IPLIN
 

ક્રિકેટ / T20 વર્લ્ડ કપની પ્રાઇઝ મનીનું એલાન, વિજેતા ટીમ તો થઈ જશે માલામાલ, જાણો કેટલા રૂપિયા મળશે

Team VTV 03:25 PM, 30 Sep 22 | Updated: 03:26 PM, 30 Sep 22
Follow us
know the prize money of t20 world cup 2022

જાણો ટી20 વર્લ્ડ કપ 2022મા વિજેતા ટીમની પ્રાઇઝ મની તથા બીજી ટીમોને શું પ્રાઇઝ મળશે.

  • 16 ઓકટોબરથી શરૂ થશે ટી20 વર્લ્ડ કપ 
  • વિજેતા ટીમને મળશે 1.6 મિલિયન ડોલર 
  • રનર અપ ટીમને મળશે 8 લાખ યૂએસ ડોલર

16 ઓકટોબરથી શરૂ થશે ટી20 વર્લ્ડ કપ 

ઓસ્ટ્રેલિયામાં ઓકટોબર - નવેમ્બરમા થનારા ટી20 વર્લ્ડ કપમાં વિજેતા ટીમને 1.6 મિલિયન ડોલર એટલે કે લગભગ 13 કરોડ રૂપિયા પ્રાઇઝ મની મળશે ઇન્ટરનેશનલ ક્રિકેટ કાઉન્સિલે શુક્રવારે આ જાણકારી આપી છે. 

વિજેતા ટીમને મળશે 1.6 મિલિયન ડોલર 

ICCએ કહ્યું કે 13 નવેમ્બરનાં રોજ મેલબર્નમાં ICC ટી20 વર્લ્ડ કપની ફાઇનલ જીતનારી ટીમને 1.6 મિલિયન યૂએસ ડોલર મળશે, જ્યારે રનર અપ ટીમને 8 લાખ યૂએસ ડોલર એટલે કે લગભગ સાડા છ કરોડ રૂપિયા મળશે. ટી20 વર્લ્ડ કપની કુલ પ્રાઇઝ મની 5.6 મિલિયન યૂએસ ડોલર એટલે કે 45 કરોડ રૂપિયા હશે. 

જણાવી દઈએ કે આ વર્ષે વિશ્વ કપમાં કુલ 16 ટીમ ભાગ લઈ રહી છે. 8 ટીમ 16થી 21 ઓકટોબર સુધી ક્વોલિફાયર રમશે, જેમાંથી 4 ટોપ ટીમો સુપર 12મા સીધી ક્વોલિફાય કરનાર ટોપ રેન્કિંગવાળી 8 ટીમ સાથે જોડાશે. 

ICC અનુસાર, સેમીફાઇનલ હારનારી ટીમને કુલ પ્રાઇઝ મનીમાંથી 4 લાખ ડોલર મળશે. જ્યારે સુપર 12 રાઉન્ડથી બહાર થનારી 8 ટીમને 70 હજાર યૂએસ ડોલર એટલે કે 57 લાખ ઈનામ મળશે. ગયા વર્ષના ICC T20 વર્લ્ડ કપની જેમ, ટીમને સુપર-12 રાઉન્ડમાં ત્રીસ મેચમાંથી દરેક જીત માટે 40 હજાર યુએસ ડોલર મળશે.

સુપર 12મા સીધી ક્વોલિફાય કરનારી 8 ટીમો : અફઘાનિસ્તાન, ઓસ્ટ્રેલિયા, બાંગ્લાદેશ, ઈંગ્લેન્ડ, ભારત, ન્યૂઝીલેન્ડ, પાકિસ્તાન અને સાઉથ આફ્રિકા 
 

IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ