સુપરહીટ / સાઉથ પછી હવે હોલીવુડનો વારો, બોક્સ ઓફિસ પર છવાયા ડૉક્ટર સ્ટ્રેન્જ, પહેલા જ દિવસે છપ્પરફાડ કમાણી

• ડોક્ટર સ્ટ્રેન્જે ભારતમાં પહેલા જ દિવસે કર્યું 29 કરોડનું નેટ કલેક્શન 
• શુક્રવારનાં એડવાન્સ બુકિંગમાં જ લગભગ 20 કરોડનું કલેક્શન
• ભારતમાં સૌથી વધારે ઓપનિંગ લેનાર ટોપ 5 હોલીવુડ ફિલ્મોમાં સામેલ  

બોક્સ ઓફિસ પર ડોક્ટર સ્ટ્રેચરન્જનો જાદૂ 

બોક્સ ઓફિસ પર સતત અસફળ જઈ રહેલી હિન્દી ફિલ્મો વચ્ચે સાઉથ સિનેમાની સફળતા બાદ હવે હોલીવુડ હંગામા જોવા મળી રહ્યો છે. માર્વેલ સિનેમેટિક યૂનિવર્સની નવી ફિલ્મ 'ડોક્ટર સ્ટ્રેન્જ ઇન ધ મલ્ટીવર્સ ઓફ મેડનેસ' એ રિલીઝનાં પહેલા જ દિવસે ભારતમાં શાનદાર ઓપનિંગ કરી છે. 2500થી વધારે સ્ક્રીન્સ પર અંગ્રેજી સાથે સાથે હિન્દી, તામિલ, તેલુગૂ, કન્નડ અને મલયાલમમાં રિલીઝ થયેલી આ ફિલ્મ 'ડોક્ટર સ્ટ્રેન્જ ઇન ધ મલ્ટીવર્સ ઓફ મેડનેસ'નું કલેક્શન જોકે એમસીયૂની છેલ્લી ફિલ્મ 'સ્પાઈડરમેન: નો વે હોમ'થી ઓછું રહ્યું છે, પણ દેશમાં અત્યાર સુધી રિલીઝ થયેલ હોલીવુડ ફિલ્મોની પહેલા દિવસની ઓપનિંગમાં આ ફિલ્મે ચોથું સ્થાન મેળવ્યું છે અને આ ફિલ્મે આખરે બોક્સ ઓફિસ પર ધૂમ મચાવી રહેલી કેજીએફ 2ને પડકાર આપ્યો છે. 

એડવાન્સ બુકિંગનો ફાયદો 
ફિલ્મ 'ડોક્ટર સ્ટ્રેન્જ ઇન ધ મલ્ટીવર્સ ઓફ મેડનેસ'ને લઈને ગયા ઘણા અઠવાડિયાઓથી જબરદસ્ત હાઈપ બનેલી છે. ફિલ્મની પહેલા દિવસની મોટાભાગની ટીકીટો એડવાન્સ બુકિંગમાં જ વહેંચાઇ ગઈ હતી. ફિલ્મે રિલીઝ પહેલા જ લગભગ 20 કરોડ રૂપિયાની એડવાન્સ બુકિંગ શુક્રવાર માટે કરી લીધી હતી. 

પહેલા જ દિવસે 29 કરોડનું નેટ કલેક્શન 
શુક્રવારની રાત્રે મળેલી શરૂઆતનાં આંકડાઓ અનુસાર, ફિલ્મ ડોક્ટર સ્ટ્રેન્જે રિલીઝનાં પહેલા જ દિવસે આખા દેશમાં બધી જ ભાષાઓનાં કલેક્શનને ભેગું કરીને લગભગ 37 કરોડ રૂપિયાની ટીકીટો વહેંચી છે. ફિલ્મનું પહેલા દિવસનું નેટ કલેક્શન લગભગ 29 કરોડ રૂપિયાની આસપાસ રહ્યું છે. અનુમાન અનુસાર, ફિલ્મનાં અંગ્રેજી વર્ઝનનું કલેક્શન સૌથી વધારે રહ્યું અને ત્યાર બાદ ફિલ્મનાં હિન્દી ડબની કમાણી વધારે રહી છે. 

#DoctorStrange is MARVEL-ous on Day 1... 4TH BIGGEST HOLLYWOOD OPENER in #India... *Day 1* biz...
⭐ [2019] #AvengersEndgame: ₹ 53.10 cr
⭐ [2021] #SpiderMan: ₹ 32.67 cr
⭐ [2018] #AvengersInfinityWar: ₹ 31.30 cr
⭐ [2022] #DoctorStrange: ₹ 27.50 cr#India biz. All versions. pic.twitter.com/1VWKthczJw

— taran adarsh (@taran_adarsh) May 7, 2022

લગભગ 2500 સ્ક્રીન્સ પર રિલીઝ થઇ ડોક્ટર સ્ટ્રેન્જ 
ફિલ્મ ડોક્ટર સ્ટ્રેન્જને રિલીઝ માટે આખા દેશમાં 2500 કરતા પણ વધારે સ્ક્રીન્સ મળેલી છે. જોકે આ પહેલા રિલીઝ થયેલી સ્પાઈડરમેન 3250થી વધારે સ્ક્રીન પર રિલીઝ થઇ હતી અને તે ફિલ્મનું રિલીઝનાં પહેલા દિવસનું કલેક્શન લગભગ 32.67 કરોડ રૂપિયા હતું. ફિલ્મ ડોક્ટર સ્ટ્રેન્જે ભારતમાં સૌથી વધારે ઓપનિંગ લેનાર ટોપ 5 ફિલ્મોમાં પોતાનું સ્થાન બનાવ્યું છે.