- ઇન્સ્ટાગ્રામમાં તમે ઘણી બધી સેવ ધ એલિફન્ટ માટે ફંડરેઝરની પોસ્ટ જોઈ હશે
- આ સંસ્થા ખુદ કહે છે કે હાલમાં તેઓ આ પ્રકારનું કોઈ કેમ્પેન નથી ચલાવી રહ્યા
- માટે આવી કોઈપણ પોસ્ટને રિપોસ્ટ કરવાથી બચવું જોઈએ
તમારા મિત્રો, તમારા સંબંધીઓ દરેકની ઇન્સ્ટાગ્રામ સ્ટોરીમાં તમને કદાચ એક રિપોસ્ટ જોવા મળતી હશે અને એ છે સેવ ધ એલિફન્ટ્સ, જેમાં કહેવામાં આવ્યું છે કે એક રિપોસ્ટ પર 0.01 ડોલર મળે છે જે હાથીઓ માટે ડોનેટ કરવાની વાત છે. શું આ ફંડ રેઝર પાછળની સ્ટોરી સાચી છે કે ખોટી, એ તમામ વિગતો તમને અહીં આજે અહીં મળશે.
ઇન્સ્ટાગ્રામનું ફંડ રેઝર ફીચર ઈન્ડિયામાં છે જ નહીં
તો તમે બધાએ કદાચ આ સ્ટોરી જોઈ હશે કે જેમાં એક હાથી તથા તેનું બચ્ચું બતાવવામાં આવ્યું છે અને કહેવામાં આવ્યું છે કે તમે ડોનેટ કરો અથવા તમે રિપોસ્ટ કરો, જેથી 0.01 ડોલર મળે છે અને તેનો ઉપયોગ હાથીની સુરક્ષા માટે કરવામાં આવશે. સૌથી પહેલા તો ઇન્સ્ટાગ્રામનું ફંડ રેઝર ફીચર ઈન્ડિયામાં છે જ નહીં, તેની ઓફિશિયલ વેબસાઇટ પર કહેવામાં આવ્યું છે કે ઈન્ડિયામાં આ ફીચર નથી, એટલા માટે તમે ડોનેટ કરી જ ન શકો. એટલે તમે ડોનેટ કરવાની જેટલી પણ કોશિશ કરશો, તમે નહીં કરી શકો. બીજી જાહેરાત એ કરવામાં આવી છે કે તમે રિપોસ્ટ કરશો, તો 0.01 ડોલર મળશે જે અમે ડોનેટ કરીશું, પણ આ બાબતનું પ્રૂફ શું છે કે ડોનેટ થયા છે કે નહીં? કેમકે તેમાં તો કોઈ જ અપડેટ જોવા મળી નથી. આ વિશે આપણને કોઈપણ જાણકારી મળતી નથી.
.png)
જાણો આ સંસ્થા વિશે
સેવ ધ એલિફન્ટ એક યૂકે રજિસ્ટર્ડ કંપની છે, જેનું હેડક્વાર્ટર કેન્યામાં છે. પણ વાત આવે છે પેટકોપેટ્સની. પેટકોપેટ્સ જેવી જ પેટકો અર્થ વગેરે એવી ઘણી બધી સંસ્થાઓ ચાલે છે તથા તેના ઇન્સ્ટાગ્રામ પેજ પણ ચાલે છે. હવે આ ઇન્સ્ટાગ્રામ પેજ માત્ર હાથીઓ માટે જ નહીં પણ સેવ ધ ટર્કી, સેવ ધ યુક્રેન વગેરે જેવી ઘણી સ્ટોરીઓ તમને જોવા મળશે. એક વેબસાઇટ પરથી જાણવા મળ્યું કે આ જે પેટકોપેટ્સ કરીને સંસ્થા ચાલે છે, તેની કોઈ લાયાબિલિટી નથી. આ પાછળ શું ડોનેશન થાય છે, ક્યાંથી થાય છે, તે કોઈ જાણકારી મળતી નથી. એટલા માટે અમુક વેબસાઈટો એવું ક્લેમ કરી રહી છે કે આ જે પેટકો પેટ્સ સંસ્થા છે કે તેની સાથે સંલગ્ન સંસ્થાઓ છે, તેઓ માર્કેટિંગ માટે કદાચ આમ કરી રહ્યા છે.
શું કરવું જોઈએ?
આ ફંડરેઝરની પોસ્ટને લઈને જ્યાં સુધી આપણી પાસે પૂરતી ઇન્ફોર્મેશન ન હોય, ત્યાં સુધી તેની પોસ્ટને રિપોસ્ટ કરવાથી બચવું જોઈએ. VTVની ટીમે આ સેવ ધ એલિફન્ટ નામની સંસ્થાને મેલ પણ કર્યો કે આ જે ફંડરેઝર તેમના દ્વારા ચલાવવામાં આવે છે, એ લીગલ છે કે નહીં ત્યારે તેમની મીડિયા ટીમ દ્વારા જવાબ આપવામાં આવ્યો અત્યારે આ પ્રકારનું કોઈ કેમ્પેન ચલાવવામાં નથી આવી રહ્યું. પરંતુ ભૂતકાળમાં પેટકોપેટ્સ દ્વારા આવા કેમ્પેન ચલાવાયા હતા, પરંતુ તેમાં કોઈપણ પ્રકારની પારદર્શિતા ન હતી કે જે લોકોએ પૈસા ડોનેટ કર્યા છે એ ચેરિટિમાં વપરાયા છે કે નહીં. એમણે પણ આ સંપૂર્ણ રીતે રિજેક્ટ કર્યું છે. એટલા માટે તમે આ પોસ્ટને રિશેર કરવાથી ચેતજો કેમકે સંસ્થાએ ખુદ આ સ્વીકાર્યું છે કે અત્યારે તો આવું કંઇ જ ચાલી નથી રહ્યું, ભૂતકાળમાં ચાલતું હતું તેની પણ કોઈ માહિતી ઉપલબ્ધ નથી. માટે આવી પોસ્ટથી દૂર રહેવું જોઈએ.
