ડીમેટ અકાઉન્ટનાં KYC કરાવવા માટે સમયસીમા વધારવામાં આવી છે. 30 જૂન 2022 KYC કરાવવાની છેલ્લી તારીખ છે.
30 જૂન સુધીમાં કરવો ડીમેટ અકાઉન્ટનું KYC
KYC ન કરાવવા પર ડીએક્ટીવેટ થઇ જશે અકાઉન્ટ
આધાર અને પાનને પણ લિંક કરવા જરૂરી
હાલના ડીમેટ અકાઉન્ટના KYC કરવાની સમયસીમાને 30 જૂન, 2022 સુધી લંબાવી દેવામાં આવી છે. એટલે કે તમે ડીમેટ અને ટ્રેડીંગ અકાઉન્ટનું KYC 30 જૂન સુધી કરાવી શકશો. પહેલા છેલ્લી તારીખ 31 માર્ચ 2022 હતી.
KYC ન કરાવવા પર ડીએક્ટીવ થઇ જશે અકાઉન્ટ
SEBIએ નવું ટ્રેડીંગ અને ડીમેટ અકાઉન્ટ ખોલાવવા માટેનાં નિયમોમાં અમુક ફેરફારો કર્યા છે. આ ફેરફારો અનુસાર, જો તમારું ડીમેટ અકાઉન્ટ છે તો તમારે 30 જૂન 2022 સુધી તેનું KYC કરાવવું પડશે. જો KYC થતું નથી, તો ડીમેટ અકાઉન્ટ ડીએક્ટીવેટ કરી દેવામાં આવશે.
આમ થવાથી તમે સ્ટોક માર્કેટમાં ટ્રેડ નહી કરી શકો. જો કોઈ વ્યક્તિ કોઈ કંપનીનાં શેર ખરીદી પણ લે છે, તો આ શેર અકાઉન્ટ સુધી ટ્રાન્સફર નહી થાય. KYC પૂરું થવા અને વેરીફાય થયા બાદ જ આ કામ થઇ શકશે.
આ 6 વિગતોની પડશે જરૂર
દરેક ડીમેટ અકાઉન્ટનું છ જાણકારીઓ સાથે KYC કરાવવું જારુરી છે. પરંતુ બધા ડીમેટ અકાઉન્ટને અત્યાર સુધી છ KYC માનદંડો સાથે અપડેટ કરવામાં આવ્યા નથી. એક ડીમેટ, ટ્રેડીંગ ખાતાધારકે આ છ KYC વિશેષતાઓને અપડેટ કરાવવી જરૂરી છે, જેમાં નામ, એડ્રેસ, પાન, મોબાઈલ નંબર, ઈમેલ આઈડી, કમાણીની સીમા સામેલ છે. 1 જૂન 2021થી ખોલવામાં આવેલા નવા ડીમેટ અકાઉન્ટ માટે બધી 6 KYC વિશેષતાઓને ફરજીયાત કરી દેવામાં આવી છે.
આધાર - પાન લિંક ન હોવા પર લાગશે પેનલ્ટી
પાનને આધાર સાથે લિંક કરવા પર હવે પેનલ્ટી લાગશે. આ 30 જૂન 2022 સુધી 500 રૂપિયા રહેશે. ત્યાર બાદ 1000 રૂપિયા પેનલ્ટી આપવી પડશે. 31 માર્ચ 2023 બાદ પણ લિંક ન કરાવવા પર પાન નંબર નિષ્કિય થઇ જશે.