કુંભ
આ વર્ષ પડકારો, સંઘર્ષ, મહેનત અને સફળતાનું મિશ્રણ લઈને આવશે. પ્રેમસંબંધોમાં આખું વર્ષ તમારે સાચવવાનું છે. છેલ્લા બે મહિનામાં થોડી રાહત થાય, પરંતુ આ ચરણમાં પરિવાર સાથે કોઈ પણ પ્રકારે તણાવ ના થાય તેનું ધ્યાન રાખવું. સ્વાસ્થ્ય બાબતે કોઈ પણ બેદરકારી ન રાખવાની સલાહ છે. પ્રોફેશનલ મોરચે કેટલાક પડકારોનો સામનો કરવાની તૈયારી રાખવી પડશે. શરૂઆતમાં ખાસ કરીને ટૅક્નિકલ કાર્યોમાં તમે પાછા પડો તેવી સંભાવના છે, જાેકે તે પછી જાન્યુઆરીના અંત સુધીનો તબક્કો આશાસ્પદ બની રહેશે.
નાણાં અને આર્થિક બાબતો
આર્થિક મોરચે આ વર્ષમાં આમ તો વાંધો નથી, પરંતુ તમને અગાઉથી જે લાભ મળવાના છે તેમાં જાન્યુઆરી સુધી વિલંબની શક્યતા નકારી શકાય નહીં. શરૂઆતમાં વાહન, સ્થાવર મિલકતો, મશીનરી, ઇલેક્ટ્રોનિક ચીજો વગેરેમાં ખર્ચ થઈ શકે છે. નોકરિયાતોને વર્ષના અંતિમ ચરણમાં આર્થિક લાભ થવાની શક્યતા વધશે. સપ્ટેમ્બર મહિના પછી તમે લાંબા ગાળાનું રોકાણ કરી શકશો.
વ્યવસાય અને કારકિર્દી
પ્રોફેશનલ મોરચે તમે ઘણી સારી શરૂઆત કરશો. દેશાવર કાર્યોમાં પણ ફાયદો થશે. તમે શરૂઆતમાં જ તમારો પ્રોફેશનલ બેઝ મજબૂત કરવા પર ધ્યાન આપશો, જેના કારણે કેટલાક ખર્ચ થઈ શકે છે, પરંતુ તેનાથી લાંબા ગાળે સારો ફાયદો થશે.
સ્વાસ્થ્ય
આ વર્ષમાં તમારું સ્વાસ્થ્ય એકંદરે જળવાઈ રહેશે, પરંતુ ડાયાબિટીસના દર્દીઓએ સાચવવું પડશે. આ ઉપરાંત ફેબ્રુઆરી પછીના ચરણમાં શરીરની નબળાઈ, હાડકાંને લગતી ફરિયાદ થઈ શકે છે. સંતાનપ્રાપ્તિને લગતી સમસ્યા હોય તો આ વર્ષના અંતિમ બે મહિનામાં સ્થિતિમાં સુધારો આવી શકે છે. આ વર્ષમાં તમારે ખાસ કરીને તેલવાળું ભોજન લેવાનું ટાળવું પડશે.
મીન
આ વર્ષ આપના માટે વિવિધ મોરચે મહત્ત્વપૂર્ણ બની રહેશે. નોકરી અને વ્યવસાયમાં પ્રગતિ થશે, પરંતુ તમને આખું વર્ષ કામકાજમાં ધરમૂળથી ફેરફાર કરવાના વિચારો આવશે. આનો અમલ કરવામાં સાવચેતી રાખવી. તમે કોઈ પણ લક્ષ્યને પૂર્ણ કરવા માટે તનતોડ મહેનત કરવામાં પાછા નહીં પડો. પારિવારિક સંબંધો અને ખાસ કરીને માતા સાથેના વ્યવહારમાં સાચવવું પડશે. આપ્તજનો સાથે ગેરસમજ થવાની શક્યતા વધુ રહેશે. પ્રેમસંબંધોમાં ખાસ વાંધો નહીં આવે, પરંતુ જાન્યુઆરીના અંત પછી તમારા સંબંધો થોડા ધીમી ગતિએ આગળ વધે તેવી શક્યતા છે.
નાણાં અને આર્થિક બાબતો
આ વર્ષમાં તમે આર્થિક સંપદા મેળવવા માટે ઘણા પ્રયાસો કરશો અને તેનું ફળ પણ મળશે, પરંતુ સાથે-સાથે પરિવાર, સંતાનો અને પ્રિયપાત્ર માટે વધુ ખર્ચની શક્યતા પણ છે. શરૂઆતમાં ભાગ્યનો સાથ સારો મળે.
વ્યવસાય અને કારકિર્દી
પ્રોફેશનલ મોરચે આ વર્ષમાં તમારે થોડું સંભાળવાનું છે. તમે પોતાની સૂઝ અને ઉત્સાહથી આગળ તો વધશો, પરંતુ ઝડપથી ફેરફાર કરવા અથવા મોટું લક્ષ્ય હાંસલ કરવા માટે વર્તમાન સ્થિતિમાં પરિવર્તન લાવવાના વિચારો આવશે, જે ક્યારેય જોખમી સાબિત થઈ શકે છે. શક્ય હોય ત્યાં સુધી અત્યારે તમારી પ્રોડક્ટ અથવા સર્વિસની ગુણવત્તામાં ક્યાંય બાંધછોડ કરવી નહીં. અંતિમ ચરણમાં તમને થોડી આળસ આવશે.
સ્વાસ્થ્ય
આ વર્ષમાં તમારા માટે સ્વાસ્થ્યની થોડી સંભાળ લેવી જરૂરી છે. ખાસ કરીને આ વર્ષમાં કફ, શરદી, ઉધરસ, છાતી અને ફેફસાંને લગતી કેટલીક ફરિયાદ થઈ શકે છે. આ ઉપરાંત શરૂઆતમાં બ્લડપ્રેશર, કમરમાં દુખાવો પણ થઈ શકે છે. વર્ષના મધ્યમાં ખાસ કરીને શરીરની ગરમીને લગતી ફરિયાદો થઈ શકે છે.