પ્રેરણા / લાચારી નહી ખુદ્દારી પસંદ કરી છે આ વ્યક્તિએ, અપંગ હોવા છતા પુસ્તકો દ્વારા કરે છે કમાણી

વાત છે મુંબઇના એક અપંગ વ્યક્તિની... જેણે લાચારી અને ખુદ્દારીમાંથી ખુદ્દારીને માથે ચડાવી અને લાચારીને હંમેશા માટે અલવિદા કહી દીધુ. તે વ્યકિતનું નામ છે રાકેશ. મુંબઇના અંધેરી વિસ્તારમાં તે સેકન્ડ હેન્ડ બૂકનો સ્ટોલ ચલાવે છે. સ્ટોલના નામે તેની પાસે ફૂટપાથ છે. તેમનો એક હાથ નથી તેમ છતાં તેમણે ભીખ માંગવા કરતા કામ કરવાને મહત્વ આપ્યું છે. 

• ખુદ્દારીનુ મોટુ ઉદાહરણ
• ટ્વિટર પર થયા ટ્રેન્ડ રાકેશભાઇ
• કરે છે મનગમતુ કામ

જીવનમાં ક્યારેક એવી પરિસ્થિતિ આવે છે જ્યારે કોઇની મદદની સખત જરૂર હોય છે. મદદ, લાગણી, હૂંફ અને જરૂરીયાતને બાજુ પર મૂકીને તેમણે ખુદ્દારીને અપનાવી છે. હાલમાં જ ટ્વિટર પર કોઇએ રાકેશ ભાઇ વિષે લખ્યુ છે અને લોકલ વેન્ડરને મદદ કરવાની અપીલ કરી છે. 

Dear Booklovers,

Rakesh from Andheri runs a second hand book store, where you can rent a book for as low as Rs. 10

When asked if he makes enough, he said “People earn so they can spend money on something they want. I’m already surrounded by the one thing I’ve always wanted.” pic.twitter.com/0fWySmQRRZ

— Arwa (@arey_waah) June 9, 2020

ધ બેટર ઇન્ડિયાએ રાકેશભાઇ વિષે પોસ્ટ કરી છે અને લખ્યુ છે કે, રાકેશ 10 રૂપિયામાં બૂક રેન્ટ પર આપે છે. તો આપણે તેને મદદ કરવા માટે ત્યાંથી બૂક લઇએ અને તેની મદદ કરીએ. લોકોએ બહોળા પ્રમાણમાં આ પોસ્ટ પર રિએક્ટ કર્યુ છે અને રાકેશભાઇની મદદ કરવા માટે આગળ આવ્યા છે. 

There was a similar place in vashi also back in 2006 , That Guy knew about all books nd authors so well and will make suggestions on what to read and which author to pick !!

— Indian (@ojas_rebel) June 9, 2020

જ્યારે રાકેશભાઇને પૂછવામાં આવ્યુ કે તમે આ કામ શા માટે કરો છો, ત્યારે તેમણે કહ્યું કે, " લોકો પૈસા એટલા માટે કમાય છે કે તે એ રૂપિયાથી મનગમતી વસ્તુ ખરીદી શકે જ્યારે હું મારી મનગમતી વસ્તુ વચ્ચે જ છુ." 

રાકેશભાઇના બૂક સ્ટોરનું લોકેશન પણ આપવામાં આવ્યું છે જેથી લોકો ખૂબ જ સરળતાથી ત્યાં પહોંચી શકે. વિજય નગર, મરોલ ઓપોઝીટ હોટ ચીપ્સ, આ બૂક સ્ટોલનું પરફેક્ટ લોકેશન છે. સાથે જ ઘણા બધા લોકોએ આર્થિક મદદ માટે પણ હાથ લંબાવ્યા છે. 

કહેવાય છે કે, 2009થી રાકેશભાઇ આ કામ કરી રહ્યા છે. કેટલાક લોકોએ તેમને વૅબસાઇટ બનાવી આપવાની પણ વાત કરી છે. કોરોનાના આ સમયમાં લોકો હવે રાકેશભાઇની મદદે આવે છે તે જોવુ રહ્યું.