ધ્યાન આપો / ટેક્સપેયર્સ સાવધાન! જો ભૂલથી પણ કર્યો આ નિયમનો ભંગ તો ખાવી પડશે જેલની હવા, અને દંડ તો ખરો જ

• આઈટીઆર ફાઈલ કરવાની અંતિમ તારીખ નજીક 
• 31 માર્ચ 2022 સુધી કરી શકો છો ફાઈલ 
• ડેડલાઈન બાદ પડી શકે છે તકલીફ 

​​​​​​​આઈટીઆર ફાઈલ કરવાની અંતિમ તારીખ નજીક 

ઇનકમ ટેક્સ રિટર્ન ફાઈલ કરનારા માટે જરૂરી ખબર છે. કેંદ્ર સરકારે આઈટીઆર ફાઈલ કરવાની ડેડલાઈન 31 માર્ચ કરી છે. જો તમે નિશ્ચિત તારીખ પહેલા રિટર્ન ન ભર્યું તો તમને ફાઈન સાથે સાથે જેલ પણ થઇ શકે છે. આવો વિસ્તારથી સમજીએ. 

પહેલા 31 ડિસેમ્બર હતી તારીખ 
ઇનકમ ટેક્સ રિટર્નની નવી ગાઈડલાઈન અનુસાર, હવે 31 માર્ચ સુધી ઇનકમ ટેક્સ રિટર્ન ફાઈલ થઇ શકશે. સેન્ટ્રલ બોર્ડ ઓફ ડાયરેક્ટર ટેકસેસ તરફથી આપવામાં આવેલ જાણકારી અનુસાર, Assessment Year 2021-22 માટે ઇનકમ ટેક્સ રિટર્ન ફાઈલ કરવાની તારીખ 31 માર્ચ 2022 કરવામાં આવી છે. પહેલા આઈટીઆર ફાઈલ કરવાની ડેડલાઈન 31 ડિસેમ્બર હતી. જો તમે નિર્ધારિત તારીખ પહેલા રિટર્ન ફાઈલ ન કર્યું, તો તમને તકલીફ પડી શકે છે. 

ફાઈન ભરવો પડશે 
જો તમે 31 માર્ચ સુધીમાં આઈટીઆર ન ભર્યું, તો તમને ઓછામાં ઓછા 3 વર્ષ અને વધારેમાં વધારે 7 વર્ષની જેલ થઇ શકે છે. જો ટેક્સપેયર્સે ટેક્સ જમા ન કર્યો, તો વિભાગ તરફથી તેમણે ટેક્સ અને વ્યાજ સિવાય 50થી 200 ટકા ફાઈન ભરવો પડી શકે છે. આટલું જ નહી, આવા ટેક્સપેયર્સ સામે સરકાર ઈચ્છે તો કોર્ટ કેસ પણ ચલાવી શકે છે. 

આ ટેક્સપેયર્સની વધી શકે છે તકલીફો 
આવકવેરા વિભાગ તરફથી બનાવવામાં આવેલ નિયમો અનુસાર, સરકાર ITR ભરવામાં ફેલ થનાર બધા ટેક્સપેયર્સ વિરુદ્ધ કોર્ટ કેસ ચલાવતી નથી. જ્યારે ટેક્સનું દેણું 10 હજારથી વધી જાય છે, ત્યારે જ ટેક્સપેયર્સ વિરુદ્ધ કેસ કરવામાં આવે છે. આ નિયમ અનુસાર, જો ટેક્સેબલ ઇનકમ 5 લાખ રૂપિયાથી વધારે છે તો ટેક્સપેયરે 5 હજાર સુધીનો ફાઈન ભરવો પડી શકે છે અને જો ટેક્સેબલ ઇનકમ 5 લાખથી ઓછી છે, તો 1,000 રૂપિયા સુધી ફાઈન લાગી શકે છે. 

ઓનલાઈન કેવી રીતે કરશો ITR ફાઈલ?

• આ માટે સૌથી  પહેલા   https://www.incometax.gov.in/iec/foportal પર લોગ ઇન કરો. 
• હવે અહી ઈ-ફાઈલ> ઇનકમ ટેક્સ રિટર્ન> ફાઈલ ઇનકમ ટેક્સ રિટર્ન પર જાઓ. 
• હવે અસેસમેંટ ઈયર, ફાઈલિંગ ટાઈપ અને સ્ટેટસ પસંદ કરો અને પ્રોસીડ પર ક્લિક કરો. 
• હવે ITR સિલેક્ટ કરી તેને ફાઈલ કરવાનાં કારણને સિલેક્ટ કરો. 
• જરૂરી જાણકારીઓ ભરીને જો પેમેંટ થાય છે તો તે પે કરો. 
• હવે પ્રિવ્યૂ પર ક્લિક કરી રિટર્ન સબમીટ કરો. 
• ત્યાર બાદ, વેરિફિકેશન માટે પ્રોસીડ પર ક્લિક કરો. 
• હવે વેરિફિકેશન મોડ પર ક્લિક કરો. 
• ત્યાર બાદ EVC/OTP ભરીને ITRને ઈ-વેરીફાય કરો અને ITR-V સિગ્નેચર્ડ કોપી વેરિફિકેશન માટે CPC મોકલો.