ઘરેલૂ ઉપાય / બદલાતી સીઝનમાં વધે છે ગળામાં ઈન્ફેક્શન, ઘરમાં રહેલી આ વસ્તુઓથી મેળવો આરામ

• ગળામાં ઈન્ફેક્શન અને શરદી-ખાંસીમાં આરામ મળશે
• ઘરેલૂ ઉપાયોથી ઈન્ફેક્શન થશે દૂર
• હળદરવાળું દૂધ છે રામબાણ ઉપાય

હળદરવાળું દૂધ

મોટાભાગે લોકો હળદરવાળું દૂધ પીવાનું પસંદ નથી કરતા, પણ આ નુસખામાં મોટા-મોટા ગુણો રહેલાં છે. જે શરદી-ખાંસી, તાવ અને ગળામાં ઈન્ફેક્શન જેવી સમસ્યાને ઝડપથી દૂર કરે છે. તેમાં રહેલું એન્ટીએન્ફ્લામેટરી ગુણ ગળાના દુખાવામાં પણ રાહત આપે છે. 

મીઠાવાળું પાણી

ગળાની ખારાશ અને દુઃખાવો દૂર કરવા માટેનો આ સૌથી સામાન્ય ઉપાય છે. મીઠાવાળા પાણીના કોગળા કરવાથી ઝડપથી આરામ મળે છે. મીઠાવાળા પાણીના કોગળા કરવાથી મીઠું ગળામાં રહેલાં પ્રવાહીને એબ્સોર્બ કરીને દૂર કરી દે છે અને ગળાના ઈન્ફેક્શનમાં રાહત આપે છે. 

બેકિંગ સોડા

તમે પાણીમાં બેકિંગ સોડા મિક્સ કરીને તેનાથી પણ કોગળા કરી શકો છો. બેકિંગ સોડામાં રહેલાં ગુણ ઈન્ફેક્શન દૂર કરવામાં મદદ કરે છે. 

મધ

મધમાં ઘણાં તત્વો છુપાયેલા છે. તેમાં એન્ટીઓક્સીડેન્ટ અને એન્ટીઈન્ફ્લામેટરી પ્રોપર્ટી હોય છે, જે ગળામાં રહેલાં ઈન્ફેક્શનને ઠીક કરે છે. તમે નવશેકા દૂધમાં અથવા નવશેકા લીંબુ પાણીમાં 1 ચમચી મધ નાખીને પી શકો છો.

મેથી

લીલાં શાકભાજીને ગુણોની ખાણ માનવામાં આવે છે. જેમાં મેથીમાં એન્ટીમાઈક્રોબિયલ પ્રોપર્ટી હોય છે. જે ગળાના ઈન્ફેક્શનને ઠીક કરે છે. સાથે જ ગળાનો દુખાવો, સોજો અને ઈરિટેશનમાં પણ આરામ આપે છે. 

લસણ

લસણની એક કળી તમારા ગળામાં રહેલાં ઈન્ફેક્શન અને દુઃખાવાને દૂર કરી શકે છે. તેના માટે તમારે લસણની 1 કળી ચાવીને ખાવી પડશે. આનાથી પોલ્યૂશન સામે લડવામાં પણ મદદ મળશે.