ટાટા નેનો / રતન ટાટાની સ્પેશ્યલ Nano કારના ફીચર્સ જાણીને તમે પણ રહી જશો દંગ, 150 km છે રેન્જ

• તાજ હોટેલ સામે રતન ટાટા જોવા મળ્યા નેનો ઈવીમાં
• આ કાર  ટાટા મોટર્સ ની નહિ પણ ElectraEV એ બનાવી છે 
• ElectraEV નું આ રેટ્રોફિટિંગ FAME મુજબ છે અને તે ARAI અને RTO પ્રમાણિત

રતન ટાટા જોવા મળ્યા નેનો કારમાં 

ટાટા નેનો આજકાલ તમને બહુ ઓછી જોવા મળશે પરંતુ થોડા સમય પહેલા જ રતન ટાટા એક સફેદ ઇલેક્ટ્રિક નેનો માં તાજ હોટેલમાં આવતા જોવા મળ્યા જે જોઇને બધા ને લાગ્યું કે શાયદ હવે ભારતીય માર્કેટ માં ઇલેક્ટ્રિક નેનો લોન્ચ થઇ શકે છે. ત્યાં બધા પૂછી રહ્યા હતા કે શું ટાટા મોટર્સ નેનોને ઇલેક્ટ્રિક અવતારમાં લોન્ચ કરવા જઈ રહી છે. શું ખરેખર રતન ટાટા કંપનીની નવી ઇલેક્ટ્રિક કારને પ્રમોટ કરવા પહોંચ્યા હતા?

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

ElectraEV એ બનાવી મોડીફાઈ ઇલેક્ટ્રિક નેનો કાર 
હકીકતમાં રતન ટાટા ઇલેક્ટ્રિક નેનોથી આવ્યા હતા, પરંતુ આ ઇલેક્ટ્રિક કાર ટાટા મોટર્સ દ્વારા બનાવવામાં આવી ન હતી. પરંતુ તે કસ્ટમ-મોડીફાઈ ટાટા નેનો ઇલેક્ટ્રિક છે. જે ઇલેક્ટ્રિક વાહનો માટે પાવરટ્રેન સોલ્યુશન્સ બનાવતી કંપની ElectraEV દ્વારા તેમને ભેટમાં આપવામાં આવી હતી. તમને જણાવી દઇએ કે ElectraEV ની શરૂઆત રતન ટાટાએ કરી હતી. કંપનીનું મુખ્ય મથક પુણેમાં કોઈમ્બતુરમાં મેન્યુફેક્ચરિંગ સુવિધા સાથે છે.

ElectraEV ની નેનો 150 ની માઇલેજ આપે છે
ElectraEV એ 624cc પેટ્રોલ એન્જિનવાળી આ ટાટા નેનો કારને ફેરફાર કરીને ઇલેક્ટ્રિક વ્હીકલમાં ફેરવી છે. તેમાં 72V પાવરટ્રેન આપ્યું છે, તેમજ સુપર પોલિમર લિથિયમ-આયન બેટરી પેક આપવામાં આવ્યું છે. આ મોડિફાઇડ ટાટા નેનો ઇલેક્ટ્રિકની અંદાજિત રેન્જ 150થી 160 કિલોમીટર હોવાનું કહેવાય છે. આ કાર લગભગ 10 સેકન્ડમાં 0-60 કિમી પ્રતિ કલાકની સ્પીડ પકડવામાં સક્ષમ છે.

તમે તેને રજીસ્ટર કરાવી શકશો 
મીડિયા રિપોર્ટ્સ અનુસાર, ElectraEV નું આ રેટ્રોફિટિંગ FAME મુજબ છે અને તે ARAI અને RTO પ્રમાણિત છે. એટલે કે તમે તેને લીધા પછી રજિસ્ટર પણ કરાવી શકો છો. કંપની હાલમાં ફ્લીટ સેગમેન્ટ માટે રેટ્રોફિટિંગ પર ધ્યાન કેન્દ્રિત કરી રહી છે. ElectraEV દ્વારા ઓફર કરવામાં આવતી અન્ય પ્રોડક્ટ્સ અને સેવાઓમાં વાહન નિયંત્રણ એકમો, ટેલિમેટિક્સ, પ્રોટોટાઇપ્સ, હોમોલોગાઇઝેશન રેડીનેસ અને વેચાણ પછી સર્વિસમાં આવતી કેટલીક સેવા અને સોલ્યુશનનો સમાવેશ થાય છે.