હેપ્પી બર્થડે / PMની ફેવરિટ છે આ પાંચ ગુજરાતી વાનગીઓ, સિમ્પલ ફૂડના શોખીન છે મોદી

• પીએમ મોદીને પસંદ છે ગુજરાતી વાનગીઓ
• સિમ્પલ ફૂડના શોખીન છે પીએમ મોદી
• અઠવાડિયે 2-3 વાર ખીચડી ખાવાનું કરે છે પસંદ

પીએમ મોદી ભલે મોટા પદ પર કાર્યરત હોય પણ જીવનશૈલીમાં તેઓ ખૂબ જ સરળ વ્યક્તિ છે. 70 વર્ષે પણ ફિટ રહેનારા પીએમ મોદી ગુજરાતી વાનગીઓ ખાવાનું પસંદ કરે છે. સિમ્પલ ખોરાક સાથે પીએમ દિવસમાં લગભગ 18 કલાક કામ કરે છે. ગુજરાતી વાનગીઓમાં પણ 5 વાનગીઓ એવી છે જે પીએમની ફેવરિટ છે.

અઠવાડિયે 2-3 વાર ખાય છે ખીચડી

ગુજરાતમાં અનેક વાનગીઓ એવી છે જે દરેક વ્યક્તિને ભાવે છે. પછી તે ફરસાણ હોય કે સામાન્ય ખીચડી. આપણા પીએમ મોદીને પણ સાદી એટલે કે દાળ ચોખાની સાથે તેમાં વિવિધ મસાલા અને શાકભાજી નાંખીને બનાવેલી વઘારેલી ખીચડી ખૂબ જ પસંદ છે. તેઓ અઠવાડિયામાં 2-3 વાર પોતાના ડાયટમાં તેને સામેલ કરે છે.

ફરસાણમાં આ 2 વાનગીઓ છે પસંદ

આ સિવાય ફરસાણ ગણાતા ઢોકળા અને ખાંડવી. ગુજરાતની જાણીતી એવી આ બંને વાનગીઓ પીએમ મોદીની પણ ફેવરિટ છે. ઢોકળા પોચા અને સ્વાદિષ્ટ હોવાની સાથે લીલા મરચા, આદુ, રાઈ, લીમડાનો વઘાર અને સાથે ઉપર ભભરાવેલી કોથમીરના કારણે તેનો દેખાવ જ તમને લલચાવી દેનારો હોય છે.  તો ખાંડવીના રોલ પર કરવામાં આવતો તલ, રાઈ, લીમડાનો વધાર પણ સુંદર લાગે છે. લીસી અને દેખાવથી જ ખાવાનું મન થાય તેવી ખાંડવી પણ પીએમની પ્રિય છે. 

છૂંદો પણ છે પીએમ મોદીનો ફેવરિટ

આ સિવાય ભીંડાની કઢી પણ પીએમ મોદીની પ્રિય છે. ખાટી મીઠી કઢીમાં ભીંડાના નાના ટુકડા ઉમેરવામાં આવે છે. દહીં, ચણાનો લોટ, જીરું, રાઈ અને લીમડાનો વઘાર. આ કઢી પીએમ મોદી ખીચડી સાથે ખાવાનું પસંદ કરે છે. ગુજરાતી હોય એટલે અથાણું, છૂંદો વગેરે વિના તો ચાલે જ નહીં. તો પીએમ મોદીને છૂંદો ખૂબ પસંદ છે. આ ઉપરાંત ગુજરાતની શાન ગણાતું સિઝનલ શાક ઊંધિયું પણ પીએમ મોદીને ફેવરિટ છે. તે શોકથી તેનો સ્વાદ માણે છે.