રેસિપી / ઘરે કંઈ જ ના હોય તો ફટાફટ બનાવો આ તીખું તમતમતું શાક, બધાં આંગળા ચાટતા રહી જશે

સામગ્રી

1 વાટકી ઝીણાં ગાંઠિયા
2 ટામેટાની પ્યૂરી
1 નાની છીણેલી ડુંગળી
1 ચમચી લસણ અને લીલાં મરચાંની પેસ્ટ
5 ચમચી તેલ
ચપટી જીરું
ચપટી હિંગ
અડધી ચમમી હળદર
1 ચમચી ધાણાજીરું
1 ચમચી લાલ મરચું પાઉડર
અડધી ચમચી ગરમ મસાલો
4-5 કાજુ
મીઠું સ્વાદ પ્રમાણે
કોથમીર

રીત

સૌથી પહેલાં એક કડાઈમાં તેલ ગરમ મૂકો. પછી તેમાં જીરું, હિંગ, હળદર, લીલાં મરચાં લસણની પેસ્ટ, ટામેટા અને ડુંગળી બધું બરાબર સાંતળી લો. પછી તેમાં મરચું પાઉડર, ધાણાજીરું, મીઠું નાખીને મિક્સ કરી લેવું, તેલ છૂટું પડે એટલે તેમાં 2 કપ પાણી ઉમેરી દેવું. પછી ગેસ ફાંસ કરીને 2 મિનિટ ઉકળવા દેવું પછી ગેસ ધીમો કરીને ઢાંકીને થવા દેવું અને પછી તેમાં ગાંઠિયા, કાજુ અને ગરમ મસાલો નાખીને 2 મિનિટ પછી ગેસ બંધ કરી દેવો. પછી ઉપર સમારેલી કોથમીર નાખી દેવી. તૈયાર છે ગાંઠિયાનું ટેસ્ટી શાક.