તમને ખબર છે? / મહિલાઓ માટે નહીં પરંતુ પુરૂષો માટે બનાવવામાં આવી હતી 'હાઈ હીલ્સ', જાણો ક્યારે થઈ હતી તેની શરૂઆત

• હાઈ હિલ્સ વિશે જાણો રસપ્રદ વાત 
• જાણો ક્યારે થઈ હતી હાઈ હિલ્સની શરૂઆત 
• મહિલાઓ નહીં પુરૂષો પહેરતા હતા હાઈ હિલ્સ 

હાઈ હિલ્સ મહિલાઓને ખૂબ જ પસંદ આવે છે. એક રિસર્ચ અનુસાર, હાઈ હિલ્સ (High Heels Story) પહેરીને મહિલાઓ સમાજમાં પોતાનો રૂતબો દર્શાવતા હતા. રિસર્ચમાં એમ પણ કહેવામાં આવ્યું છે કે જ્યારે મહિલાઓ હાઈ સોસાયટીમાં જાય છે તો તે હાઈ હિલ્સ (Origin of High Heels) પહેરવાનું પસંદ કરે છે. પરંતુ શું તમે જાણો છો કે હાઈ હિલ્સ મહિલાઓ માટે નહીં પરંતુ પુરૂષો માટે બનાવવામાં આવ્યા હતા? 

તમને જાણીને નવાઈ લાગશે કે હાઈ હિલ્સની શરૂઆત પુરૂષો માટે કરવામાં આવી હતી. હકીકતે પુરૂષો માટે સૌથી પહેલા હિલ વાળા બૂટ બનાવવામાં આવ્યા હતા. જેનો ઉપયોગ તે યુદ્ધ અને ઘોડે સવારીમાં કરતા હતા. રિપોર્ટ અનુસાર ઘોડેસવારી વખતે હાઈ હીલના બૂટ પહેરીને પકડ મજબૂત કરવામાં આવતી હતી. માટે પુરૂષો શૂઝમાં લગાવવામાં આવેલી હાઈ હિલ્સનો ઉપયોગ કરતા હતા. 

10મી સદીમાં થઈ હતી હાઈ હિલ્સની શરૂઆત 
તેનો ઉપયોગ સૌથી પહેલા 10મી સદીમાં થઈ હતી. સૌથી પહેલા પર્શિયાના સામ્રાજ્યના પુરૂષોએ હાઈ હિલ્સ પહેરવાનું શરૂ કર્યું હતું. યુદ્ધ વખતે આ સામ્રાજ્યના લોકો હાઈ હિલ્સ વાળા શૂઝ પહેરતા હતા. સુરક્ષાના કારણે હાઈ હિલ્સના શૂઝ ખૂબ જ મજબૂત અને સારા માનવામાં આવતા હતા. 

વર્ષ 1599માં જ્યારે પર્શિયાના રાજા શાહ અબ્બાસે પોતાના રાજદૂતને યુરોપ મોકલ્યો હતો. તો તેની સાથે હાઈ હિલ્સના જૂતા યુરોપ પહોંચ્યા હતા. ત્યાર બાદ જ દુનિયાભરમાં હાઈ હિલ્સ વાળા શૂટનું ચલણ વધી ગયું. ધીરે ધીરે ઘણા દેશોમાં હાઈ હીલ્સના શૂઝનો ઉપયગો થવા લાગ્યો અને તેને પહેરવા રઈસો અને રાજાઓનો શોખ બની ગયો. તમને જણાવી દઈએ કે ફ્રાન્સના શાસક લુઈસ ચૌદહવે 10 ઈંચ ઉચી હિલના શૂઝ પહેરતા હતા. કારણ કે તેમની લંબાઈ ફક્ત પાંચ ફૂટ અને ચાર ઈંચ હતી. 

મહિલાઓએ હાઈ હિલ્સ પર કરી લીધો કબજો 
ત્યાર બાદ વર્ષ 1740નો એ સમય આવ્યો જ્યારે સૌથી પહેલી વખત મહિલાઓએ હાઈ હિલ્સ પહેરવાનું શરૂ કરી દીધુ. અહીંથી મહિલાઓએ હાઈ હિલ્સ પર કબજો કરી લીધો અને બીજા 50 વર્ષોમાં આ પુરૂષોના પગોથી ઉતારીને મહિલાઓની ફેવરેટ બની ગઈ. સમયની સાથે સાથે હવે તેના આકાર અને ડિઝાઈનમાં ખૂબ જ ફેરફાર આવી ગયો.

જોકે હાઈ હિલ્સ સ્વાસ્થ્ય માટે યોગ્ય નથી માનવામાં આવતી કારણ કે તેની સીધી અસર લોવર બેક, કરોડરજ્જુ, ઘુટણો અને એડી પર પડે છે. લાંબા સમય સુધી હાઈ હિલ્સ પહેરવા પર સાંધામાં દુઃખાવો થઈ શકે છે.