સોનાના ભાવમાં આજે ઘટાડો નોંધાયો છે, તો ચાંદીની કિંમત વધી છે. જાણો આજના લેટેસ્ટ રેટ્સ.
સોનાના ભાવમાં આજે ઘટાડો
ચાંદીનાં ભાવમાં વધારો
ડોલરની મજબૂતીથી સોના પર દબાણ
સોનાના ભાવમાં આજે ઘટાડો
સોનામાં રોકાણ કરવાનું વિચારતા લોકો માટે સારા સમાચાર છે. આજે સોનાના ભાવમાં ઘટાડો જોવા મળ્યો છે. MCX પર જૂનનો વાયદા ભાવ 0.09 ટકા ઘટી ગયો છે. ચાંદીનાં ભાવમાં વધારો જોવા મળ્યો છે. જુલાઈનો ચાંદીનો વાયદા ભાવ 0.35 ટકા વધ્યો છે. આ અઠવાડિયે સોનાનો ભાવ લગભગ 1,500 રૂપિયા પ્રતિ 10 ગ્રામ ઘટ્યો છે. માર્ચની શરૂઆતમાં સોનું 56,000 રૂપિયા પ્રતિ 10 ગ્રામના સ્તરની નજીક પહોંચ્યું હતું.
MCX પર સોનાનો જૂનનો વાયદા ભાવ 43 રૂપિયા ઘટીને 50,131 રૂપિયા પ્રતિ 10 ગ્રામ થઇ ગયો છે. જ્યારે જુલાઈનો ચાંદીનો વાયદા ભાવ 203 રૂપિયા વધીને 58,954 રૂપિયા પ્રતિ કિલોગ્રામ થઇ ગયો છે. આજે સોનામાં ટ્રેડીંગની શરૂઆત 50,067 રૂપિયાથી થઇ હતી.
સર્રાફા બજારમાં સોના - ચાંદીનો ભાવ
રૂપિયાનાં મૂલ્યમાં ભારે ઘટાડો આવ્યા બાદ દિલ્હીની સર્રાફા બજાર ગુરુવારે સોનું 241 રૂપિયાની તેજી સાથે 50,797 રૂપિયા પ્રતિ 10 ગ્રામ થઇ ગયું હતું. આ ગત કારોબારી સત્રમાં સોનું 50,556 રૂપિયા પ્રતિ 10 ગ્રામ પર બંધ થયું હતું. જયારે ચાંદીની કિંમત 729 રૂપિયાના ઘટાડા સાથે 60,158 રૂપિયા પ્રતિ કિલોગ્રામ હતી. ગત કારોબારી સત્રમાં ચાંદી 60,887 રૂપિયા પ્રતિ કિલોગ્રામ પર બંધ થઇ હતી.
ડોલરની મજબૂતીથી સોના પર દબાણ
ફેબ્રુઆરીમાં યુક્રેન પર રશિયાનાં આક્રમણ બાદ સોનના ભાવમાં જબરદસ્ત ભાવ વધારો આવ્યો હતો. યૂએસ ડોલરની મજબૂતીથી ગોલ્ડ પર દબાણ આવ્યું છે અને આંતરરાષ્ટ્રીય બજારોમાં સોનાની કિંમત 3 મહિનાનાં નીચલા સ્તર પર આવી ચુકી છે.
ગ્લોબલ માર્કેટમાં સ્પોટ ગોલ્ડ 1,820.54 ડોલર પ્રતિ ઓંસ થયું છે, અન્ય કીમતી ધાતુઓમાં સ્પોપ સિલ્વર 0.5 ટકા વધીને 20.76 ડોલર પ્રતિ ઓંસ અને પ્લેટિનમ 0.8 ટકા વધીને 951.50 ડોલર પર છે.
ગોલ્ડ અમેરિકી અલ્પકાળનાં વ્યાજ દરો અને બોન્ડ યીલ્ડ્સ પત્યે પણ સંવેદનશીલ છે. ગયા અઠવાડિયે, યૂએસ ફેડરલ રીઝર્વે પોતાના બેન્ચમાર્ક ઓવરનાઈટ વ્યાજ દરમાં 0.50 ટકા અંકનો વધારો કર્યો છે. રશિયા-યુક્રેનમાં જંગ, જીયોપોલિટીકલ ટેન્શનને કારણે ગોલ્ડને સપોર્ટ જોવા મળે છે.
સરકાર ગોલ્ડ મોનેટાઇઝેશન સ્કીમના નિયમોમાં મોટા બદલાવ કરવા જઈ રહી છે. GMSમાં સોનું જમા કરવાની ઓછામાં ઓછી સીમા ઘટાડીને 5 ગ્રામ કરવામાં આવી શકે છે. અત્યારે સ્કીમ હેઠળ બેન્કમાં ઓછામાં ઓછું 10 ગ્રામ સોનું જમા કરવું પડે છે. વધારેમાં વધારે જમા કરવાની કોઈ સીમા નથી. GMS ગોલ્ડ ફિક્સ્ડ ડિપોઝીટની જેમ કામ કરે છે. આ સ્કીમ હેઠળ વાર્ષિક 2.5 ટકા સુધી ઇન્ટરેસ્ટની કમાણી કરી શકાય છે.