IPLIN
 
  • Home
  • India
  • Know the rules related to fast tag before selling the car, otherwise you will have to take the loan

FASTTAG Rules / કારને વેચતા પહેલા જાણી લેજો ફાસ્ટ ટેગ સાથે જોડાયેલા નિયમો, નહીંતર લેવાના દેવા પડશે

Team VTV 05:19 PM, 08 Nov 22
Follow us
Know the rules related to fast tag before selling the car, otherwise you will have to take the loan

સરકાર દ્વારા ટોલ ટેક્સ પરથી પસાર થતા વાહનોમાં FASTag ફરજીયાત બનાવ્યું છે. ત્યારે તમારુ વાહન અન્ય વ્યક્તિને વેચ્યા બાદ FASTag બંધ કરાવવું જરુરી છે તો તેને કેવી રીતે બંધ કરાવશો આવો જાણીએ..

  • ટોલ પ્લાઝા પરથી વાહનોની લાંબી લાઈનો ઓછી કરવા FASTag ફરજીયાત
  • તમારુ વાહન અન્ય વ્યક્તિને વેચો ત્યારે FASTag બંધ કરાવવું જોઈએ
  • વાહન વેચ્યા બાદ FASTag બંધ કરાવવું જરુરી નહિ તો અન્ય વ્યક્તિ લાભ લઈ શકે

 એક સમય હતો જ્યારે ટોલના કારણે ટોલ પ્લાઝા પર લાંબી લાઈનો લાગતી હતી. અને સમયનો પણ બગાડ હતો. આ સમસ્યાના ઉકેલ માટે ફાસ્ટેગ શરૂ કરવામાં આવ્યું હતું. ફાસ્ટેગનો ઉપયોગ કરવાની શરુઆત થઈ, ત્યારબાદ લોકોને ટોલ પર લાંબી લાઈનોમાંથી મુક્તિ મળી અને ટોલ પ્લાઝા પર ટ્રાફિક પણ ઓછો થવા લાગ્યો. લોકોના વાહન પર FASTag નું સ્ટીકર ચોક્કસ જગ્યાએ ચોંટાડવામાં આવે છે, જેના કારણે ટોલના પૈસા આપોઆપ કપાઈ જાય છે. FASTag સાથે, તમારે તમારા વાહનની બારી નીચે કરીને પૈસા ચૂકવવાની જરૂર નથી અને સમયનો પણ ઘણો બચાવ થવા લાગ્યો. 

જો સરળ ભાષામાં સમજાવવામાં આવે તો, FASTag એ એક ડિજિટલ ચુકવણીની સુવિધા છે, જેની મદદથી ટોલ પ્લાઝા પર ટોલ ચુકવણી કરવામાં આવે છે. અમે વાત કરવા જઈ રહ્યા છીએ કે જો તમે કાર વેચી દીધી હોય અને FASTag ને કેન્સલ ન કરાવ્યું હોય તો તમને નુકશાન ભોગવવાનો વારો આવી શકે છે.  તો આવો જાણીએ FASTag કેવી રીતે બંધ કરાવી શકાય છે.

FASTag બંધ કરવું શા માટે જરૂરી છે? 
FASTag એ ઓર્થોરાઈઝડ વ્યક્તિ પાસેથી તમે ખરીદી શકો છો. જે બાદ તેને બેંક સાથે લીંક કરવામાં આવે છે. ત્યારે તમે કાર વેચતા પહેલા તમારુ એકાઉન્ટ બંધ નથી કરાવતા તો જે વ્યક્તિએ કાર ખરીદી હશે તે વ્યક્તિ તમામ લાભ લઈ શકશે. જેથી તમારુ FASTag એકાઉન્ટ બંધ કરાવવું જરુરી છે.

FASTag એકાઉન્ટ કેવી રીતે બંધ કરવું 

  • તમે ભારત સરકારના હેલ્પલાઈન નંબર 1033 પર ફોન કરીને FASTag સંબંધિત તમામ ફરિયાદોનો ઉકેલ મેળવી શકો છો. આ સિવાય તમે તમારા સર્વિસ પ્રોવાઈડરના કસ્ટમર કેર નંબર પર કોલ કરીને પણ FASTag બંધ કરાવી શકો છો. 
  • NHAI (IHMCL) - 1033 પર કૉલ કરો. અહીં તમને FASTag બંધ કરવાની પ્રક્રિયા વિશે જણાવવામાં આવશે. 
  • ICICI બેંક - 18002100104 પર કૉલ કરો. અહીં તમને FASTag બંધ કરવાની પ્રક્રિયા વિશે જણાવવામાં આવશે. 
  • તમે PayTm - 18001204210 પર કૉલ કરીને તમારું એકાઉન્ટ બંધ કરી શકો છો. 
  •  એક્સિસ બેંક - 18004198585 પર કૉલ કરીને તમારું એકાઉન્ટ બંધ કરાવી શકો છો. 
  • HDFC બેંક - 18001201243 પર કૉલ કરો. અહીં તમને FASTag બંધ કરવાની પ્રક્રિયા વિશે જાણી શકો છો.
  • એરટેલ પેમેન્ટ્સ બેંક - એકાઉન્ટ નિષ્ક્રિય કરવા માટે 8800688006 પર કૉલ કરો. અહીં તમને FASTag બંધ કરવાની પ્રક્રિયા વિશે જણાવવામાં આવશે. 
Fastag Vehicle toll tax ફાસ્ટ ટેગ વાહન ટોલ ટેક્સ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ