1 જૂનથી 200 ટ્રેન શરૂ કરવામાં આવશે. આ ટ્રેનમાં એસી અને નોન એસી બંને ટ્રેનનો સમાવેશ કરવામાં આવશે. ઉલ્લેખનીય છે કે આજે સવારે 10 વાગ્યાથી આ ટ્રેન માટેનું બુકિંગ શરૂ થશે. પરંતુ આ ટ્રેનના બુકિંગના નિયમોમાં કેટલાક ફેરફાર કરવામાં આવ્યા છે. આ ટ્રેનમાં કોઈ અનરિઝર્વ્ડ કોચ રાખવામાં આવશે નહીં. તો જાણી લો શું છે નવા નિયમો જેને તમારે ફોલો કરવાના છે.
રિઝર્વેશન સેન્ટર્સ કે રેલ્વે સ્ટેશનથી કોઈ ટિકિટ આપવામાં આવશે નહીં
એડવાન્સ રિઝર્વેશનનો સમય 30 દિવસનો રહેશે
લૉકડાઉન 4.0 ચાલુ થઈ ચૂક્યું છે ત્યારે રેલ્વેએ 100 જોડી પેસેન્જર ટ્રેનનું લિસ્ટ જાહેર કર્યું છે. આ ટ્રેન 1 જૂનથી ચાલુ થશે. તેમાં દૂરંતો, સંપર્ક ક્રાંતિ, જન શતાબ્દી અને પૂર્વા એક્સપ્રેસનો સમાવેશ થાય છે. આ પહેલાં પણ રેલ્વેએ કહ્યું હતું કે આ ટ્રેન સંપૂર્ણ રીતે વાતાનુકૂલિત રહેશે. તેમાં એસી અને નોન એસી બંને પ્રકારના કોચ હશે. અને તે તમામ રિઝર્વ્ડ રહેશે. આ ટ્રેનમાં કોઈ અનરિઝર્વ્ડ કોચ નહીં હોય. આ ટ્રેનનું ભાડું પણ સામાન્ય રહેશે.
જાણી લો આ 200 ટ્રેનને માટેના ટિકિટના નિયમ
રિઝર્વ્ડ જનરલ કોચ માટે સેકન્ડ ક્લાસની ટિકિટનું ભાડું લેવામાં આવશે.
આ ટ્રેનને માટે ઈ ટિકિટ આઈઆરસીટીસીની વેબસાઈટ કે મોબાઈલ એપથી જાહેર કરવામાં આવશે.
તેના માટે રિઝર્વેશન સેન્ટર્સ કે રેલ્વે સ્ટેશનો માટે કોઈ ટિકિટ જાહેર નહીં કરાય.
એડવાન્સ રિઝર્વેશન સમય વધુમાં વધુ 30 દિવસ રહેશે. હાલના નિયમોમાં વેટિંગ લિસ્ટ પણ બનશે.
વેટિંગ ટિકિટ ધારકોને ટ્રેનમાં જવાની પરમિશન નથી.
આ ટ્રેનને માટે કોઈ અનરિઝર્વ્ડ ટિકિટ નહીં મળે અને સાથે જ ન ટ્રેનમાં ચઢ્યા બાદ કોઈ ટિકિટ આપવામાં આવશે.
આ રીતે મિનિટોમાં કરાવી શકશો બુકિંગ
IRCTCની વેબસાઈટ પર રજિસ્ટર કરો અને તમારું યૂઝરનેમ અને પાસવર્ડથી લોગઈન કરો. હવે 'Book Your Ticket' પેજ પર જાઓ અને ફોર્મમાં સ્ટેશન, મુસાફરીની તારીખ અને કયા ક્લાસમાં મુસાફરી કરવી છે તે તમામ વિગતો ભરો.
તમારા ડેસ્ટિનેશન સુધી કઈ ટ્રેન મળી શકે તેમ છે તેની માહિતી માટે તમે 'Find Trains' નો ઓપ્શન પસંદ કરો. અન્ય પેજ પર આખું લિસ્ટ ખુલશે. ટ્રેનનો સમય અને રૂટ જાણવા માટે ટ્રેનના નામ પર ક્લિક કરો. તેમાં ટ્રેન સિલેક્ટ કરો અને તેમાં ક્લાસ પણ લખો.
હવે ટ્રેનની અવેલેબિલિટી અને ભા઼ડું જાણવા માટે 'check availability & Fare' પર ક્લિક કરો. અહીં જે ભાડું દેખાય તે એક એડલ્ટ વ્યક્તિ માટે હશે. સિલેક્ટ કરાયેલી ટ્રેનમાં 'Book Now' પર ક્લિક કરીને ટિકિટ બુક કરી લો.
હવે તમારી સામે એક નવું પેજ ખુલશે જેમાં તમામ જાણકારી રીચેક કરો. આ પછી પેસેન્જરના નામ, ઉંમર, સીટ, પ્રાથમિકતા વગેરે લખો. નામ 16 કેરેક્ટરથી વધુનું ન હોય તેનું ધ્યાન રાખો.
હવે બુકિંગ અને કેન્સલેશન ફ્રી એસએમએસ મેળવવા પેસેન્જરે મોબાઈલ નંબર ભરવો અને નેક્સ્ટ બટન પર ક્લિક કરો. બધુ બરોબર હોય તો કન્ટીન્યૂ બટન પર ક્લિક કરો.
હવે આવશે પેમેન્ટનો વારો. કન્ટીન્યૂ બુકિંગ ઓપ્શન પર ક્લિક કરો અને તમારા પેમેન્ટ ઓપ્શનસ મળશે. જેમકે ક્રેડિટ કાર્ડ, નેટ બેંકિંગ, મોબાઈલ વોલેટ વગેરે. પેમેન્ટ ઓપ્શન પસંદ કરી લો.
હવે Make Payment પર ક્લિક કરો. પેમેન્ટ સફળ થયા બાદ તમારી સામે ટિકિટ કન્ફર્મેશનનું પેજ ખૂલશે. અને એસએમએસની મદદથી તમને વર્ચ્યૂઅલ રિઝર્વેશનનો મેસેજ પણ મળી જશે.