2019માં પોતાના નિવેદનોને કારણે વિવાદોમાં રહેલા હાર્દિક પંડ્યા અને નતાશાની લવ સ્ટોરી જાણો ક્યા પ્રકારે શરુ થઇ હતી.
2019માં પોતાના નિવેદનોને કારણે વિવાદોમાં રહ્યા હતા હાર્દિક પંડ્યા
નતાશા સાથે પહેલી વાર નાઈટ ક્લબમાં થઇ હતી મુલાકાત
આઈપીએલ 2022માં ગુજરાતને જીત અપાવી
2019માં પોતાના નિવેદનોને કારણે વિવાદોમાં રહ્યા હતા હાર્દિક પંડ્યા
વર્ષ 2019માં હાર્દિક પંડ્યા [પોતાના નિવેદનોને લઈને ઘણા વિવાદોમાં આવ્યા હતા. તે નિવેદનોએ હાર્દિકની ઈમેજ પર ડાઘ લગાવ્યો હતો. 2019માં હાર્દિકને એક એવા ક્રિકેટર તરીકે ઓળખવામાં આવતા હતા કે જે હંમેશા સ્ટાઈલ અને ફેશનને કારણે ચર્ચાઓમાં રહેતા હતા.
હાર્દિકે મહિલાઓને લઈને પણ જે ટિપ્પણી કરી હતી, તેને કારણે તેઓ ફેન્સનાં નિશાના પર આવી ગયા હતા. ત્યાર બાદ હાર્દિકને ઓસ્ટ્રેલિયાનાં પ્રવાસથી પણ પાછા બોલાવવામાં આવ્યા હતા. એવું લાગી રહ્યું હતું કે હાર્દિકની કરિયર બસ સમાપ્ત થઇ જશે. આ દરમિયાન, તેમના પરિવારજનોનાં પણ ઘણા નિવેદનો સામે આવ્યા હતા. પરિવારનું કહેવું હતું કે હાર્દિકે ખુદને ઘરમાં કેદ કરી લીધા હતા.
વર્ષ 2020માં હાર્દિક એક વાર ફરી ચર્ચાઓમાં આવ્યા, પરતું આ વખતે તેમના ચર્ચાઓમાં આવવાનું કારણ બીજું હતું. 2020માં એક જાન્યુઆરીનાં રોજ હાર્દિકે ઇન્સ્ટાગ્રામ અકાઉન્ટ પર બોલિવુડ એક્ટ્રેસ નતાશા સ્ટેનકોવિક સાથે તસવીરો શેર કરી હતી.
આ તસવીરનાં કેપ્શનમાં હાર્દિકે લખ્યું હતું કે તુ મેરી મેં તેરા જાને સારા હિન્દુસ્તાન. તેમણે જણાવ્યું કે તેઓ સર્બિયાઈ મોડલ અને એક્ટ્રેસ નતાશા સાથે સગાઇ કરી ચુક્યા છે. આખી દુનિયા સામે તેમણે આ સંબંધ પર મોહર લગાવી.
2019થી 2020 એટલે કે એક વર્ષની અંદર વિવાદોમાં રહેનાર હાર્દિકને નતાશાનાં પ્રેમે જવાબદાર બનાવી દીધા. ત્યાર બાદ હાર્દિકે ન માત્ર ક્રિકેટ પર ફોકસ કર્યું, પરંતુ ઘણી તકો પર ટીમને જીત પણ અપાવી. આ દરમિયાન તેઓ ઈજાગ્રસ્ત પણ થયા હતા, પરંતુ તેમણે વાપસી કરી અને આઈપીએલમાં ગુજરાત ટાઈટન્સની કેપ્ટન્સી કરીને ટીમને ચેમ્પિયન પણ બનાવી.
જાણો હાર્દિક - નતાશાની લવ સ્ટોરી
નતાશા પહેલા હાર્દિકનું નામ ઘણી મોડલ અને એક્ટ્રેસ સાથે જોડાયું હતું. જોકે, હાર્દિકે આ બધાનું ખંડન કર્યું હતું. ત્યાર બાદ એક નાઈટ ક્લબમાં હાર્દિકની મુલાકાત નતાશા સ્ટેનકોવિક સાથે થઇ હતી.
નતાશા ત્યારે જાણતી ન હતી કે હાર્દિક ક્રિકેટર છે. હાર્દિકે ખુદ આ સ્ટોરી વિષે જણાવ્યું હતું. તેમણે કહ્યું હતું કે નતાશાને કોઈ અંદાજો ન હતો કે હું કોણ છું. અમે એકબીજા સાથે વાતચીત કરી અને ધીરે ધીરે એકબીજાની નજીક આવ્યા.
હાર્દિકે કહ્યું હતું કે હું રાત્રે એક વાગ્યે હેટ પહેરીને, ગળામાં ચેન અને વોચ પહેરીને બેસેલ હતો. નતાશાને લાગ્યું કે આ કોઈ રેન્ડમ માણસ છે. આ દરમિયાન અમારી વાતચીત શરુ થઇ. પછી અમે એકબીજાને ડેટ કરવાનું શરુ કર્યું.
નતાશા સાથે પહેલી વાર નાઈટ ક્લબમાં થઇ હતી મુલાકાત
હાર્દિક અને સ્ટેનકોવિક ઘણી પાર્ટીઓમાં સાથે જોવા મળ્યા. જોકે 2020 પહેલા બંનેએ ક્યારેય ખુલીને પોતાના સંબંધનો ખુલાસો કર્યો ન હતો. હાર્દિકને લાગ્યું કે નતાશા જ એ વ્યક્તિ છે, જેની સાથે તેઓ આખું જીવન વિતાવી શકે છે.
ત્યાર બાદ હાર્દિકે નતાશાની ઓળખાણ પોતાના પરિવાર સાથે કરાવી. એક વર્ષની અંદર હાર્દિકે પોતાના સંબંધ પર મોહર લગાવી દીધી. જોકે તેમના માતા પિતાને જાણ ન હતી કે તેઓ સગાઇ કરવાના છે. 2020માં ઇન્સ્ટાગ્રામ પોસ્ટ દ્વારા બંનેની સગાઇ વિષે જાણ થઇ.
ત્યાર બાદ એક પ્રાઈવેટ કાર્યક્રમમાં હાર્દિકે નતાશા સાથે લગ્ન કર્યા. 2020નાં જુલાઈમાં જ હાર્દિકે જણાવ્યું કે તેઓ પિતા બનવાના છે. હાલમાં બંનેનો એક દીકરો છે, જેનું નામ અગસ્ત્ય છે. અગસ્ત્ય સાથે હાર્દિકની મસ્તીનાં ઘણા વીડિયો સામે આવ્યા છે.
નતાશા જ્યારથી હાર્દિકનાં જીવનમાં આવી છે, ત્યારથી હાર્દિક વધારે જવાબદાર થઇ ગયા છે. હાર્દિક પરિવાર સાથે સમય વિતાવવાની તક ચુકતા નથી. ગયા વર્ષે ટી20 વિશ્વ કપ દરમિયાન, હાર્દિક ઈજાગ્રસ્ત થયા હતા. ત્યાર બાદ તેમણે એનસીએમાં રિહેબીટેશનમાં ઘણો સમય વિતાવ્યો હતો.
હાર્દિકે હાર ન માની અને ચુપચાપ આઈપીએલની તૈયારી કરતા રહ્યા. ગુજરાતે હાર્દિકને કેપ્ટન બનાવ્યા અને આ તકને તેમણે પકડી લીધી અને ક્રિકેટમાં વાપસી કરતા પોતાની ટીમને જીત પણ અપાવી. હાર્દિકે આઈપીએલમાં 487 રન બનાવ્યા. સાથે જ ફાઈનલમાં પ્લેયર ઓફ ધ મેચ પણ રહ્યા. આ ઇનામ તેમને દક્ષિણ આફ્રિકા સામે ટી20 સીરીઝ ટીમમાં સિલેકશનનાં રૂપમાં પણ મળ્યું છે.