માઠા સમાચાર / ભારે કરી! લગ્નની સીઝન શરુ થતા જ માઠા સમાચાર, સોના ચાંદીનાં ભાવમાં આવ્યો જબરદસ્ત ઉછાળ, જાણો લેટેસ્ટ રેટ

• સોનાના ભાવમાં ઉછાળ 
• ચાંદીની પણ કિંમતો વધી 
• સોનાની આયાત પણ વધી 

લગ્નની સીઝન પહેલા જ સોના ચાંદીનાં ભાવમાં ઉછાળ જોવા મળ્યો છે. આજે મંગળવારે જ્યાં સોનાનાં ભાવમાં વધારો જોવા મળી રહ્યો છે, ત્યાં ચાંદીની પણ કિંમતો વધી છે. મલ્ટી કમોડીટી એકસચેંજ પર આજે સોનું 409 રૂપિયા મોંઘુ થયું છે. એમસીએક્સ પર આજે સવારે બજાર ખુલવા પર સોનું 52588 રૂપિયા પર ટ્રેડ કરી રહ્યું છે, જ્યારે ચાંદી 1011 રૂપિયાનાં વધારા સાથે 68305 પર ટ્રેડ કરી રહ્યું છે. જણાવી દઈએ કે ગયા અઠવાડિયાથી જ સોના ચાંદીની કિંમતોમાં વધારો જોવા મળી રહ્યો છે. 

બુલિયન માર્કેટની શું છે સ્થિતિ?
બુલિયન માર્કેટમાં પણ આજે સોના ચાંદીની કિંમતમાં વધારો જોવા મળી રહ્યો છે. આજે અહી 22 કેરેટ ગોલ્ડનો ભાવ વધીને 48868 રૂપિયા પર ટ્રેડ કરી રહ્યો છે, જ્યારે 24 કેરેટ સોનાનો ભાવ 53310 રૂપિયા પર ટ્રેડ કરી રહ્યો છે.  અહીં 20 કેરેટ સોનાની સરેરાશ કિંમત 44425 રૂપિયા અને 18 કેરેટ સોનાની કિંમત 39983 રૂપિયા પર ટ્રેડ થઈ રહી છે. તે જ સમયે, 16 કેરેટ સોનાનો ભાવ 35540 રૂપિયા પર પહોંચી ગયો છે.

સોનાની આયાત વધી 
દેશમાં વધતી મોંઘવારી વચ્ચે લોકોનો સોના પ્રત્યેનો ક્રેઝ વધી રહ્યો છે. દેશની સોનાની આયાત 2021-22ના પ્રથમ 11 મહિનામાં (એપ્રિલ-ફેબ્રુઆરી)માં 73 ટકા વધીને $45.1 બિલિયન થઈ ગઈ છે. માંગ વધવાને કારણે સોનાની આયાત વધી છે. 

આ પ્રકારે થઇ શકશે શુદ્ધતાની જાણ 
જ્વેલરીની શુદ્ધતા માપવાના પ્રકારો એક જ હોય છે. આમાં હોલમાર્ક સતાહે જોડાયેલ ઘણા પ્રકારના નિશાન જોઈ શકાય છે, આ નિશાનોનાં માધ્યમથી જ્વેલરીની શુદ્ધતા માપી શકાય છે. આમા એક કેરેટથી લઈને 24 કેરેટ સુધીની શુદ્ધતાની તપાસ કરી શકાય છે. 

• 22 કેરેટની જ્વેલરી પર 916 લખેલ હશે. 
• 21 કેરેટની જ્વેલરી પર 875 લખેલ હશે.
• 18 કેરેટની જ્વેલરી પર 750 લખેલ હશે.
• 14 કેરેટની જ્વેલરી પર 585 લખેલ હશે.