લાભ / કેલ્શિયમનો ભરપૂર સોર્સ છે કેળું, રોજ 1 કેળું ખાવાથી થાય છે આ 11 ફાયદા

કેળા અનેક રોગો સામે રક્ષણ આપે છે. કેળામાં થાઈમિન, નિયોસિન અને ફોલિક એસિડના રૂપમાં વિટામિન એ અને બી પણ હોય છે. કેળામાં 24.7 % કાર્બોહાઈડ્રેટ, 1.3 % પ્રોટીન, ચરબી 8.3 % અને 64.3 % માત્રામાં પાણી હોય છે. તો આવો જોઈએ રોજનું એક કેળુ ખાવાથી તમને કયા કયા રોગમાં ફાયદો થાય છે.

• કેળા ગ્લુકોઝથી ભરપૂર હોય છે. જે શરીરને તરત જ તાકાત આપે છે. કેળામાં  ૭૫ ટકા પાણી હોય છે. આ સિવાય કેલ્શિયમ, મેગ્નેશિયમ, લોહતત્વ પણ પૂરતા પ્રમાણમાં મળી રહે છે. 
• શરીરમાં લોહીને શુદ્ધ કરવામાં પણ કેળા ફાયદાકારી છે. લોહીને શુદ્ધ કરવામાં લોહ, મેગ્નેશિયમ મુખ્ય ભૂમિકા ભજવે છે.
• કેળા આંતરડાના રોગને દૂર કરવામાં લાભદાયી નીવડે છે સાથે કબજિયાતની બીમારીમાં ફાયદાદાયક છે.
• આંતરડાની બિમારી હોય કે ઝાડા ઉલટી. દરેક  રોગોમાં દહીં સાથે કેળાનું સેવન કરવાથી ફાયદો થાય છે.
• પાકેલા કેળાને ખાંડ સાથે મિશ્રણ કરીને વાસણમાં બંધ કરીને ગરમ પાણીમાં ગરમ કરો. તેમાંથી બનાવેલા શરબતનું સેવન કરવાથી ઉધરસની બીમારી દૂર થાય છે.
• જીભ પર કે ગળામાં ચાંદા પડવાની સમસ્યાને દૂર કરવા માટે ગાયના દૂધથી બનેલા દહીં સાથે કેળા ખાવાથી રાહત મળે છ.

• દમની તકલીફ હોય તો કેળાનું સેવન લાભદાયી રહે છે. કેળાની છાલ સાથે કાળા મરીનો પાવડર લગાવીને છાલને ગરમ કરીને તે દર્દીને ખવડાવાથી આરામ મળે છે.
• ઉનાળાની ગરમીમાં  નસકોરી ફૂટવાની સમસ્યાને દૂર કરવા માટે પાકેલા કેળાને ખાંડમાં મિક્સ કરીને ખાવાથી અઠવાડિયામાં જ ફાયદો થાય છે. 
• શરીર પર કોઈ ઘા થયો હોય તો કેળાની છાલ બાંધવાથી સોજો આવતો નથી. આંતરડાના સોજા પણ નિયમિત કેળા ખાવાથી દૂર થાય છે. 
• જો તમે કોઈ જગ્યાએ દાઝી ગયા હોવ તો ત્યાં તરત જ કેળાનો પલ્પ લગાડવાથી બળતરા ઓછી થાય છે અને ડાધ પડતા નથી. 
• કેળાના પલ્પને મધ સાથે મિક્સ કરીને ચહેરા પર લગાડવાથી કરચલી દૂર થાય છે અને પ્રાકૃતિક ચમક આવે છે.