હવે ચોમાસાની શરૂઆત થઈ ગઈ છે. ત્યારે બજારમાં ઘણીવાર જોઈએ એવા શાક પણ મળતાં નથી. તો ગૃહણીને હમેશાં શાક શું બનાવવું તેની ચિંતા થતી હોય છે. જેથી આજે અમે તમારી આ પરેશાની દૂર કરવા પાપડનું એકદમ ઈઝી, ચટાકેદાર અને ઝટપટ બની જાય એવું ટેસ્ટી શાક જણાવીશું. આ રેસિપી તમારા ઘરમાં ચોક્કસથી બધાંને પસંદ આવશે અને નાના મોટા સૌ આંગળા ચાટતા રહી જશે. એકવાર ચોક્કસથી ટ્રાય કરજો.
સૌથી પહેલાં તવી પર સિંગલ મરી પાપડ લઈને તવી પર દબાઈને કાચાં-પાકાં શેકી લેવા. પૂરા શેકવા નહીં અને એક પાપડ ડાયરેક્ટ ગેસ પર શેકી લેવો. તેનો ઉપયોગ સર્વિંગમાં કરવાનો રહેશે. પછી એક કડાઈમાં તેલ ગરમ મૂકો. પછી તેમાં જીરું, લાલ આખાં મરચા, ચપટી હીંગ, હળદર, લીલાં મરચાં, ટામેટાની પ્યૂરી નાખીને બધું બરાબર મિક્સ કરી લો. પછી તેમાં મરચું પાઉડર, ધાણાજીરું, મીઠું નાખીને મિક્સ કરી લેવું, તેલ છૂટું પડે એટલે તેમાં અડધો કપ પાણી ઉમેરી દેવું. પછી ગેસ ફાંસ કરીને 2 મિનિટ ઉકળવા દેવું પછી તેમાં પાપડના ટુકડા કરીને નાખી દેવા અને 2 મિનિટ પછી ગેસ બંધ કરી દેવો. પછી ઉપર સમારેલી કોથમીર નાખી દેવી. તૈયાર છે પાપડનું ટેસ્ટી શાક.