વિવેક અગ્નિહોત્રીની ફિલ્મ ધ કશ્મીર ફાઈલ્સ દિવસેને દિવસે મોટા મોટા રેકોર્ડ્સ તોડતી જાય છે. જાણો આ ફિલ્મનું બોક્સ ઓફિસ કલેક્શન
ધ કશ્મીર ફાઈલ્સ તોડી રહી છે તમામ રેકોર્ડ્સ
બચ્ચન પાંડે, ગંગૂબાઈ કાઠિયાવાડી અને રાધે શ્યામને પણ આપી ટક્કર
ફિલ્મ જીતી રહી છે દર્શકોનાં દિલ
ધ કશ્મીર ફાઈલ્સ તોડી રહી છે તમામ રેકોર્ડ્સ
વિવેક અગ્નિહોત્રીની ફિલ્મ 'ધ કશ્મીર ફાઈલ્સ' બોક્સ ઓફિસ પર રાજ કરી રહી છે. આ ફિલ્મની સામે મોટા મોટા સ્ટાર્સની ફિલ્મો પણ પાણી ભરતી જોવા મળે છે. બોક્સ ઓફિસ પર અત્યાર સુધી ઘણી મોટી ફિલ્મોને પાછળ છોડનારી ધ કશ્મીર ફાઈલ્સ રોજ એક નવો રેકોર્ડ બનાવી રહી છે. આ ફિલ્મે સોમવારે 12.40 કરોડનો બીઝનેસ કર્યો છે. જે સાથે આ ફિલ્મની અત્યા સુધીની કમાણી 179.85 કરોડ થઇ ગઈ છે. ધ કશ્મીર ફાઈલ્સે રવિવારે 26.20 કરોડનું કલેક્શન કર્યું છે. બીજા શુક્રવારે આ ફિલ્મે 19.15 કરોડની કમાણી કરી અને બીજા શનિવારે 24.80 કરોડ રૂપિયાનું કલેક્શન કર્યું છે. ફિલ્મ જલ્દી જ 200 કરોડના જાદુઈ આંકડા પર પહોંચી જશે તેવા અનુમાન લગાવવામાં આવી રહ્યા છે.
બચ્ચન પાંડે, ગંગૂબાઈ કાઠિયાવાડી અને રાધે શ્યામને પણ આપી ટક્કર
અત્યાર સુધી આ ફિલ્મે બોક્સ ઓફિસ પર જે કમાલ કરી છે, તેના પરથી આશા જતાવવામાં આવી રહી છે કે જલ્દી જ આ ફિલ્મ 200 કરોડની કમાણીનો આંકડો પાર કરી જશે. ધ કશ્મીર ફાઈલ્સ ગયા 11 દિવસોથી દર્શકોનાં દિલ અને બીઓક્સ ઓફિસ પર રાજ કરી રહી છે. 14 કરોડનાં બજેટમાં બનાવવામાં આવેલી આ ફિલ્મ રાધે શ્યામ, ગંગૂબાઈ કાઠિયાવાડી અને બચ્ચન પાંડે જેવી ફિલ્મોને પાછળ છોડી ચુકી છે. માઉથ પબ્લિસિટીનાં દમ પર આ ફિલ્મ દર્શકોને સિનેમાઘરો સુધી પહોંચાડવામાં કામિયાબ રહી છે.
ફિલ્મ પ્રોડયૂસર અને ડાયરેક્ટર વિવેક અનીહોત્રી આજકાલ પોતાની નવી ફિલ્મને લઈને ચર્ચામાં છે. કશ્મીરી પંડિતોની વેદના દર્શાવતી આ ફિલ્મ લોકોના દિલ જીતી રહી છે. લોકોની ભાવનાઓ આ ફિલ્મ સાથે જોડાયેલ છે. આ મુદ્દા પર પહેલા પણ ફિલ્મો બની હતી પરંતુ ક્યારેય આટલી ડેપ્થમાં આ મુદ્દા પર વાત કરવામાં આવી નથી. પરંતુ હવે વિવેક અગ્નિહોત્રીએ આ કરી બતાવ્યું છે. ફિલ્મને દેશભરની જનતાનો સપોર્ટ મળી રહ્યો છે અને સાથે જ સરકાર તરફથી પણ સમર્થન મળ્યું છે.
કશ્મીરી પંડિતોનાં નરસંહારની સ્ટોરી
ફીલ્મની સ્ટોરી વર્ષ 1990માં કશ્મીરી પંડિતોનાં નરસંહાર તથા તેમની સાથે થયેલા અન્યાય વિષે છે, જેમાં અનુપમ ખેર, મિથુન ચક્રવર્તી, દર્શન કુમાર અને પલ્લવી જોશીએ મુખ્ય ભૂમિકા નિભાવી છે. અભિષેક અગ્રવાલે પોતાના ટ્વીટર હેન્ડલ પર પીએમ મોદી સાથેની મુલાકાતની તસવીરો શેર કરતા પોતાના દિલની વાત સોશિયલ મીડિયા પર લખી છે.